上次就同大家介紹左位於觀塘既《古早王國》 今日咁啱返工嘅時候同同事講起 佢就分享仲有另一間台灣古早味現烤蛋糕店俾我—《幸福是蛋糕一件》一聽個店名就會諗係咪食完都會有幸福嘅感覺？😂所以收工就即刻去買咗一件 《幸福是蛋糕一件》位於石門站既京瑞廣場二期 一樓 因為我今日收工都比較晏 所以佢之前都有打個電話問佢哋嘅營業時間 好彩佢哋嘅營業時間係去到夜晚八點 雖然趕唔切佢哋新鮮出爐嘅時候購買 但係我七點幾左右買嘅時候個蛋糕仲係暖暖地點擊圖片放大 佢哋呢一間嘅款式超多款 總共有12款 包括有原味 拉絲芝士 椰汁斑蘭 焦糖燉蛋 粒粒朱古力夾忌廉芝士 金莎朱古力 抹茶紅豆麻薯等等 有嚴重選擇困難症嘅我都唔知點樣揀好 但係第一次試梗係食返我最鍾意嘅芝士啦💛 佢哋依一款拉絲芝士古早蛋糕 除咗同平時嘅古早蛋糕一樣 最特別就係佢地面嗰層加咗碎芝士 所以有少少脆 比平時嘅蛋糕更加有口感同埋好濃嘅芝士味話明拉絲蛋糕呀嘛 梗係有一條條嘅芝士 雖然我啱啱已經食得好飽 (加上其實可以叮一叮先食）但係我都忍唔住即刻同朋友食 一食就停唔到 一食就停唔到口但係我自己都食咗大半個 佢嘅食法同我上次分享嘅一樣 因為冇加防腐劑嘅關係 最好三日之內就食晒 但係我好肯定如果你同朋友或者屋企人一齊食嘅話 3分鐘就會冇晒😂 據我所知除咗石門分店之外佢哋仲有另一間分店 位於大角咀 所以如果住喺九龍嘅朋友有興趣嘅話都可以佢哋嘅分店㗎 同埋要留意番石門分店因為啱啱開業 可能佢哋會進行一啲員工培訓所以嗰日會冇開門 留意番佢哋嘅IG 去到就唔會摸門釘啦🥰仲可以買返個熱辣辣嘅古早味蛋糕添❤️食完佢哋嘅蛋糕都希望你哋會好似佢哋嘅舖頭名一樣感受到幸福☺️《幸福是蛋糕一件》石門店 營業時間：下午12:00-晚上8:00地址：石門京瑞廣場二期1樓8號舖 #古早蛋糕 #現烤蛋糕 #石門 #打卡 #芝士 #香港美食 #震騰騰 #試業中 #ig #cakeshop #hkfood
