洗頭水大比拼 P.S. 全自費用光光～～～ Venus對洗頭水好講究，因為一用到唔夾自己洗頭水頭頂位置就會變油淋，洗完頭都好似10日無洗頭咁，就算再洗幾多次都會出現油淋問題。依個時候就要同果支洗頭水講Bye Bye，就算新買都好，已經用唔到落去，今次介紹6支洗頭水用係Venus頭上都無出現頭頂油淋淋問題，大家可以當一個參考^^ Venus係Kerastase粉絲，差唔多全系列產品都用過，所以佔咗Blog文最大部分，而今次介紹洗頭水Venus會列出價錢、評價、回購度(1-5 心心，1為最低；5為最高)^^ 1）Kerastase 極緻全效精華修護潔油浴髮乳 $280/250ml Venus用後感：皇牌髮尾油同系列洗髮產品，6支洗頭水中最滋潤頭髮，但唔會令頭髮有負擔，頭頂唔會有油膩感，唔加護髮素頭髮都唔會打結，特別推介嚴重受損髮質用 回購度： 2）Moroccanoil保濕修護洗髮乳 $230/250ml Venus用後感：前陣子吹過一陣摩洛哥髮尾油潮，Venus都有用過，之後愛上依個品牌，係我爛髮期間令我把頭髮重生。保濕成分令頭髮變得柔軟順滑，呈現返健康光澤，感覺味道偏濃郁花果香味，洗完頭後都keep到一段芬香時間，大推！ 回購度： 3）Kerastase 滋養浴髮乳 $230/250ml Venus用後感：6支洗頭水中最鐘意依種味道，淡淡花香好舒服，滋潤成份配合乳液狀質地減少乾旱頭髮洗頭時所造成摩擦，推介受損髮質用 回購度： 4）Kerastase 綻光絕色浴髮乳 $230/250ml Venus用後感：主打鎖色功效，但用係Venus頭上完全做唔到鎖色效果，撇除鎖色功效，保濕亮澤效果唔錯，但產品主打鎖色功效來說不合格，所以只得低分數 回購度： 4）Kerastase 曬後修復洗髮露 $250/250ml Venus用後感：獲獎洗頭水，專為對抗紫外線、海水、泳池水質等令頭髮受損而設，Venus無遇到以上問題，所以測試唔到是否有對應功效。見獲獎所以專程買返屋企試下，洗頭後頭髮彈性有光澤，味道清新，所以我都推介可以一試 回購度： 6）Redken 抗脫濃密深層洗髮露 $220/290ml Venus用後感：依支洗頭水一定要配合護髮素用，過水後頭髮會乾，唔用護膚素吹頭時會打結，防脫髮效果唔見效，評為雷品！ 回購度： 以上全屬自購產品，無廣告成分，產品效果因人而異， 希望大家鐘意我今次分享，將會有腳貼大比拼， Like我Facebook同Instagram有更多扮靚靚分享 快d去睇下la~~~~ 希望大家鐘意今次我嘅分享la~ 多謝收看 歡迎合作： 邀稿 合作試用 出席活動 食品/食評 穿搭 Email: pomeranian.chichimo@gmail.com Facebook: http://www.facebook.com/VenusLazyDiary YouTube: http://www.youtube.com/c/LazyDiary Instagram: https://www.instagram.com/lazy_diary/ Blog: BeautyExchange: http://www.beautyexchange.com.hk/blog/VenusPang Beautylife: http://www.beautylife.hk/mobile/home.php?mod=space&uid=191562
