最近天氣超級好呀！當然要出去吸收維他命D ＝） 原訂路線由川龍村上妙高台可以影芒草，再落去城門水塘 當日跟友人在荃灣兆和街交界乘80號小巴往川龍 難得去到當然去端記飲茶食D野先再出發啦～ 西洋菜好食好新鮮呀 12點幾正式出發，沿彩龍停車場牌，再跟着右邊車路行 走過開心坊農莊樂園，走上川龍林道，其後會看到往「響石」的地圖告示牌， 一直上去，只有我們兩個女生，開始看到有不少墳墓，心裡開始有點怕怕 走到看見右邊有個避雨亭，在避雨亭及鐵皮屋中間小徑拾級而上，旁邊全是墳墓 不知是否心理作用，在這裡風聲很奇怪，最後朋友說：不如行返落去囉！ 好！於是我們便回頭 （全條路得我地兩個真心驚驚地） 避雨亭 我們走回川龍林道，見到有路可以行去城門水塘，所以就一路跟著石屎路走 以為這就是龍門郊遊徑，終於見到有其他行山人，就問問他，但..原來是走回荃灣的 龍門郊遊徑牌下跟著泥路走進去才是正確的路呀！ 龍門郊遊徑至城門水塘 約6.7公里 經過一番折騰，已經快2點了 （搞咩黎呀！？） 要加快腳步先得呀！如果唔係天黑都未行完 好彩郊遊徑算輕鬆，而且風景怡人 可以看到荃灣 圓玄學院 開始要上石級，需要點力氣喔 幸好天氣不是很熱，風吹來很舒服 已經有點累，休息一會，食個蘋果先 HAHA 仲有1.5公里 ，再行一段路就開始下山啦 （垃圾有袋走的喔） YEAH！完成郊遊徑啦～ 唔好以為咁就可以去搭車呀 走進對面的賞蝶園 ，再從入面涼亭附近出口離開，就會見到城門水塘啦 沿著塘畔向前走，會見到菠蘿壩小巴站，等82號小巴落返去荃灣 4點幾，仲可以食個TEA 先返屋企 菠蘿壩 － 好多芒草呀 雖然今日上唔到大帽山，最後傻下傻下行左郊遊徑但最終一樣到達城門水塘 唯有等下次約多D人再挑戰！
