相信火鍋愛好者一定有聽過酒鍋，酒鍋顧名思義以酒出名，酒鍋湯底以高級食材熬製，兼顧素食人士需要另有素菜湯底及配料供選擇 今次Venus就試下新推出「行酒江湖」4款湯底包括：「花雕醉雞」、「啤酒魚」、「蕃茄紅酒牛尾」、「四川麻辣」 竹蔗茅根$26 紫貝天葵$26 行到好口渴坐底即刻叫杯竹蔗茅根，朋友就叫咗杯紫貝天葵，原來唔係一杯杯，係一盞燈泡^^ 自家製好似屋企煲咁，2杯都清清地唔會好甜 行酒江湖$298 「行酒江湖」4款湯底包括：「花雕醉雞」、「啤酒魚」、「蕃茄紅酒牛尾」、「四川麻辣」 Venus同朋友私心推介花雕醉雞湯底，藥材味滲入食材，啖啖養生滋味。啤酒魚湯底大大塊魚肉，魚迷必試。蕃茄紅酒牛尾湯底類似羅宋湯味道，仲有粒粒車厘茄做配料。而四川麻辣真係勁辣，好辣Venus都投哂降，但辣得好惹味，自問食得辣先好試 日本頂級黑毛豬豚腩肉$158 肉質鮮嫩，脂肪分佈平均，加上廚師細膩刀功薄切，入口口感嫩滑，無需調味醬都食出豬肉美味 手打墨魚丸$68 粒粒彈牙鮮味，放入四川麻辣湯底自製麻辣墨魚丸，辣得過癮 三拼福袋$160 福袋最令人期待之處就係唔知入面究竟放什麼東東？酒鍋三拼福袋好有驚喜，居然用Venus好鐘意食的食物做餡料，賣個關子先，等大家食時有驚喜，我想講三個福袋都好好味，值得一試 海鮮拼盤$368 海鮮新鮮鮮甜，隻蝦仲彈彈跳，大蚌最鮮味，直頭食出海水味，海蝦大大隻又爽口，如果多幾隻蝦就perfect 黑松露蝦蟹餃$88 第一次食黑色皮蝦餃，入口滿滿黑松露味，黑松露Fans拍哂手掌 蔬菜拼盤$58 火鍋點少得食菜呢，揀唔到食咩菜？蔬菜拼盤就係最好選擇，一盤菜多到2個人食唔哂，4個人share都得，好抵食 總括酒鍋湯底真係無得彈，係Venus食過最入味火鍋湯底，4款鍋底各有滋味，同fd一齊食就fit哂，鐘意邊個湯底就食邊個。漁市場特色設計配搭富有中式風格格局連食具都別具特色，仲有露台雅座，記住要selfie啊！ 酒鍋Facebook: https://www.facebook.com/thedrunkenpothk/ 酒鍋: 地址 : 九龍尖沙咀天文臺道8號2樓1號店 訂座電話 : (852) 2321-9038 ~~~~~~~~~~~~~~~~~~~~~~~~~~~~~~~~~~~~~~~ 免責聲明: 是次產品/產品資料由 品牌 提供, 本文章所發表的全部內容均屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。 希望大家鐘意今次我嘅分享la~ 多謝收看 歡迎合作： 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/?191562 U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/ ESDlife: http://wow.esdlife.com/VenusPang
