Venus去泰國前同事已經即刻瘋狂推介一定要去試nara,話皇室成員御用廚師主理?又話皇室成員都食?Venus唔知真偽,不過見幾本旅遊書都有推介就去試! 我知道nara有幾間分店,最近胡慧沖都話新開咗間,Venus就去咗係酒店附近的Central World 7/F 間nara食^^ 同事同網友都話要早d去食,好full,一係book定枱,咁我選擇前者早d去食(12點左右到),好彩真係早d去食,中途已經好多人等位,外國遊客比例都好多,唔怪得旅遊書話受旅客歡迎餐廳 nara主打新派泰菜,口碑讚多過彈,見好多blogger都話每次必去nara,Venus評價nara係值得一試,食材、配搭、香料同賣相都一流,不過價錢係泰國嚟講就唔多親民,當然環境會比起平民餐廳/路邊小檔坐得舒服又有冷氣嘆,但平價菜又有另一番風味呢~大家自行決定la 睇下吃貨Venus係nara嗌咗d咩食? 泰國必食生蝦刺身,Venus對生蝦狂熱程度係想每餐都食,除咗生蝦要新鮮肥美加爽口彈牙,碟辣汁一定係成件事精粹,nara生蝦汁唔太辣,怕辣人士都接受到,生蝦都新鮮彈牙,諗起都想食^^ 生蝦刺身 ฿260 惹味醬汁拌勻每條粉絲,加上吸收大蝦精華,淨係個粉絲都加爆分!大蝦有膏淡淡肉,同行友人不斷講香港食唔到e個價錢! 粉絲大蝦煲 ฿520 Venus好怕食魚,好憎魚腥味,不過睇Menu賣相吸引就試下~出奇到鐘意食,多利魚味道類似龍脷柳,無骨唔腥,醬汁就同生蝦汁差唔多,酸酸地少少辣咁 西檸汁蒸多利魚 ฿260 同事介紹必食藍色飯,其實初初都好驚做咩要食色素>< 上網search過原來係用一種叫蝶豆花天然植物用嚟點綴食材,其實食落同一般白飯無分別,gimmick嘢姐,nara另有一碗醬汁比客人自行調味。 其實碟飯主要係影相呃like 泰式蝶豆花炒飯 ฿170 最後叫埋甜品,同事x旅遊書都推介必試椰子雪糕,有咩特別?特別在一杯雪糕有8種配料任你加!8種配料包括有:海底椰、糯米飯、粟米粒、椰果、大樹菠蘿、花生、斑蘭粉條、紅石榴。椰子雪糕其實應該叫雪葩多d,入口即溶,淨食雪糕都值回票價,椰子味超級正,不過都算快溶,要加配料就快手! nara椰子雪糕配8式配料 ฿140 Nara CentralWorld 7 Floor, Beacon Zone, CentralWorld Opened-Closed: 10.00-22.00 hrs. (last orders 21.30pm) Telephone: +662-613-1658-9 Mobile: +6661-574-1052 E-mail: naracentralworld@naracuisine.com 希望大家鐘意今次我嘅分享la~剪緊YouTube片la~下次會出^^~ 多謝收看 歡迎合作: 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/