Blue Lagoon baby Blue Lagoon. 非常之咁touristy仲好貴，但我覺得去冰島點都要去體驗一次。 下圖價目表取自bluelagoon.com，我一個月前就喺官網book左Standard experience揀左11am-12noon呢個鐘內入場，某d熱門時段係較貴，因為咁就變左ISK 6,800 如果吾係自己揸車去既話，可以好似我咁加埋個transportation由Reykjavik Excursions接送來回，自己就番入場時段揀邊班車(車程約50分鐘)，盛惠ISK 4,200 呢個Blue Lagoon experience total洗左我ISK 11,000=HKD 818 建議真係要預早卜定，因為每個時段都有人數限額，同埋其實Blue Lagoon好近機場，吾少人會選擇一落機就黎嘆 當日準時11點鬆d就到左，行入去果條路已經夠特別 Iceland just feels like another planet for me haha 點擊圖片放大 入門口前發現左邊已經可以睇到藍湖既美，non-bathing area無人正 其實無想像中咁藍，係藍同綠之間lol 點擊圖片放大 入到去排Standard果條隊，跟住staff會幫你戴條膠手帶，中間有舊sensor 更衣室俾我想像中細，應該係因為Standard價:p 鎖locker果part先進到令我好amazed，明明無assign邊個locker，只係入到去揀個吉既，放d野入去跟住close左個locker，再行去個中央sensor doo條手帶就自動鎖左，應該係記低埋你個locker number，因為unlock果陣一doo就開到 好神奇，但我諗緊如果有人同時close個locker咁點分邊個打邊個lol 基於衛生問題，都係要求你沖乾淨身先落去浸，有shampoo, conditioner同body wash提供 之前Blue Lagoon email溫馨提示叫浸果陣頭髮盡量吾好掂水，因為chemicals會令頭髮打結，同埋浸前可以搽定conditioner落頭髮度 Trust me, it's real. 因為我吾小心中左招，d頭髮cake到咩咁[馬騮掩眼] 我想講更衣室同個池之間果10步路真係來回地獄又折返人間，著住泳衣凍到hihi，為左影相來回左幾轉 去前一直都好糾結點樣影相呢個問題，結果我戰戰兢兢地拎住神棍舉住部吾防水既電話落水影xd 好彩有驚無險，其實個個人都係咁，勁d既就GoPro 其實d水都吾係話認真熱，要痴住下面正方型果舊野浸先最熱lol 同埋遊走去最左邊個shelter拎免費mud mask敷面，係滑左:D 另外仲可以喺下面右邊個lagoon bar買野飲(有alcohol & non-alcohol)，我都忍吾住買左杯strawberry smoothie，doo一doo手帶就ok，走先俾錢 How fancy 既然黎到就豪一豪! BTW我見到個內地大嬸戴浴帽落去浸what the... 最後浸左3個鐘先捨得走lol 個個輪住用果兩個風桶吹頭 結論係皮膚真係滑左同埋果晚超好訓! Bye bye Blue Lagoon. It's been a pleasure. 又返到市中心，呢度係10-11吾係7-11哈 點擊圖片放大 搵左一陣終於搵到冰島最出名既熱狗! 勁隱敝既hotdog stand，約HKD 26一個 地址: Tryggvagata 1, Reykjavik 101 Ordered it with everything - remoulade, raw onions, fried onions, ketchup, and mustard 條腸係lamb-based with pork and beef，正呀! 結果last day再食多次:D 點擊圖片放大 +2 下面呢間Noodle Station都係Reykjavik平食之選，喺main street - Laugavegur 係越南河果類，得3款，雞、牛、野菜，野菜最平HKD 66我食左一次吾錯的 跟住果日就去我最期待既兩日一夜Southcoast團! #4完 Stay tuned x
