行程: 広島縣 → 尾道市 → 香川縣 → 高松市 → 德島縣 → 鳴門市 → 三好市 → 高知縣 → 香美市 → 高知市 → 愛媛縣 → 松山市 → 大久野島 → 宮島 → 広島市 機票(香港 ↔ 広島): HK Express $88優惠機票 - 2人來回 連稅 $1348 連20KG行李來回各一 (10月買, 11月飛) 租車: rentalcars.com - Times Mazda 2 Demio $2631/8天 (広島機場租車還車) Wifi: crazyegg $280/8天 (香港機場取機場還可減1日租金) 酒店: agoda/ airbnb 大概$3000 7晚 (每晚不同酒店) 準備功夫: 自駕遊要先計劃好行程路線, 了解路程距離, confirm路線後可預訂酒店, 而自駕遊時所揀的酒店唔需要太方便, 日本酒店一般都有停車場, 無料(日文意思-免費) 就最好! 如果唔係¥500-1100 不等。而準備路線的時候順便記低埋目的地的電話番號(日文意思-電話號碼), 好等揸車時可以以電話來搜尋GPS路線。同埋我建議大家將想去的地方記低佢的日文名同埋日文的英文串法, 因為到時要搵路或者問人都講到下個地方名。關於食果方面, 我plan行程的時候見到想食就mark低做後備, 因為到時我會用google map搜尋local's favourite, 盡量都會揀日本人食開既野, 而唔係遊客食既野 :p 搞掂哂以上所提及的範疇, 就可以開開心心等出發啦 :) 旅行開始! 起飛前記得買定旅遊保! 我慣左買 citibank, 要用citibank 信用卡先買得, 我唔知保咩, 夠唔夠, 價錢唔貴同埋方便, 所以就買。 2人 $216/8天日本 DAY 1 - 17/11/2015 航班 UO800 HKG1400/HIJ1810 HK Express 機場櫃台於Terminal 2(T2) 而登機閘口一般於5XX 號登機閘口, 係outer bay, 即係要坐車先上到飛機, 所以要最少提早30min到登機閘口。 由於広島天氣差, 落雨兼大霧, 降落前機師有話係嘗試降落, 如果失敗會改飛去大阪.... 都幾驚~ 好彩最後成功降落 :) 到広島機場過custom, 佢地只係為我地一班機而開機做野, 全條隊都係同機的人, 開左3-4個櫃台做, 完哂條隊佢地都收得工。之後攞行李, 係咁二問你泥日本做乜, 住邊間酒店, 之後你先可以行出去機場。去到租車櫃台, 等車來車我地去攞車。我地好大膽無買任何車保。如果大家想有個保障都可以攞車前買埋。職員會同你一齊check車, mark低花左既位, 不過除非大炒, 如果唔係佢地都唔係點理。搞掂就可以出發! YEAH~~ 第一站: 尾道市 Onomichi 直接GPS到酒店, 沿路搵到間迴轉壽司, 隔離仲有好大間藥妝, 不過食完已經收左。 資料 かつぼ寿司 - 尾道店 電話: 0848-24-0878 地址: 広島縣尾道市新浜1-7-9 第一晚酒店: Onomichi View Hotel Seizan (agoda $437.70) √ 免費泊車, 但要交低車匙 Χ 相當隔涉, 單線雙程仲要上山, 又無街燈 √ 尾道市全景 Χ 少少殘舊, 泰feel √ 房大 DAY 2 - 18/11/2015 第二站: 千光寺 資料 千光寺 費用: 免費 電話: 0848-23-2310 地址: 〒722-0033 尾道市東土堂町15-1 纜車: 千光寺可以搭纜車, 之前search過有人建議可以搭纜車上山, 落山自己行, 留意纜車運作時間0900-1715 單程¥320 來回¥500 自駕: 泊車¥600, 行公園兜一個圈 千光寺景點 - 千光寺公園, 戀人の聖地, 貓の細道, 尾道市立美術館 由於我地去當日落密雨, 行一轉就走了, 沒有花太多時間逗留。 