【拉麵小籠包以外 6道翡翠菜式好推介!!】 可能喺大家嘅印象中 翡翠拉麵小籠包 就只有拉麵 同小籠包好食 不過睇完以下呢篇blog之後 相信你會重新定義呢間餐廳!! *0* (以後拍拖嚟呢度食就試下新嘢啦!!) 感謝PR&餐廳邀請 今次我地一共試咗17道菜 超級豐富~最後我地精選咗其中6道心水選擇同大家分享一下*v* 1.甜酸青瓜簾 (8.5/10) $48 對於前菜 其實我地本身係好鍾意食雞絲粉皮嘅 因為粉皮喺撈咗麻醬後好惹味 仲要加埋青瓜 口感豐富又開胃~ 只不過試完青瓜簾後 先發現原來呢個菜式仲有驚喜!!! 唔好睇佢其貌不揚呀 一咬落去 哇!超爽*v* (真係索索聲的哈哈) 同埋佢酸酸甜甜 真係好fresh好開胃架! 當然啦 甜酸嘢可能唔係個個都鍾意食 但我覺得以前菜嚟講 佢算係比較冷門而又值得一試嘅選擇! (捲起切片青瓜都比較少見呢!師傅手工正!!) 2.炸銀絲卷 (8/10) $22 相信作為吃貨嘅大家 都覺得食銀絲卷配煉奶是常識吧!*v* 而今次心水揀佢嚟介紹 係因為呢度嘅銀絲卷真係一絲絲架 (夾o個陣一唔覺意就跌咗幾條出嚟XD) 同埋佢外脆內軟 感覺唔油膩 確實值得一叫! 3.重慶水煮牛肉(9/10) $108 呢度菜有驚喜!!*0* 話說我雖然都食得倒辣 但比較鍾意酸辣而非麻辣 因為麻辣菜成日都一嚟就辣到我咩味覺都無哂咁 之後食乜都一樣味 所以唔太識欣賞Orz 只不過今次呢個水煮牛肉整得恰到好處,唔係一味死辣,而係食完會覺得「辣得好過癮呀~!」牛肉軟嫩且入味,配埋湯底裡嘅彈牙粉條食,一個字:「爽!」 4.茶香燻乳鴿 (8/10) $96 真係唔講唔知,原來呢度有乳鴿食!! @.@ 乳鴿個size雖然唔大 但係一上枱就散著住陣陣茶燻味(有用普洱、香片、茉莉花等茶葉混合同燻架!!) 賣相幾吸引*v* 食落去好香口 肉唔會話係肥美但係夠入味 亦夠嫩滑~ 口痕想食乳鴿不妨叫嚟試下呀! 5.酒釀小丸子 (8/10) $20 呢碗甜品望落無乜特別 同平時食開嘅差唔多 但一入口就發現 佢好香又好有咬口*0*而且酒味我覺得比出面食嘅濃 但又唔會無咗桂花香味~鍾意重味少少嘅人應該會鍾意^_^ (呀實在太多小丸子了我都食唔哂XD) 同埋...甜品嚟講呢個價算幾抵食呀~ 6.檸檬薏米水(9/10) $18 其實次次嚟都係飲茶 無特別點嘢飲~但今次一試 就發現以後嚟都要叫啦!(尤其係夏天XD) 原因係「自己煲唔倒禁好飲」:P 呢杯薏米水 一睇都知真材實料 因為真係有好多蕙米哈哈~而且佢整得好綿密 好香好好飲~ 佢以後就成為我嘅夏天去濕必叫之選啦^0^ P.S. 其實翡翠拉麵小籠包最有特色嘅 當然都係佢嘅小籠包! 而家有4色、8色、仲有鮑魚味添(供應到6月底咋!!要試快d gogogo!) 如果平時無食開 ~就記得食埋呢個招牌菜啦^_^ --------------------------------------------------------------------------------------------------- 價錢:♥ ♥ ♥ (晚餐平均每人$100-$150) 上鏡度:♥ ♥ ♥ 浪漫度:♥ ♥ (成日有人排隊,聽講荃灣分店比較少人) 翡翠拉麵小籠包(銅鑼灣世貿中心店) 地址:銅鑼灣告士打道280號世貿中心4樓P416-418號舖 電話:2506 0080 營業時間:星期一至日 11:00-23:00 --------------------------------------------------------------------------------------------------- [一like一動力]鍾意我地嘅請多多支持Facebook專頁!歡迎交流*v* https://www.facebook.com/uptodateguide