返到屋企打開電視見到東張西望介紹一間火鍋店用6分鐘食完辣蜆送手機做卓頭，本來都唔覺有咩特別，依類卓頭經常有唔同店舖都會做，睇落去原來佢湯底係用非洲同印度辣椒乾製成，聽落去覺得勁辣又惹味！唔食辣唔安落又自命食得辣嘅Venus決定衝去試！ 上文提要食飯慣咗book位嘅我去到就唔使等位直入la~~~ 入到去見到全場都冇人食依個18禁卜卜蜆煲都有D擔心係咪真係咁辣@@唔理la！一場嚟到就係為咗食依個辣蜆煲！死就死～豁出去la！叫依個煲果陣職員再三提醒好辣！嘩！搞到我都緊張埋！ 18禁卜卜蜆煲上場la！嘩！一片紅海......聞到d味都打乞嗤！開始擔心緊頂唔頂到......周圍d客人都向我地依枱報以驚訝嘅目光@@ 睇下幾咁紅！！！ 職員介紹返可以另外嗌嘢食用返依個湯底打邊爐 18禁卜卜蜆煲係為食仔新推出菜色，招牌龍蝦海鮮鍋係佢地鎮店湯鍋 都幾多特色自家製食材 除咗啤酒仲有紅酒同白酒飲 最後我地加左稻庭烏冬、皇帝菜、自家製紫菜炸響鈴 好！入正題la！開始食之前俾大家睇下非洲同印度辣椒乾@@ 足料3斤蜆！真係無呃秤！仲要大大粒！多到個煲都差d裝唔到！ 嘩！好辣阿媽.jpg~~真係辣到頂唔順！現場睇係食到流淚！條脷麻木咗，但係又好惹味！忍唔住會想再食果種矛盾感覺，但真係好辣好辣！ 食食下唔對路「筆」緊d辣椒乾走等無咁辣先...... 食到中段我同朋友都有個疑問？點解d蜆食極都仲有？真係冇呃秤～我覺得多過三斤蜆tim~~~ 救命！辣到飲咗2大支 終於KO晒D蜆，對面位朋友好似休克咗XDDD 講笑～佢話下次叫我搵第二個食得辣陪食，咪再預佢！ 前程提要我地另外加左d嘢食，對依個激辣湯底投哂降點算？雖有不爭氣咁「筆」起哂d辣湯再加清湯先繼續食到落去... 就係咁係變成微辣湯底下食埋其他3樣餸完成今次創舉！學阿Bob果句：「比d掌聲自己先la！」 P.S. 個自家製紫菜炸響鈴好好味，一定要試下 Venus食評：今次都算係人生第一次食得咁辣，自命食得辣都扯白旗投降，真係食咗10幾粒蜆左右已經開始頂唔順，雖然辣得好惹味，但唔會再食到第二次，食材新鮮服務好，下次會同朋友試其他唔辣鍋^^ P.S. 真心佩服6分鐘挑戰成功果幾個勇士！ 為食仔 Hungry Boy: 旺角白布街4號(旺角地鐵站E2出口 / 旺角東站B出口) 電話: 2811 1666/ 5334 8198 開放時間：18:00–02:30 Facebook: https://www.facebook.com/hungryboymk/ 此篇為自費Blog文，絕無廣告成份，希望大家鐘意今次我嘅分享la~ 多謝收看 歡迎合作： 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She Blog: http://blog.she.com/venuspang/
