唔知大家有沒有去理髮但係燙壞了的經驗。本人上次去理髮後，髮尾一直都有電壞的感覺，總是繞成舊舊，心情極壞。 好幾次忍住不去salon，因為要把壞掉的髮尾剪掉的話，就要把頭髮剪到好短，絕對係「長長短短，短短長長，一吋一吋在掙扎」的狀態。於是只好試不同的護髮素、髮尾油來吊命（期間還每晚坐在垃圾桶前面剪髮尾，情境相當悽涼又恐怖），好讓頭髮長長一點點才去剪。 上星期終於又去剪頭髮，我將上次的情況告訴我的髮型師。他幫我剪好髮後送了一支髮尾油給我，還說用過這支髮尾油，可以將屋企其他果啲扔掉。你知其實好多女人都愛聽呢類說話，作為試新嘢的鼓勵。 暫時用了幾日，效果係唔錯。頭髮順滑返，又唔會好立（喂，我真係堅怕個頭立住立住咁喎） [gallery ids="15279"] 這幾個月我用過的護髮產品： CAUDALÍE 尊貴美肌護理油（呢支係可以潤膚，但我主要用來護髮的。帶點橘味，唔立） 大島椿（對受傷髮質零幫助，而且開樽兩個月後有油質變壞的「益」味） L'Oréal Paris 昇華修護美髮油（效果唔錯，性價比算高） Acene 澳雪 澳雪一分鐘焗油（金色包裝果隻，之前係台灣買的，係香港好似唔見。如果你覺得用開果隻澳雪ｏｋ，呢個仲好） LA BIOSTHETIQUE 修補受損髮質洗髮水 MARC ANTHONY 摩洛哥堅果油潤髮乳 L'Oréal Paris 極緻深層修復護髮乳 冬天護髮專題：http://beauty.ulifestyle.com.hk/hk/theme/winter_hair_care.html 如果大家有好的護髮產品推介，可以介紹下畀我～
