黎到小法國，當然要試法式Crêpe， 而法語入面嘅Crêpe，其實即係台灣嘅可麗餅， 法式甜薄餅一般使用小麥粉，而鹹薄餅則使用蕎麥粉或黑麥粉。 呢度嘅下午茶，就有法式Crêpe、窩芙、牛角包、意粉等俾你揀。 Odelice嘅鹹味法式薄餅(Galette)，亦叫做法式蕎麥薄餅， 用蕎麥粉製造，低膽固醇之選，薄餅薄身， 咬落嘅口感軟熟，充滿蛋香同牛油香。 小編試嘅係1號Galette，配料係 Egg, Emmental, Spinach, Sauteed Mushroom， 雖然係全素，但吃起來絕對唔「齋」， 菜和菇煮得好入味，而且好新鮮。＝v＝ 法式high tea又點少得牛角包呢～ Odelice嘅牛角包，外面烤到好脆，裡面香軟， 越野兔平時最怕出面食到啲牛角包勁油，所以都好少叫牛角包。 但呢間嘅牛角包竟然可以做到少油，又保持到佢嘅油香同酥脆， 包身做得唔錯之餘，同煙三文魚嘅味道好夾，味道互相配合， 令個整體嘅香味更豐富，兩者都無搶到彼此嘅味道！！ 不得了～*\(^o^)/* 而蛋沙律、生菜就增加左口感，同令牛角包整體冇咁乾！ 配番杯homemade caramel latte 簡直一絕， 佢嘅特式咖啡，仲會配埋一塊曲奇， 啖啖焦糖嘅味道，鬆化而且香濃，同咖啡嘅味道perfect match！ ～值得推介～ 雞蛋仔：豬呀～你食你自己個份好啦… 越野兔：咩姐… 雞蛋仔：話你成日食下食下，食埋我個份呀！扮咩呀！！ 越野兔：咁真係好味吖嘛～～Bon appetit! (開動囉/祝你好胃口！) 當然，呢間餐廳仲有好多好野食啦～ 窩夫、法式甜薄餅、意粉、Tartines等等等等… 咁就等大家試完同我地分享啦～～ 點擊圖片放大 +3 Odelice! 地址: 灣仔蘭杜街2號9號舖 營業時間： 星期一至五: 10:30-22:30 星期六及日: 09:00-22:30 電話：2520 2311 交通：灣仔站B1出口，步行5分鐘 －－－－－－－－－－－－－－－－－－－－－－－－ 價錢：♥ ♥ ♥ 交通方便度：♥ ♥ 上鏡度：♥ ♥ ♥ [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
