位於荔枝角D2 place 入邊嘅日本餐廳 分別有刺身壽司 同鐵板燒可以揀 我地今日就㨂食刺身壽司嘅廚司發辦お任せ 可以望住師傅為你準備每一樣食物 前菜係芝麻醬沙律 同田螺 沙律材料新鮮 入口清爽 田螺經過調味 用黎送清酒一流 師傳喺處理刺身嘅時間 為我地準備左醃漬蔬菜 有牛蒡 蕎頭 山藥同大頭菜 講返刺身 每一樣慢慢上 等我地有時間享受 平目魚 - 有特別調製嘅醬汁 帶出平目魚甜味 石鯛 - 加上左岩鹽同青檸汁調味 特顯魚肉鮮甜 平貝 - 用備長炭烤香表面 再加入青檸汁 帶出平貝鮮味 睇住師傳烤已經流晒口水 平目魚裙邊 - 唔係成日都咁肥美嘅裙邊 油脂入口即溶 深海池海 - 呢個係經過一晚熟成 食落魚肉鮮嫩 食落有筋 魚味越咬越香濃 銀鱈魚 - 烤香嘅魚皮 油脂因為熱力 滲入魚肉 魚肉好嫩滑 拖羅 - 因為拖羅肥美 師傳建議可以加多啲山葵食 減輕油膩感 更能夠食到拖羅嘅魚肉甜味 跟住係海膽烏賊墨魚 - 海膽鮮甜 而烏賊軟滑得黎有彈性 剝皮魚卷魚肝 - 佢個魚肝味道濃郁 配上爽滑嘅魚肉 好味 中間綠色嘅酸汁啫哩 - 檸檬味啫喱 刺激一下口水分泌 仲可以清除左口腔嘅味道 等我地試下一樣 北海道珍蠔 - 呢個蠔海水味較淡 食落好creamy 令人有種欲罷不能嘅感受 食完刺身 仲有炸鱈魚條 食少少 等一陣再食壽司 鱈魚條係新鮮即炸 香脆好味 跟住就係壽司啦 第一個係金目鯛 - 魚皮燒過令佢食落更香 而且肉質結實爽口 越咬越鮮味 跟住係太刀魚 - 煎香gei太刀魚 配上調好味道壽司飯 好好味道 中拖羅 - 醫油漬 唔需要點豉油 加啲芥苿一齊食 帶出左拖羅gei 香 佢油脂感無咁重 醬油帶出魚肉甜味 食完中拖羅 再食埋個大拖羅 呢度個拖羅真係好好食 大拖羅好肥美 帶有筋腱食落更有口感香甜 好似再食多件 最後結尾 係海膽手卷 - 睇啲海膽粒粒分明就知道佢好新鮮 味道好鮮甜 配上暖暖gei壽司飯同香脆gei 紫菜 真係好好味呀 到最後 有一個清甜口gei 袖子雪糕作為結尾 呢一餐真係好滿足