點擊圖片放大 第三站: 尾道商店街 先找間店午餐, 本身打算試下最出名的朱華園拉麵, 但咁好彩撞正休息日。 於是試左local's favourite 雜兵拉麵 :) 都好正!! 資料 朱華園拉麵 (應該要排隊) 營業時間: 1100-2000 電話: 0848-37-2077 地址: 広島県尾道市十四日元町４－１２ 雜兵拉麵 營業時間: 1100-1900 電話: 0848-37-6755 地址: 廣島縣尾道市十四日元町3-23 點擊圖片放大 +2 上網找到其他網站介紹 http://www.shimahito.com/area/30-8-zh.php 食飽就行尾道商店街, 無咩舖開門, 無咩好行.... 最後入左間幾別緻的咖啡室, 食左件好普通的朱古力蛋糕.. 點擊圖片放大 +2 離開尾道市, 向香川縣出發 (約1.5h車程) 第四站: 金刀比羅宮 資料 金刀比羅宮 地址: 香川縣仲多度郡琴平町892-1 附近泊車 ¥500, 買滿¥1500 可免費泊車, 我地買左幾包烏冬返香港 由於天雨關係, 我地只係行左陣金刀比羅宮參表道, 去到好多樓梯上金刀比羅宮果度就返轉頭.. 點擊圖片放大 +2 之後去高松市, 去酒店, 途中經過免稅大藥房, 買滿¥5400可免稅 (食品除外) << 大愛哩個提子冰!!!!!! 之後再途經多間local居酒屋, 揀左間外觀'試正' 就泊低車入去, 多數都免費泊車 第二晚酒店: Apa Hotel Takamatsu-Kawaramachi (agoda $481) √ 有4個免費泊車場 √ 1500 check in, 1100 check out √ 包早餐, 一般 √ 附近有幾間居酒屋可飲酒 DAY 3 - 19/11/2015 第五站: 栗林公園 資料 栗林公園 費用: ¥410/人 電話: 087-833-7411 地址: 香川縣高松市栗林町一丁目20番16號 附近有幾個公園停車場, 收費有少少不同。 公園話大唔大, 話細唔細, 細心欣賞可以留好耐。 點擊圖片放大 +6 遊山玩水後, 去搵野食, 又揀左間local's favourite さか枝うどん 資料 さか枝うどん 營業時間: 0600-1500 電話: 087-834-6291 地址: 〒760-0017 香川県高松市 番町5-2-23 係一間超級local的麵店, 午市好多白領, 快食, 自助, 好似canteen咁, 味道唔錯, 好平好抵食! 點擊圖片放大 +2 上網找到日本網站介紹 http://tabelog.com/tw/kagawa/A3701/A370101/37000026/ 午餐後出發德島縣鳴門市... 第六站: 鳴門海峽 由於今晚係最費的酒店, 所以一到步就checkin左先, 間房正正對住渦之道。 放低行李就四圍行, 行去鳴門公園, 但渦之道的時間係朝早, 但第二朝1100又要走, 所以最後都睇唔到, 只係見到小渦。 點擊圖片放大 點擊圖片放大 +3 第三晚酒店: ベイリゾートホテル鳴門海月 Bay Resort Hotel Narutokaigetsu (agoda $1944) √ 免費泊車 Χ 早餐同晚餐差唔多 √ 海景 Χ 溫泉好普通, 少少舊 √ 包早餐, 晚餐 (懷石料理, 房入面食) √ 傳統日本tatami房 DAY 4 - 20/11/2015 第七站: 祖谷溪, 小便小僧 哩個景點其實好無聊, 可以唔去。揸車條路極難行, 單線雙程, 有貨車行, 山路, 好恐怖。 點擊圖片放大 +2 第八站: 祖谷葛橋 ¥550/人 有停車場唔記得幾多¥, 但係自己入錢落料金箱, 靠自律, 一泊車就先入錢的。 之後會經手信店, 有間餐廳, 我地食左個午餐仔醫肚 之後會再經小店賣小吃, 塩燒魚好好食, 日式甜丸子我最愛!! 點擊圖片放大 +2 之後就到 祖谷葛橋, 其實好驚... 