觀塘工廈多正嘢食就係人都知,但係好多時都唔知去邊食,要覓食都要花d時間做下research。海鮮焚化爐Venus就去咗一間不賣環境,只賣質素,充滿家的味道私房菜,去觀塘搵食又多一個參考la 依間私房菜除咗提供套餐,客人仲可以自行編寫菜單。茶位$2/位非常親民,開瓶同切餅都無須收費,仲要全店免加一!實在太好la,食$1000都慳返$100,免加一舖頭真係買少見少 P.S. 沙律、龍蝦、西瓜盅是必須預定 麻辣手撕雞: 依碟麻辣手撕雞麻辣份量唔太多,少少麻辣味適合唔太食到辣的人,辣辣地做地盤好開胃,新鮮脆口青瓜配入味手撕雞味道一流 什菌龍骨湯: 無湯不歡的Venus大讚依碗湯,大大塊龍躉骨煲湯,膠質十足!加入什菌成碗湯好鮮味,依碗湯骨膠原十足,飲多2碗補充下膠原先 生煎東星斑: 清蒸東星斑食得多,生蒸真係第一次食,12兩養魚星斑啖啖肉,煎到好香口。平時食蒸魚要挑走魚皮先會食,煎到咁香口就一定要連皮食先係精髓! 薑蔥大肉蟹: 大肉蟹有幾種食法,不過Venus最鐘情都係薑蔥炒(因為屋企都係薑蔥炒),薑蔥爆到好香口,重秤大肉蟹肉質鮮甜,即叫即製包新鮮。蟹鉗有手掌咁長,超抵食! 大蜆燉蛋: 一上枱個個嘩嘩聲,好靚好精緻。蜆肉啱啱好蒸熟,鮮甜彈牙唔會過老,燉蛋好香麻油味送飯一流,一口家的味道 白胡椒爆炒南非鮑魚: 平時同屋企人出街都係食開果皮蒸鮑魚,炒鮑魚第一次食,初時睇menu見到白胡椒都驚會唔會攻鼻,查實一d都無,仲要好香。識食就成隻食,大大隻鮑魚係口入面超滿足,惹味彈牙,食完之後覺得果皮蒸反而無咁好食,炒鮑魚滋味好多 士多啤梨骨: 一上枱已經聞到好甜,食落又唔係太甜,酸酸甜甜大啖肉,d汁好開胃,食多d肉都唔覺膩 蟹油銀芽炒麵: 依碟蟹油銀芽炒麵鑊氣十足,但蟹油味就唔係太食得出 甜品: 甜品係椰汁糕,將紅豆汁淋上面點綴味道,再食清甜椰汁糕真係拍案叫絕,為豐富晚餐作一個完美完結 每人大約$4xx左右就有魚、蟹、鮑魚、蜆等海鮮食,再加2碟雞肉、豬肉小菜,仲有湯同甜品,食到飽飽走無呃秤,雖然無得食靚view,但將靚view價錢扣返出嚟食質素真係係翻到,當晚去食晚餐,一間工廈私房菜都爆滿真係要有口碑先做到,去觀塘搵食不妨試下 御膳地址: 官塘敬業街65-67號敬運工業大廈12樓F室 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受,並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?fromuser=VenusPang U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang