平時IG自拍相居多,想轉型周圍搵多d新鮮感搵靚景影下,經過戲曲中心見到都幾多影靚相地方就停留咗係到影下相,喜愛戲曲文化更可以買票入內欣賞,影到攰或者欣賞完戲曲係戲曲中心都有地方醫肚。係G/F見到大大個鼎爺人型紙牌係門口就過去睇下,原來係以港式燒味為主開設的鼎尚棋哥燒鵝湯館 店舖以七、八十年代懷舊裝潢設計,主打燉湯、燒鵝及多款燒味燉湯套餐。 依盅椰皇燉嫩雞真係無得輸!原隻椰皇燉,清甜唔在講,入口感受到椰皇清水加雞肉味,好香甜好滋補,真材實料,真係要嚟試試! 另外靚湯都可以外賣㗎,外賣杯設計特別,配外賣手抽,方便擕帶,隨時飲用 係香港用荔枝柴煙燻燒鵝真係買少見少,Venus 都係第一次食,比起平日食開d燒鵝真係香脆可口好多!食落有淡淡荔枝木香味,最特別係皮脆肉嫩、入口即離,係平日食唔到口感 套餐飯可轉湯瀨粉或米粉,所以桂香切雞就轉配湯瀨粉試下,雞肉嫩滑,皮薄油脂均勻,雞味十足 平時比較少食脆皮燒腩仔,因為通常皮都唔脆,肉質又比較韌,今次食脆皮燒腩仔真係有脆皮,咬到卜卜聲,肉嫩脂肪比例完美,唔會成口脂肪感 菜心都幾大碟㗎 另外,餐廳仲有兩款外賣支裝飲品賣,有港式奶茶同阿爺涼茶,港式奶茶香滑濃郁,阿爺涼茶係雞骨草口味,加入羅漢果清熱解毒 地址:九龍尖沙咀柯士甸道西88號戲曲中心GF-05號舖 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?fromuser=VenusPang U Blog: http://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She.com: http://blog.she.com/venuspang/ ESDlife: http://wow.esdlife.com/VenusPang GIRLAB: http://girlab.hk/author/venuspang/