最近睇FACEBOOK有好多關於MEDICUBE嘅廣告，好似係韓星劉在鍚代言，介紹呢個牌子係對抗敏感肌膚，咁岩我皮膚比較容易引起敏感，久唔久都紅左一達達係面度......見佢啲廣告片段個個用完皮膚都超好，所以就心郁郁想試下，於是買左佢個爽膚棉. 由於上網買野，冇售貨員介紹，我通常都會先揾用家評價或其他人嘅經驗，再決定買唔買，咁岩呢個牌子比較少用評，有啲比我感覺似係廣告，所以我決定自己寫一編，同有興趣嘅人分享. 我買嘅產品係: ZERO 毛孔角質爽膚棉(70片) -幫助收縮毛孔的去角質爽膚棉 -去除殘留污垢，皮脂及老化角質 -調節皮脂，收縮毛孔 -適用於敏感性肌膚 我想話，佢個樽嘅手感有少少磨沙，我超鐘意！但係回歸現實，入面嘅內容先係重點...... 我打開呢盒爽膚棉入面封口嘅紙，見倒佢棉嘅表面有啲氣泡，雖然我對護膚品成份係零研究，但係佢表面嘅氣泡比我感覺係好唔天然，氣味我都仲接受倒. 廣告介紹係先用壓花面去角質，再用平滑面進行毛孔護理.我做第一步嘅時候，問題已經出現，我用壓花面嘅時候，皮膚表面有少少[嗱]嘅感覺，可能係我本身比較容易敏感.我當然有堅持用哂兩面，但效果亦未如理想嘅[毛孔收細]/[不長痘]，我反而覺得皮膚好似受到刺激，用完真係佢驚塊面又一達達......最恐怖係後尾我多左好多細細粒好似暗蒼咁嘅點點...... 仲有一樣非常之重要......網上亦都有其他用家提過，就係呢個產品好[立]，我用完就想即刻洗手洗面. 總結:雖然佢好似係對抗敏感皮膚嘅牌子，但我覺得佢唔係所有敏感皮膚都適合用，我甚至有少少驚佢引發我皮膚過敏. 網上都有唔少關於呢個產品嘅好評(唔係我就唔會買啦)，不過我唔會再買呢盒爽膚棉喇. *每人體質膚質不同，以上內容純粹個人經驗，並非惡意攻擊品牌/用家. *https://www.themedicube.hk/products
