今次Vienna無plan實邊日去邊度，只係list左以下呢堆要睇要食既野再自由發揮 To see: St. Stephen’s Cathedral Hofburg State Opera Rathaus (city hall) Schonbrunn Palace MUMOK modern art museum Prater amusement park Hunderwasser Haus百水公寓 Kunst Haus Wien - Hunderwasser Museum Naschmarkt To eat: Cafe Central - Melange咖啡 Cafe Demel - Sacher-torte朱古力蛋糕 Cafe Korb - Apfelstrudel蘋果批 Cafe Pruckel Figlmuller - Schnitzel炸豬排 Sausage stand 最後first full day既行程係St. Stephen’s Cathedral > Hofburg > Cafe Central > Hunderwasser Haus > Kunst Haus Wien Museum > Prater park > Cafe Korb > Volksgarten > Rathaus 吾知係咪人大左開始有jet lag定俾樓下Madison佢地走嘈醒，6點就醒左，by the way佢前一晚有通知我會leave early，that’s a good roommate! 出去之前影下hostel，鍾意呢度chill到爆既decor，common area坐得又訓得好正，燈膽係我既至愛! 點擊圖片放大 好，又步行去教堂，Vienna好在大部分歷史建築同coffhouses都集中喺內城區，可以喺短時間內以步行方式穿梭最多checkpoints 呢日好好天，個太陽仲喺正教堂上面perfect lighting，St. Stephen’s Cathedral係哥德式建築，所以高、尖係必須的，但屋頂塊mosaic實在係格格不入，吾多岩feel 入到去，我覺得係靚過出面，星期日有儀式進行緊，雖然無信仰但入到教堂以示尊重都吾會影咁多，睇左陣就問職員邊度上north tower，原來係教堂左邊既一個隱敝位，俾6歐買張飛搭迷你圓形lift上去，其實另一邊south tower係再高d，但要行343級樓梯，自問體能OK但晨早未食早餐吾想行lol The views:::::::::::::::::::::::::::::::::::::::::::::::::::::::::::::::::::::::: 點擊圖片放大 +2 落番黎決定去Cafe Central嘆個早餐! 呢兩年變左coffee addict，知道Vienna有好多過百歲既傳統coffeehouse，同兒家D新派cafe好吾同，裝修好classic好grand好傳統歐洲色彩，於是精選左幾間去朝聖，Cafe Central係其中一間因為睇相decor實在太靚 途中會經過Hofburg - 以前Royals既冬季皇宮，果個圓形廣場泊左好多馬車做遊客生意，我覺得D馬好慘所以吾會坐 點擊圖片放大 +3 到左Cafe Central，喺門口好快就被reception叔叔帶位，好彩早到後尾開始多人等，叫左Melange呢隻Viennese coffee，成份係half espresso, half hot milk & milk foam，飲落吾錯，係濃版既cappuccino。奧地利餐廳上咖啡都會附送杯水，好貼合我地港人要杯水既習慣xd 雖然全部cakes都好吸引但又吾想晨早食甜，所以就叫左bacon and eggs，好特別煎埋一餅野仲要鑊仔上，係好食既! 埋單10歐幾(我兌9.3)，之前搵料見到俾錢要round up到整數，但waiter最後都係找足錢俾我，之後試過有其他餐廳禮貌地要求tips。不過食環境都抵啦，吾多講，睇圖;) 點擊圖片放大 +6 食完出黎諗左陣決定去我今次一定要睇既百水公寓，一定要睇因為我好鍾意colorful既野同埋prints/patterns，而百水先生呢位藝術家既風格正正合我心意，佢參與既建築作品當然吾可以錯過! 即刻google map搵路去，去最近既地鐵站Herrengasse搭U3線往Simmering方向，喺Rochusgasse站落行8分鐘就到，望住條河黎行就無死lol 到了，側面影影先，你會見到外牆同天台種左好多樹，咁係因為百水先生亦都主張Environmentally friendly，覺得城市建築同大自然係可以共存既 轉個彎就見到果個最instagrammable既彩格正面，星期日超多遊客(我知我都係xd)，要向上影先影吾到人，由於百水公寓裡面係有人住既所以只可以睇外面，其實都幾慘，屋企係旅遊景點 點擊圖片放大 然後對面有個專為遊客而設(搵遊客錢)既所謂百水村-Hunderwasser Village，入面都係souvenir shops同士多同cafe/bar，不過decor貫徹百水設計又係靚既! 點擊圖片放大 要真正認識百水先生既作品就要去埋佢個博物館，公寓向前行幾個街口就係，我覺得博物館個黑白格外牆靚過公寓:D 入場費12歐係幾貴既，有Vienna card 9折，除左百水畫展仲有個female artist既攝影展睇，不過入面嚴禁攝影，係好事黎既 好鍾意樓梯D大燈波，連廁所都一絲不苟，睇完展覽一定要去欣賞下後園個園林cafe，配埋一條條亂中有序既燈膽s真係好鬼靚，成件事好dreamy，睇下都已經開心，下次有機會再坐低嘆杯咖啡! 點擊圖片放大 +4 9點先天黑有的是時間，Prater只係喺對面河所以去埋啦，出番大路有駕O號電車正正係以Prater為總站，吾洗諗跳上去! 兩個站好快到，Prater本身係一個好大既city park，機動樂園只係入面其中一小部分，星期日好多一家大細成班friend喺度chill個畫面好靚。行公園好似已經成為左我每次旅行既指定行程，真係好鍾意行公園，身心舒暢:D 行中間條路行行下就會行到機動樂園，一入到去就見到High AF既空中千鍬，望住D人升上去開始fing我都有少少驚哈哈，全部機動裝置都係行呢個懷舊風，同埋d rides同人好近，玩G-force d人係喺我頭頂尖叫飛過LOL 點擊圖片放大 +5 講到Prater最出名莫過於果個建於1897年最古老既摩天輪，外型好似一個個火車車箱咁好特別，我鍾意Vienna好念舊保留好多自己既歷史而且係proud of it! 點擊圖片放大 +2 流連左差吾多個半鐘，好好天，我應該喺呢度已經曬黑左，Prater都有地鐵站於是我搭番U3線番市中心Stephenplatz打算食多間coffeehouse，想食Apple Strudel所以去左聽講好食既Cafe Korb，歐洲人好天都係鍾意坐室外，入面得小貓三四隻，我坐入面因為想影佢都有d特色既decor，除左Apple Strudel仲叫左杯Viennese iced coffee，嘩呢杯野好肥，材料有cold espresso, vanilla ice cream, wafer stick and whipped cream不得了，呢日第2杯咖啡呢晚應該吾洗訓xd 個蘋果批好很大舊係好食既，我當係晚餐嫁喇，飽到上心口lol 點擊圖片放大 +2 食完要散步消化下，經Hofburg行到英雄廣場Heldenplatz再亂咁行行到人民公園Volksgarten，好多花好多人影花好多人同花合照，睇完花見到出口又穿左去對面馬路見到哥德式建築city hall - Rathaus，吾少專業人士已經set定位捕捉天黑然後Rathaus亮燈，我就到此一遊影幾張咁啦:D 點擊圖片放大 呢日既行程都差吾多，可以call it a day，慢慢行番hostel，係，我真係好鍾意行路:D #2完 Stay tuned x
