Hi I’m back! 終於有旅程可以寫了，今次放大假5月19-26快閃8日奧地利:) Grad trip去左英法德意，上年獨遊左丹挪冰英荷，所以想去未去過既中/東歐，加上呢個area消費比較平 本身首選係Prague+Budapest，跟住見到隔離奧地利好似都吾錯，有最靚小鎮Hallstatt又有連續9年獲選最宜居城市Vienna，再跟住上卡塔爾個網比較下機票，來回Vienna係最平$4800，去程Prague回程Budapest要$5100 So Austria it is! 得一個星期時間決定走最經典既精選路線Vienna+Hallstatt+Salzburg，地理位置黎講Vienna喺右邊，Salzburg喺左邊，而Hallstatt就喺兩者中間(近Salzburg)，中間既交通都係搭奧地利公營火車OBB，出名準時到喊，搵料見到有早鳥價於是3個月前就網上買定火車，Vienna去Hallstatt同Salzburg去Vienna都分別係19歐，係最平既價位，聽聞價格好浮動可以去到30幾歐 認真覺得自己好青春，星期五爭取6點收工去唱錢再番屋企沖個涼拎行李搭凌晨機，第一程9個鐘，等3個鐘再第二程5個鐘，為左爭取時間玩耐D可以去到幾盡! 因為時差咁就可以同日下晝兩點抵達Vienna有半日玩下:D 好啦點知去到多哈第二程機DELAY 3個鐘，地勤同我地勁簡單咁講係operational reason，後尾上到機Captain先交代係原本架機有問題要轉第架機，delay係無奈既但亦都吾係咩worst scenario，同埋我覺得卡塔爾始終係性價比高既airline所以會繼續搭! 而佢既補償方式就係請我地食早餐lol 其實第一程機食左兩餐都吾係好肚餓，其中早餐有crepe食表示好開心:D 好，獨遊既樂趣開始，話說左邊枱既悉尼老太太開始向我埋怨delay，話自己3次飛Vienna都吾順利，決定吾會再經Vienna轉火車番祖國斯洛伐克，佢不停重覆又重覆我已經無心機應佢，然後右邊枱既斯洛伐克先生開始搭嗲，話聽到老太太既口音知道係同鄉於是相認左，兩個係咁寒喧，夾喺中間既我表示awkward 後尾老太太話要去D4閘口等走左，就變左我同斯洛伐克先生傾計，佢去完星馬泰無去香港但會問我究竟香港回歸中國之後係點，係咪真係50年不變，咁我緊係如實回答啦難得遇到外國人咁關心香港 然後到我想了解下斯洛伐克，or東歐as general，佢話東歐比較窮D人只會望到西歐既好所以會自憐自卑，仲話斯洛伐克人慣性負面思想，好沉默同冷漠，係共產主義制度下既後果。仲話如果去完奧地利呢D咁disciplined咁乾淨咁習慣遊客既國家，去斯洛伐克會好大反差，叫我吾好去哈哈哈哈 最好笑既係佢喺泰國買生果handcarry帶番老家，佢一定好鍾意食lol 多哈機場呢個高架鐵路係型既 經過最漫長既轉機同俾印度家庭令我反哂白眼既第二程機，下晝4點半終於made it to Vienna! 咁岩拎行李後面既廣告係名畫The Kiss，大學讀過有印象不過今次我無去Belvedere博物館睇真蹟 目測Vienna機場好細，出左Arrival即刻去左邊既tourist info拎地圖同買張72小時Vienna city card盛惠29歐 (免費任搭市內公共交通，博物館有discount)，我係懶人又suck at maths所以city cards永遠係我既朋友:D 本身已經諗住跟hostel指示(見下圖)搭最平既路線S Bahn+underground，好彩問一問原來張卡吾可以由機場開始用因為吾係市內，職員教我買飛搭S7線去Wien Mitte站到時轉地鐵就可以開始用卡 跟住需要解決既係sim卡，機場路中心有間叫Mr Mobile既檔口，我一行近個男店員已經黎招呼我，奧地利最強勁既網絡供應商係A1，而呢間野sell既係A1個姊妹Yooopi既sim卡，揀左最平(都吾係平 - 34歐)既plan - 4G, 1000分鐘5GB data，其實8日夠用有突好多(所以我每日可以瘋狂stories haha)，俾部機佢幫我set up埋吾洗煩:D 好，all set可以去搭車去hostel 轉左地鐵U4線我suppose係要搭到Kettenbrückengasse呢個站，點知喺前一個站Karlsplatz架車就停左話到左終點站，跟住就搵人問可以點去下個站啦，問左個婆婆佢好似吾係好明我想點，可能果位先生見到我地好迷茫就step in問Can I help? 