個個都行得好慢 之後周圍影下靚景 :) 點擊圖片放大 +2 第九站: 大步危 坐大步危峽觀光遊覽船 ¥1050/人 來回30min, 好普遍, 睇石, 無咩特別, 免費泊車 點擊圖片放大 +2 之後有時間, 去左大步危駅, 影迷你版祖谷葛橋, 同買左盒hea刺身食 :p 點擊圖片放大 +2 夜晚去高知縣香美市, 酒店附近有一丁目, 好多食市店舖。 是但揀左間燒肉, 食完再試下屋台 :p 食左兩餐! 點擊圖片放大 第四晚酒店: 7 DAYS HOTEL (agoda $517) √ ¥600泊車 Χ 包早餐, 但得咖啡/奶, 麵包/蕉 √ 酒店附近就有商店街 DAY 5 - 21/11/2015 第十站: 桂浜 泊車¥400 首先經過間狗狗相僕博物館, 由於我非常愛狗, 所以無無聊聊去左。 入到去只係睇下一隻好老的退役相僕狗, 可以遠處影相, 之後會去左哩個品種的小狗室, 可以同狗仔玩, 任摸任影。其實等如拎我隻狗出泥俾大家影相咁 :) 哈哈 資料 Tosa Dog Museum 費用: ¥500/人 , ¥650/連影相 facebook: https://www.facebook.com/tosadog/ 點擊圖片放大 +3 之後行去桂浜水族館, 本來見門面咁UP DUP, 諗住唔入去, 但又太多時間所以都係去左.. 資料 桂浜水族館 費用: ¥1200/人 電話: 088-841-2437 地址: 〒781-0262 高知県高知市浦戸778 桂浜公園内 官網: http://katurahama-aq.jp/ 超值得去!!!! 一定要去!!! 因為佢咁UP DUP, 所以同D企鵝好近好近好近!! 一入去有魚仔食手皮, 有龜有魚, 有標本, 有海獅.. 餵食只需¥100, 對住企鵝s 我真係可以留足全日!! 當然你要對企鵝有興趣啦~~ 點擊圖片放大 +9 之後行返轉頭就會去到坂本龍馬的銅像 臨走記得去停車場隔離的店舖買串炭燒魷魚, 全個旅程最好食的!! 點擊圖片放大 第十一站: 日曜市Hirome 午餐時間先開, 室內有好多餐廳小店, 靚版foodcourt, 值得去! 要食高知縣著名的鰹魚! 資料 日曜市 電話: 088-822-5287 地址: 高知縣高知市帶屋町2-3-1 點擊圖片放大 +3 食完午餐就出發去松山市, 最長的路程, 由天光去到天黑。但由於酒店算偏僻, 附近都無咩行, 我google map搵到20min車程遠有間大型商場, 我地就搏一搏.. 第十二站: Aeon Mall 去到有超大停車場, 超多車位。係一間超大間的Aeon連住個mall, 入到去gup下水牌, OMG, 見到有GU!!!!! 即刻9秒9衢去, 仲有1小時就關門, 爭取時間怒揀怒試怒買, 撞正佢大減價! 真係好好好好好抵!! 哩度確實係男女老幼都適合, 可以留一日! 資料 Aeon 新居浜店 地址: 〒792-0007 愛媛県新居浜市前田町8-8 官網: http://niihama-aeonmall.com/ 點擊圖片放大 +2 第五晚酒店: 西条アーバンホテル西條城市酒店 Saijo Urban Hotel (agoda $437) √ 免費泊車, 但得好少位, 遲去要泊街邊, 擺低車匙 Χ 恆溫'暖氣', 無得自己較溫度 √ 酒店隔離就係車站 臨訓前要先了解去大久野島的船時間, 再決定第二日出發時間。 DAY 6 - 22/11/2015 第十三站: 大久野島 - 兔島 (記得早幾日行街時候準備兔糧同紅蘿蔔, 我覺得太多人餵紅蘿蔔, 好似兔糧比較受歡迎) 我地由今治市去大久野島, 之後再去廣島縣。 最理想, 最慳時間, 亦即係我地本身打算於 大三島フェリー（株） 盛港務所 (碼頭) 搭車船去兔島, 玩完就搭車船去忠海 (綠色線)。