話說有一晚去拍拖，雞蛋仔問：肥豬，你想食咩？ 越野兔：無所謂呀～ 雞蛋仔：韓燒囉！你最愛！ 越野兔：吓….我係想食，不過又覺得…..好悶咼 # >333<# 雞蛋仔：咁你想點 = =” 越野兔：好掛住韓國漁市場啲海鮮呀～～ 如果可以同韓燒黎個crossover就好啦！！！！ ＝＝＝＝＝＝＝＝＝＝雞蛋仔呆滯中＝＝＝＝＝＝＝＝＝＝ 越野兔：我講吓架乍…. 雞蛋仔：跟我黎！ 「嘩～～～～～～～～～～雞蛋仔竟然滿足到我個願望呀！！！！」 帶我嚟到一間位於荃灣嘅全新韓烤店試食～ 呢度喺主攻韓國海鮮架（心心眼）， 雞蛋仔仲話佢地既海鮮係日日從韓國空運到港架～～～ 前菜超多呀！！仲要係任加！ 我個人好鍾意個泡菜，佢係甜辣味的～ （因為我越野兔唔鍾意酸辣味泡菜） （小伏：海帶前菜有啲腥….） 呢度嘅爐仲有KIMCHI爐邊蛋同芝士粟米！ 實在太幸福啦～～～～任加！狂加！好邪惡丫～ 首先，我地試咗個主打海鮮塔，有： 海帶子、濟州鮮鮑魚、芝士生蠔、珍珠貝。 都好鮮甜呀～ 點擊圖片放大 +2 個人最愛係「芝士生蠔」， 『典解』可以燒極都仲大大隻，唔縮水既？ 仲有呀～個蠔氣好重，無金屬味，而且一啲都唔腥！ 啲芝士吸收哂蠔汁既精華！天呀！我想食多幾隻～～～ 再黎，試下條燒鰻魚先～ 聽講要食佢，要事前訂架！ 韓國限量入口嘅鰻魚，當然點都要試下啦！ 店員都好好丫～會係旁邊一直教我地點燒， 不過礙於我地笨手笨腳…..最後都要「大師」出手。 記得咼～燒嘅時代，燒左皮個邊先， 如果燒肉先，就好快縮哂水，變「魚毛」架啦～ 鰻魚放在網上燒至金黃色， 店員教我地要點秘製鰻魚汁， 再夾住芝麻葉同薑絲一口食落肚， 哈哈，食落口感好複雜…..我都唔識形容自己食緊咩， 我都係鍾意點完秘製鰻魚汁就咁食多啲～ 鰻魚嘅香甜停留係口入面個下，真係大滿足～～ 總括黎講，個人極力推介「芝士生蠔」同「燒鰻魚」， 真係一試難忘！！！ 燒完海鮮～叫左少少肉，試下呢間既燒肉如何， 啲牛豬都唔錯咼！配埋佢地既泡菜一齊食～簡直就係天堂呀！ 不過如果講驚喜呢，都係海鮮正啲！ 大食既我地仲叫左個泡菜煎餅～ 啦啦啦啦～～～好味道，煎到好香，個醬汁調得好好！ 重點重點！佢入面仲加左芝士架～～～拉絲拉絲！ 佢仲要無嘜油，食完都唔會「太」有罪惡感。 （雞蛋仔：你食左成噸芝士，仲有幾噸泡菜，你肯定你無罪惡感？） 飲勝！韓燒點可以唔飲酒， 韓劇成日見呢款燒酒架～～～終於試到啦！ 柚子味，讚！ 店長人好好哦～～ 仲送左個韓國傳統糕點－花糕俾我地～ 甜甜的年糕，煎香左兩邊， 本身嘅甜味好淡，點一點蜜糖， 好清香好甜～～sweet爆結尾！！ 聽聞佢地仲會同 Sue合作推出韓烤潮語卡， 店員話係邊食邊學韓語咼～～ 睇落又幾得意咼！ 點擊圖片放大 臨走見到隔離檯叫左醬油蟹！！！！！！！！！！！！ 我地竟然食漏左呀！！超可惜！超難過T^T...... 下次一定要食番！ （雞蛋仔：點解你仲可以食得落？＝ ＝”） （越野兔：好好味丫嘛～～～～～） 炑八韓烤荃灣店 地址： 荃灣眾安街 2-8 號周合成大廈 1 樓 電話： 2527 1393 營業時間： 11:30 – 24:00 －－－－－－－－－－－－－－－－－－－－－－－－ 價錢：♥ ♥ ♥ 交通方便度：♥ ♥ ♥ ♥ 上鏡度：♥ ♥ ♥ ♥ [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