好感動! 即刻諗起gradtrip 5人行喺柏林都係咁有人主動幫:) 呢位先生其實幾有型，佢解釋俾我聽原來呢條line要維修，去到6月都無得搭去之後既站，叫我跟佢行上地面先，佢知我間hostel既位置就叫我開google map話我知其實呢個站行過去都吾係好遠只係8分鐘，由於會經過出名既market - Naschmarkt佢話可以沿路睇下，跟住我順勢問It’s the best market in Vienna right? 佢話It’s OK but not that great. 我明喇可以吾洗行! 好感謝呢位先生!!! 成功到達Wombat’s hostel，都係上hostelworld.com睇中先去官網book，今次住3晚8人mixed dorm平均24歐一晚，呢間hostel都算大，淨係我住既3樓都有15間房，入到房係自己揀床既，目測只有對住門口張上格床係吉既，再問下喺床睇緊書既鬼妹，佢話佢樓上都無人我即刻放低野。佢係Madison，美國人，佢個朋友喺廁所getting ready，我吾知佢叫咩名lol 然後Madison問Veronica, do you have plans tonight? I said no. 我鍾意佢跟住果句“That’s what I love about hostel life - No plans.” 等我仲以為佢地想叫我一齊去玩，好似之前荷蘭班鬼妹咁，原來佢地要去睇classical concert lol 出門前仲問我做咩吾揀門口張上格床係咪聞到有陣味lol 其實好簡單我只係吾想對住個門口，然後佢話下格有個smelly boy! OK got it thanks. 間8人房真係好大，係stay過最大，除左冰島既16人房，今次沖涼同廁所都喺房入面，其實我prefer喺出面既shared showers/toilets但呢間無，不過hostel life會令你學識遷就同忍讓，喺屋企沖涼好耐喺hostel可以好快lol Settle完都差吾多7點，要出去explore同搵食，hostel行去市中心(即係地標St. Stephen’s Cathedral果邊)好方便，只係15-20分鐘，最鍾意去旅行行勁多路 聽講Vienna係最早有hehe同sheshe紅綠燈既地方(當然都有heshe)，我諗gay-friendly都係其中一個令Vienna最宜居既原因。 沿路經過另一個好重要既地標State Opera，外牆有個screen定期會免費直播歌劇，咁岩呢個星期六晚有，好多人已經坐定定霸定個靚位等睇，因為入場睇係好貴最貴去到200歐，除左4歐既企位，不過要半日前開始排隊lol 音樂之都就係連busking都係彈小提琴，之後兩晚都見到佢 然後見到右邊“aida” leon light，記得呢間cafe既粉紅裝修好出名，其實吾係好肚餓諗住食個甜品算就衝左入去，叫左個Brownie bowl好努力食淨少少，自己一個去旅行食野係最麻煩，外國既分量太大lol 亮點係佢地套制服哈哈，呢度既待應係會每人咩住個銀包即時找錢俾你，我鍾意! 點擊圖片放大 +3 食完出黎見到有sausage stand又想食，究竟我係飽定吾飽? 果然係德國既鄰居，都係鍾意食腸，叫左芝士腸4.5歐，味道as expected都係偏咸，其實吾明點解呢度食腸係配塊包?? 睇左兩野St. Stephen’s Cathedral，明早會上tower睇景，9點幾個天黑哂就原路行番hostel沖涼早抖，話就話mixed dorm，其實果晚我間房得果個smelly boy，所以真係好多female travelers [high five for that] #1完 Stay tuned x
