上次拍拖行街Guide 就同大家介紹過 翡翠拉麵小籠包 ，唔知大家有冇試我地推介嘅菜式呢？我地今次繼續翡翠系列，就係同一間集團嘅翡翠小廚 潮人潮食啦！聽翡翠小廚個名，就好似係食廣東菜，但原來潮食潮州菜都係主打！ <!--more--> 1）既然潮州菜係主打，點可以唔叫鹵水拼盤呢！ 首先個鹵水汁好香，未食已經聞到，再試試大腸，洗得好乾淨，好入味，又好有咬口，真係會食上癮XD！！ 再試埋腩肉，不得了，香而不肥，我係唔會話你知我食左幾多塊架！ *0* 2）普寧豆醬炸豆腐 第一次食普寧豆醬嘅菜式，原來普寧豆醬係潮州特產，有咸鮮味，配埋炸到脆卜卜嘅豆腐，外層好香口，內層超軟滑，口感有d似食緊炸奶咁！真係好潮呀！ 3）普寧豆醬焗大肉蟹 食普寧豆醬食上癮，所以要試埋個普寧豆醬焗大肉蟹！味道同薑蔥炒蟹有d似，但用普寧豆醬炒多左份獨有嘅咸香味，加上肉蟹好新鮮，肉質好爽，好好味喔～＞0＜ 4）潮州反沙芋 潮州菜嘅甜品一定要食反沙芋！睇落好似好易做，但真係心機菜黎架！要不停兜d 芋頭，令佢地平均咁沾滿糖粉，一唔小心就燶架啦～呢個反沙芋唔算好甜，咬落皮好脆，不錯喔～ 雖然翡翠小廚主要食潮州菜，但亦都有其他特色菜。 5）正宗星州肉骨茶 肉骨茶唔會好重藥材味，肉味好農但個湯又唔會好肥，都幾岩香港人口味架～ 6）奶油麥片爆中蝦 睇個樣令我諗起避風塘炒蝦，但原來果d好似蒜點嗁係麥片，感覺成個菜好似好健康，又唔油！最值得讚嘅係蝦殼炸得好跪，可以食埋落肚，岩哂我呢d懶人食啦～呵呵＞o＜ --------------------------------------------------------------------------------------------------- 價錢：♥ ♥ ♥ （晚餐平均每人$200） 上鏡度：♥ ♥ ♥ ♥ 浪漫度：♥ ♥ ♥ 翡翠小廚 潮人潮食 地址：太古康山道1號康怡廣場3樓T4號舖 電話：2554 6338 --------------------------------------------------------------------------------------------------- [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
