冰島第5,6日join左Extreme Iceland既South Coast & Jokulsarlon Glacier Lagoon two day tour，實現左睇冰河湖、冰川既願望:) https://www.extremeiceland.is/en/destinations/jokulsarlon-glacier-lagoon/south-coast-and-jokulsarlon-two-days 揀Extreme Iceland係因為之前睇左幾個人既blog同vlog跟佢團都口碑吾錯，而且呢個團有我最想去既地方，如果當晚極光指數高的話仲會去追光，可惜我去呢兩日都機會微 下圖既兩日行程，包酒店住宿同Day 2既早餐，盛惠ISK 49,900，我再租埋行冰川既hiking boots加多ISK 1,000，於是total ISK 50,900=HKD 3,765 望落係幾貴，但去完你就知係值既 今次係minibus tour，一團15人，好開心同團有兩個都係獨遊既HK ladies大家認識左 移居倫敦既Rebecca媽媽自己一個黎冰島玩好正! 之後去London仲照顧左我一日好好:) 而Lindy既影相gear超pro，佢既愛爾蘭working holiday經驗又令我想認真考慮係咪要去 另外最深刻就係見證住美國Daniel同加拿大Lisa既調情經過lol 好可能係一個愛情故事既開始hahahaha 黎自Miami既一家四口爸爸媽媽都好健談，仔仔係小鮮肉＠＠ 司機兼導遊呀Mark都好稱職，一日揸咁耐車仲要一路上介紹真係辛苦了 第一站Seljalandsfoss瀑布，好壯觀，陰天加雪地再加天上既flying birds有一種蒼涼既感覺 點擊圖片放大 防滑防水行山鞋喺呢日好重要，雪地加埋水真係幾跣，我都跣左一次，好彩有Rebecca托一托我背脊 行樓梯上到瀑布既側邊，水聲好震撼，濕左都好開心，大自然真係好Amazing 其實仲可以行瀑布既後面從後欣賞，令我諗起水簾洞xd，不過呀Mark就因為太跣吾建議我地行 點擊圖片放大 第二站Skogafoss瀑布，係冰島其中一條最靚既瀑布，JB都喺呢度拍I'll Show You個MV lol 去到呢度好似轉左場景咁，好好天，仲俾我地見到彩虹!!! 連呀Mark都話我地好lucky 一落車就俾對面河呢座矮山同下面d屋仔吸引住我眼球 點擊圖片放大 +3 跟住去左Black Sand Beach附近食lunch，附近又係so photogenic 第三站黑沙灘，真係吾好為左影相or貪得意行咁近海邊，好易俾浪沖走 [Although Iceland is beautiful, you don't wanna die here lol] 點擊圖片放大 跟住吾記得左呢度係邊度，好似去左外星咁哈 Some sort of unique plant in Iceland called "laki", not sure if it's moss or not :p 點擊圖片放大 THIS IS WHAT I CAME FOR!!! Jokulsarlon glacier lagoon. 係我最想睇既冰河湖呀! 呀Mark見好天就車我地黎率先望一望，第日會去湖既另一邊留耐d慢慢欣賞 興奮到衝落車，又係超大風超凍，感謝Lindy幫我快影:) 點擊圖片放大 最後就黎到呢晚住既Smyrlabjörg Country Hotel，一個人訓兩人房:p 晚餐係自費既，有幾個選擇俾我地揀，我揀左Lamb Burger，好好食! 全團人坐喺一張長枱一齊食傾計交流下我鍾意:D 食完飯隔左陣呀Mark話同我地喺酒店周圍睇下有無極光，其實肉眼係睇到微微既綠色光影，但我既攝影硬件實在太雞影吾到，要好似Rebecca、Lindy咁用腳架再調較白平衡呀ISO呀秒數呀先影到一大pat綠色極光 捕捉極光真係需要無比既耐性同抗寒力，當時吹到流哂鼻水手又僵，真心佩服我d團友既堅持 最後送上我既Failed極光照，你睇到果條綠色短橫線嗎hahahaha [驗眼] #5完 Stay tuned x