¥4600 2人+1車 可惜, 我地計漏左當日係星期日, 太多日本人來郊遊, 到尾班船, 職員建議我地搭船返大三島, 因為好大機會去忠海的船會滿車, 如果我地上唔到果架船就要第二日先有船走.... 但如果係咁當初我地可以泊架車於大三島碼頭, 買人坐的來回船飛去大久野島, 平好多!!! 而且回去大三島的話, 我地要再經陸路去廣島縣.. 都要2hrs 車程.........>< 掙扎一輪後, 我地都會決定回去大三島 盛港, 架車白白跟左我地上船... (藍色線) 點擊圖片放大 +2 12點幾去到兔島, 碼頭已經有好多好多兔仔!! 泊低左的車底都會!! 一路行入去, 沿路都有好多兔仔, 近碼頭果D比較大膽, 唔怕人, 可以摸到。 行入D果D會比較細膽, 可能你一mull低已經嚇走左.. 我地餵下行下影下相, 貶眼已經4點幾, 要趕尾班船 好唔捨得, 哩度絕對係食菲林的地方, 要好好準備! 影之餘要好好珍惜同兔仔咁近距離的相處! 點擊圖片放大 +4 如果去四國或者去廣島旅遊, 我都極力推介哩度! (如果你都愛小動物的話) 第六晚酒店: 櫻井ビル株式会社 (AirBnb $6xx) 第一次住airbnb!!! √ 業主好好, 可以地鐵站接我, 但因為我地自駕, 所以直接門口等 Χ 泊車貴 √ 房間好日本, 好當地人feel Χ 廁所好細, 真係好細 √ 有welcome gift 雖然只係小食, 但好窩心 Χ 近鐵路, 都幾嘈 √ 有好多不同茶包/飲品選擇 DAY 7 - 23/11/2015 第十四站: 宮島 - 嚴島神社 & 紅葉谷公園 11:00am 去到宮島駅附近有好多好多停車場, ¥1000-1200 日泊。 之後搭JR船, ¥190/人 約5-10min船程就到。 果度有少少鹿仔, 奈良果D靚D同多D。 行去嚴島神社, 沿途有小食, 有手信買。 大約12:30pm就水退, 可以行落去嚴島神社影相。 之後行去紅葉谷公園, 再上去搭ropeway (纜車) 來回¥1800/人 去獅子岩駅。 於山上行, 完全係hiking咁行, 行30min就到彌山, 可以望到廣島360全景。 山上預計逗留1.5hr .. 點擊圖片放大 +15 夜晚又google搵酒店附近的餐廳, 搵到traveler's favourite : お好み村 (有4層, 每層都有好多間舖, 間間舖食既野都係一樣, 全部都係燒餅燒蠔) 緣份帶左我地去3/F 最入果間店長叫"ロン" (Ron) 再遇上隔離有一位英文好叻的日本食客, 可以一路傾計一路食, 佢地一路啤啤酒, 過左好local的一晚! 資料 お好み村 地址: 〒730-0034 Hiroshima Prefecture, Hiroshima、中区新天地５−１３ 電話: 082-241-2210 官網: http://www.okonomimura.jp/ 第七晚酒店: Hotel Sunroute Hiroshima ホテル サンルート広島 (Agoda $435) √ 超近廣島景點, 可以行到去 Χ ¥1000泊車, 同埋係電動果隻 √ 房都大 DAY 8 - 24/11/2015 今日的景點都於酒店附近, 如果早出發可以泊住酒店先, 唔洗咁早出車, 因為泊景點附近都幾貴 第十五站: 原子彈爆炸圓頂 第十六站: 平和紀念館 其實仲有廣島城、縮景園, 不過我依家先發覺好似無去到.. ^^" 第十七站: 八丁堀 哩度我地食左一蘭/一風堂/立食牛扒.. 本來仲想食一間沾麵, 但行到去無開 >< 店舖有悟空店, GU, 樂器店等等 點擊圖片放大 +6 食完最後一餐, 就出發機場, 入滿油, 還車 (佢完係無CHECK車, 仲原車車我地去機場) 最後check in 完, 當然要入禁區買勁多Royce朱古力做手信, 比香港買平一半! 航班 UO801 HIJ1855/HKG2155 回家 :)
