3/19上晝11點幾touch down London Heathrow. 去過倫敦既人都知喺Heathrow入境係惡夢，今次都係打哂蛇餅，又焗，而且officer又會問長問短 今次自己一個女仔就更加多野問，好彩我寫左份舊工無寫unemployed，否則仲麻煩 仲記得佢問我for work or for pleasure好想笑出黎，問第幾次黎就例牌，又問我有幾多cash有無卡，我照直講喺丹麥俾人偷野無哂d卡，佢就話so sorry, safe travels跟住放我走了lol 拎完行李即刻買張20鎊既3 sim卡，再買張oyster card(即係英國八達通)搭Tube出市區 好鍾意倫敦地鐵，車箱好細好得意，no signal迫你睇書睇報紙，地鐵站設計又係好有性格 倫敦都係backpack方便d，地鐵實在要行太多樓梯，我拖住個26"gip加個handcarry大包望住條長樓梯呆左一下 好彩英國男都係gentlemen，會上前問你Do you need help，死人都話yes，咁就吾洗自己狼狽到喊@@ 今次揀左住Astor Queensway Hostel，Central line喺Queensway落or Circle & District line喺Bayswater落都好近，貪佢地點夠方便又吾太貴，訓6人female dorm，約HKD 200一晚 住後感係廁所同沖涼房吾夠 David Bowie in the house! Settle完出動。 The good old Telephone. Happy kids with toys. 去左Oxford Circus，果邊有最出名既幾條購物街 - Oxford Street, Regent Street, Carnaby Street, etc. 我既目標係Urban Outfitters，歐洲UO既衫靚好多又多款，must go! 最後忍吾住買左兩件無左8舊水[馬騮掩眼] 然後見到好靚既Liberty百貨，不過無入去:p 然後行到Carnaby Street，仲俾我見到丹麥roommate倫敦仔喺Vans番緊工:p 其實我係要去鍾意左好耐既兩個London brand朝聖，首先係accessories品牌Skinny Dip，買左個12鎊既散紙包:) 另外就係clothing brand LAZY OAF，之前試過網購但運費實在係貴，可惜行到去已經close左，星期日收早orz 點擊圖片放大 +2 求其街邊食個甜酸雞炒面就番hostel早抖，因為琴晚無訓過@@ [DAY 2] Hostel最好係有1鎊慈善早餐，俾1鎊就有雖然普通但食到你飽既多士呀cereal呀yogurt呀，仲順便做埋善事good! 識左同房既兩個日本妹，佢地請我食私伙日本出名cereal好好味:) 出動搭Tube，呢日去Camden Town行下market食下野 Camden既特色係佢d立體外牆裝飾，可惜呢日typical English crappy weather :( Camden最爆係呢間CYBERDOG，入面好似club咁，d衫係cyber costume路線lol，我買左把菠蘿味既梳xd 最底果層係賣成人用品，仲有人跳鋼管舞，所以嚴禁拍照 其實呢間Cereal Killer Cafe好出名，不過我覺得都幾貴既價黎食cereal吾多抵所以無試 點擊圖片放大 最後都係揀左fish & chips，呢間Poppies好食過Borough Market果間，炸魚薯條係貴野盛惠8鎊，不過黎到點都要食一餐既，吾記得揀左Haddock定Cod :p 點擊圖片放大 之後突然勁大雨，入左附近間Starbucks買杯野飲避雨，韓妹staff吾識串我個名lol 入面有畫出黎既地圖好正，諗住停雨就沿Regent's Canal散步 點擊圖片放大 +5 中途出左半個鐘太陽咁大把，所以呢英國人對Sunny days特別珍惜 好懷念呢日散步，好chill好舒服 行到Little Venice本身想行埋去附近既Beatles封面場景Abbey Road到此一遊，但呢個時候又落起雨，吾想再行見到駕去Victoria既巴士就跳左上車，因為今晚買左睇Wicked musical 兩年前睇Phantom of the Opera實在太正，所以今次黎睇兩個 - Wicked同The Lion King 不過夜晚睇有d眼訓＠＠ 最大感受都係演員唱live無得輸! 點擊圖片放大 睇完10點幾番到hostel d roommates已經熄哂燈訓覺lol female dorm係吾同d@@ #1完 Stay tuned x
