終於約齊成班fd去食Jamie la，由銅鑼灣開舖話一齊食到開埋尖沙咀都未約齊人-_- 今個星期終於去食(朋友係JI做仲有折tim,所以瘋狂嗌嘢食XDDD) JI真係好多人排隊等位，朋友book o左8:00都等多15mins先有位@@門口一直都有人排隊，我地已經book星期一食飯，六日食JI朋友話walk in客係等到天昏地暗@@ 餐廳內部氣氛很好，一直播放輕快歌曲(食食下飯～會不自覺搖擺身體，哈哈)而裝飾融入香港味道，同行室內設計師朋友話係工廠風？(大家去食JI時可以研究一下^^) 全晚我覺得最好食係e碗炸磨菇 口感juicy加埋自家製醬味道非常夾 極度推介(我一人食o左2碗) 我唔食Ham所以唔知味道如何，朋友就話幾好味，我就有食右邊芝士薄片，好好味 羊架拼盤～因為我又唔食羊所以唔知味道如何，不過另一位唔食羊ge朋友試食o左一件話一d都唔羶，好似牛肉味，不斷讚好味 羊架 肉眼牛扒～唔記得講⋯其實我係唔食肉。。 所以只食牛扒配菜>磨菇，磨菇好入味&香口，為用新鮮食材加分 意大利香辣雞翼，我唔食肉，所以用薯條點o左d汁試下，味道又酸又甜又辣，幾開胃 挪威三文魚，今次終於有食la，三文魚焗到脆卜卜，配合紅菜頭加芝士食，味道幾特別 海鮮同魚我都會食，今次炸魷魚味道就一般，可以不試 話說成班人食到Pizza已經開始飽⋯ 上：芝士磨菇薄餅 下：香港風情辣味薄餅 本身鐘意食黑松露，所以好推介芝士果個薄餅，好香松露味，加芝士味道配搭一流，相反，香港風情果個薄餅無特別，可以不試 今次意粉認真麻麻 所以都唔多講。。 女人出動另一個胃時間到la～ 甜品好好味，生果好新鮮 我唔飲酒，所以寫唔到酒評la，全晚開o左3支酒，各有所好，所以味道因人而異la，我就對當晚特飲好好評la，酸甜味道，幫助消化 一行7人成班朋友都好開心，笑唔停，雖然出嚟做嘢之後好難夾o岩時間聚一聚，但係大家一聚埋又講唔停果種感覺真係好開心。 第一次食JI感覺唔錯，不過有d食物都有失望，希望下次食有改善，遲D再去食，到時再食其他款式 希望大家鐘意今次我嘅分享la~ 多謝收看 歡迎合作： 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/
