到4月空瓶記la~~~ 去韓國旅行買落d護膚品開始用得7788,有幾款會出現係今次4月空瓶記~~ P.S. 今次有4款係試用,其他全自費,Venus會列明清楚4款(試用) 希望大家鐘意我今次分享^^ 潔面產品~~~~ 1)Bioderma水活保濕潔面乳 》評價:皮膚敏感時我會用Cream狀洗面減低刺激性,依支洗面性質溫和,做完激光之後甩皮用都唔會敏感, 2)Shu uemura洋甘菊潔顏油 》評價:Venus用卸妝油多年,貪佢可以快速卸全妝,懶人鐘意方便嘛^^ 用過Shu uemura唔同系列潔顏油,對依支洋甘菊感覺麻麻,唔鐘意過水後仲有層滋潤感覺,唔及綠茶潔顏油清爽 3)GlamGlow 深層清潔礦泥面膜 》評價:黑罐去黑頭粉刺效果好好,頑固黑頭都浮咗出嚟,洗完面皮膚好滑,已放入長期回購list,強烈推介依款深層清潔面膜 精華、面霜&Toner~~~~ 1)Topicrem 4重注水紓敏保濕乳 (試用) 》評價:冬天用到依家,斷斷續續用~通常皮膚極乾時用,保濕持久,不過質地略滋潤,夏天會覺得厚 2)Bioderma 激活水循環精華 (試用) 》評價:塗完上面後feel到好水潤,之後好似有層薄膜質感滋潤皮膚,但不油立,Venus本身都有訂購開Neo Derm Beauty Box~準備用第二支,會放入回購list 3)Whoo后 天氣丹華炫重生水 評價:買秘貼set裝送的試用裝,用完之後大愛天氣丹!依支乳液狀Toner好岩乾性皮膚用,潤而不膩,配合天氣丹lotion用皮膚充滿光澤,正到即刻買大支裝用 4)LOVEISDERMA 雙效維他命B保濕精華 (試用) 評價:試過幾款透明質酸精華保濕都好好,但唔係支支都可以妝前用,最推介係依支上妝時唔會有擦膠碎,質地清爽,夏天用都會怕立 5)Whoo后 秘貼自生精華素 評價:一直都聽講后秘貼好用,去韓國旅行入手秘貼set裝試下,一試愛上!用咗2星期皮膚氣息好咗,皮膚散發出光澤,膚質都變得細滑,上妝都貼咗!好正!去韓國一定要掃返2盒 6)Nature Republic 黃金人蔘蜂王漿安瓶 評價:本身入去掃hand cream 做手信,比sales姐姐講兩講就買咗1set 4支安瓶(女人錢就係咁易賺),Venus一向都鐘情蜂蜜產品,所以比依支蜂王漿精華吸引,質地滋潤,秋天用fit哂,但夏天用就會潤咗d la 眼唇產品~~~~ 1)MEDiPLUS dark circle remover [白眼圈] 褪黑藥效眼療膏強效版 (試用) 評價:黑眼圈有減淡,色素沈澱問題睇到有改善,用過多支去黑眼圈眼霜嚟講,依支去黑眼圈效果係比較明顯,但去眼袋方面改善不大 2)ettusais 水潤修護潤唇膏 評價:已回購第二支,潤得嚟唔會痴立立,塗完後唇紋減淡,嘴仔望落好潤澤,之後塗唇膏都唔會走色,好物推薦! 3)樂敦PRO眼藥水 評價:平日係Office眼乾就會滴,滴完對眼都keep住滋潤一段時間,個人唔太like黃色藥水設計,印乾時見到黃甘甘咁... 4)NeoStrata 再生緊緻護眼霜 評價:乳霜狀質地滋潤,去細紋效果唔錯,上妝都唔顯細紋 頭髮護理~~~~ 1)BOTANIST 洗頭水 評價:日本樂天No.1大熱洗髮產品,Venus買咗1 set白蓋:滋潤系列(適合一般髮量、幼軟髮質),洗頭水&護髮素連各2包補充裝,真心大推!味道係清新花果香味(青蘋果&玫瑰),香甜味道第二朝起身都仲keep到!洗頭水保濕度高,用後變得柔順,護髮素會係4月空瓶記介紹 2)Redken All Soft Argan 6 Oil護髮油 評價:較為杰身的髮尾油,觸感上不太輕盈,味道一般,不會回購 健康食品~~~~ 1)GNC 維他命C咀嚼片 評價:維他命C補充劑,每日1-5片,咀嚼片設計(果汁口味),Venus覺得維他命C咀嚼片比糖健康,補充維他命C之餘仲可以當糖食幾粒,萬寧特價時必入! 希望大家鐘意今次我嘅分享la~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogspot: http://venuslazydiary.blogspot.hk/ She.com: http://blog.she.com/venuspang/