下午茶時間post下美食先XDDD 上星期去元朗做朋友化妝Model，之後就係元朗「搵食」la^^ 元朗多美食就無需多講，好多舖頭都有電視台同雜誌報導及採訪過，嚴重選擇困難症ge 我最後揀o左食十八座狗仔粉 之前睇街坊廚神已經好想去食，但放假鐘意係屋企做宅女，平日放工又好攰唔想周圍去>< 舖頭環境：舖頭唔算大，整體企理，牆壁貼滿藝人明星合照，店員姐姐態度則一般 餐牌： 叫o左一大一細狗仔粉同燒賣魚蛋，因為唔食鴨肉所以無叫到佢地招牌火鴨翅la 狗仔粉 狗仔粉比起平日食ge粉仔多o左好多蝦米同冬菇，入口好香，D粉入哂味！ 勁辣菜脯 無辣不歡ge我表示幾惹味，唔算太辣，對面位人兄就辣到講唔到嘢，建議落少少試下味先 燒賣魚蛋有驚喜，醬汁好入味，燒賣唔係得舊粉團，足料重魚味！ 成碗粉上枱熱辣辣再加埋勁辣菜脯食真係諗起都流哂口水，e家天氣凍o左又心郁郁想再去食，大家行經元朗一定要去試下^^ 多謝收看 <The End> Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/_lazydiary_/ Blog: Beautyexchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562 U Blog: https://blog.ulifestyle.com.hk/blogger/venuspang/ Blogger: http://venuslazydiary.blogspot.hk/ She.com: http://blog.she.com/venuspang/
