銅鑼灣登龍街V Point真係雲集各地美食，上星期新開一間日式烏冬店【SOLO UDON ソロうどん】，餐廳主打全自助點餐兼一人用餐概念，我都幾鍾意依種模式，有時一個人行街坐低想靜靜地食餐飯，享受Me time真係一個好選擇！ 先係餐廳門口位自助點餐機(設有2部)揀選心水美食，食物種類豐富：有烏龍麵、小食、飲品、甜品，店內主打烏龍麵都係$88起，不收加一服務費，付款後取收據就可進店內坐。一人坐位模式，兩旁用隔板分隔保持私隱度。枱邊位置設有QR code掃描，用剛剛付款的收據將QR code對準「嘟」一下即可下單，之後係枱前位置等取食物用餐，全程自助形式，真正零接觸 咖哩湯吉列豬扒烏龍麵 $98(加大+$10)店內由日本師傅主理，烏冬採用100%北海道麵粉製作即拉而成非常彈牙，湯底用雞每日熬製12小時非常濃郁。咖哩味香濃，充滿日式咖喱風味，即炸吉列豬入口脆卜卜 吉列蝦蝦湯拌烏龍麵 $98(加大+$10)一上枱就聞到超香蝦湯味，入口濃濃蝦味，吉列蝦肉新鮮，烏龍麵煙韌彈牙，鍾意食嚼勁口感麵一定要嚟試！ 小食：明太子芝士春卷、海蝦天婦羅、南蠻炸雞、韓式泡菜、溫泉蛋、日式上湯冷菠菜 明太子芝士春卷 $38入口鹹香味濃，芝士夾心加炸物係永遠不敗之選海蝦天婦羅 $35平時食天婦羅多數就咁用隻碟放，依到用網碟盛起肉眼睇都係誠意之作，味道當然都係好食la，大蝦非常彈牙南蠻炸雞 $48都係用網碟盛起炸物，誠意分加滿！即叫即炸咬落熱辣辣，雞肉多汁嫩滑，仲有沙律菜中和油膩，私心推介必食！韓式泡菜 $18酸辣味適中，作為前菜或加入麵食都好開胃溫泉蛋 $12作為蛋迷去到邊都要比錢加蛋食，依到溫泉蛋真係好正！一口凍溫泉蛋放入口再咬開果種「正」相信鍾意食太陽蛋就會明！日式上湯冷菠菜 $18太多肉叫碟菜食下，鋪面柴魚片+切口整齊菠菜細細碟好精緻，雪凍咗菠菜好freshSOLO TEA 玉山烏龍 $25自家製烏龍茶，初入口有種甜味，之後回甘，非常解渴 日本木村信州蘋果汽水 $28香甜蘋果味，大人小朋友都鍾意飲嘅汽水抹茶罐裝牛乳蛋糕 $48罐裝包裝好得意，打卡一流，軟綿綿蛋糕入口即溶，淡淡抹茶牛奶香又唔會好甜草莓罐裝牛乳蛋糕 $48 唔單止賣相靚，真係有士多啤梨㗎！比抹茶蛋糕甜d d，但我自己親鍾意食依罐多d 地點: 銅鑼灣登龍街18號V Point地下3號舖 ~~~~~~~~~~~~~~~~~~~~~~~~~~~~~~~~~~~~~~~免責聲明:是次產品/產品資料由 品牌提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。希望大家鐘意今次我嘅分享la~多謝收看歡迎合作：邀稿合作試用出席活動食品/食評穿搭Email:pomeranian.chichimo@gmail.comFacebook:http://www.facebook.com/VenusLazyDiaryInstagram:https://www.instagram.com/_lazydiary_/YouTube:http://www.youtube.com/c/LazyDiaryBlog:U Blog:http://blog.ulifestyle.com.hk/blogger/venuspang/She.com:http://blog.she.com/venuspang/Blogspot:http://venuslazydiary.blogspot.hk/Beautylife:http://www.beautylife.hk/?fromuser=VenusPangESDlife:http://wow.esdlife.com/VenusPangGIRLAB:http://girlab.hk/author/venuspang/Girlssss:https://girlssss.com/16239/venuspang/
