【香港有質「素」*】造訪麗姐當天，颱風海高斯剛遠離香港，上班族趕返工之際，麗姐在餐廳內閉翳。八號風球在午飯前除下，麗姐當天連午市也做不成，在疫情下生意更雪上加霜。「今日午市只有十個八個客，有些聽到沒有三餸套餐就不吃了。疫情下上班族都在家工作，那有客人呢？現在六時後不許堂食，點做呀？」麗姐重重嘆口氣，「平日素餃子可以賣十盆八盆，現在餡料做了兩三盆也難賣完。」疫情下生意跌了九成，幸得業主襄助和一班員工支持，麗姐也堅持住，繼續開鋪唔炒人。「我哋一家人都喺到做，仔女喺到大，大過就來幫手。 員工又好，無理由好景時就要人，無飯食就叫人走，係咪呀？」 梅菜餃 $56/8隻餡料有梅菜、雲耳和素肉，先調味再炒香，每日包製，啖啖都吃到馥郁梅菜香甜。麗姐來自順德，沒有正式學廚，手藝師承媽媽。現址灣仔的「麗姐廚房」約十年前開業，以考基本功的廣東素菜為主。她說初時聘請師傅打理廚房，但飲食業流失率高，留不住熟手師傅。「我索性自己揸起鑊鏟，自己煮，自己包餃、自己做素叉燒。食客讚好食，生意比以前好，可能順德人真係天生較為識煮。」麗姐笑道。各款素菜不加味精，麗姐希望日日在外吃飯的上班族能吃得健康點。午飯套餐有六款餸菜任選，必定有一款齋、一款清菜，還有蒸品、炸物，款色天天不同，三餸兼湯不過50元。每日新鮮包製的梅菜餃子和流沙餃，亦是麗姐的拿手菜。「梅菜、雲耳和素肉先調味再炒香，淥熟後餡料棉軟潤澤，真係好好食！」麗姐也不怕賣餃讚餃香，對自己親手煮的菜式充滿信心，她只望疫情早日完結，大家再來捧場。*在艱難時期，香港的素食餐廳仍用心做好每一道素。「香港素食會」亦希望支持本地素食餐廳，推動更多人為地球、為動物、為健康而踏出茹素第一步。「香港素食會」將四出「找素」，〈香港有質「素」〉特輯會在未來日子，推介一連串絕對值得大家一試再試的本地素食餐廳。 蜜汁叉燒 $88叉燒以麵筋製成，先拉油再以秘製醬料調味，然後加欖角炒香。想不到素叉燒竟然做到酥脆燶邊，香氣四溢，非常驚喜！ 台灣炒米（可走蛋）$78麗姐笑說這款炒米亦是廣東小炒之一，配料有素叉燒、素餐肉、銀芽、冬菇、椰菜，米粉炒得爽口不油膩，好吃！ 梅菜餃 $56/8隻餡料有梅菜、雲耳和素肉，先調味再炒香，每日包製，啖啖都吃到馥郁梅菜香甜。 椒鹽炸雞髀 $38/3隻乍看實在很像炸雞髀，原來是腐皮捲着雪條棍，炸至皮脆內嫩，一口咬下甚有質感。 麗姐廚房地址：灣仔譚臣道105-111號豪富商業大廈二樓A-D室（港鐵灣仔站 A3 出口，步行約2分鐘）電話：25756060、25756070
