暑假係外遊旺季，個個去哂旅行留低自己係香港T.T 好在我都唔執輸，去左有香港南極之稱嘅蒲台島！ 因為係第一次去，所以好有新鮮感，加上小島的人情味，真係好似去左旅行咁呀！ 去蒲台島嘅船班次都幾疏，星期六日同公眾假期就比較好，去之前記得睇船期呀！ 我地就選擇係赤柱搭船入去，貪時間比較晏，可以食飽飽先入去！ 留意：島上得一、兩間士多仔，賣下公仔麵、汽水，另外有一間海鮮酒家，所以大家最好自備食物，仲要十分充足嘅水水水水水水水水水水！以防中暑 *v* 就係呢架船啦～上船坐定定先買票，可以順便買埋回程架～ 係赤柱去蒲台島大約半個鐘，吹吹海風、影下相就到啦！ 落船嘅時候，見到海水清到不得了，仲要綠綠地色，大停大叫「好靚呀！！*o*」 碼頭旁邊有蒲台島嘅地圖，可以去睇響螺石、佛手岩、靈龜石、棺材石等等等，仲有巫氏古宅、燈塔、天后廟，行哂估計都要3、4個鐘架！好！睇完地圖就出發！ 行入村就見到路牌，聽講呢牌路牌係義工特登入黎整架，開始感受到愛啦～ 咁我地就決定行去巫牝古宅同棺材石睇下～ 行入小徑就開始行入樹林，沿住石級行上山（其實樹林有dd陰森） 沿路有幾間荒廢嘅屋，好岩拍鬼片（其實呢個時候我已經好驚，因為開始聽到有烏鴉叫，仲要叫得好大聲），加上岩岩上山嘅路旁有山墳，又有好多蜘蛛同蜘蛛網，所以都冇咩影相… 行左大約20分鐘，終於上到山睇棺材石，但完全分唔清邊舊石先係，大家比d想像力睇睇～ 不過山上風景好靚，可以望哂成個蒲台島～除左沿路落返下之外，亦可以治住大石向上行，去觀日亭～ 不過我地已經冇力繼續向上行，就沿路落返山，去島嘅另一邊。 首先會經過一間士多，士多姐姐見我地行過，就叫我地去洗下手，又叫我地坐下休息。坐左一陣就係咁同我地傾，問我地係咪第一次黎？岩岩去左邊？姐姐見到我地比蚊咬到腫哂，又比藥膏我地搽，又問洗唔洗借帽比我地，突然覺得呢個小島嘅人好純樸，好好客！姐姐仲話蒲台島睇星星最靚，叫我地黎露營喎！ 賣下廣告先，士多嘅檸檬薏米水好解渴，小小酸、消暑一流，只售＄12。 係士多休息完就向燈塔出發啦！ 跟住指示牌行，就可以行到海邊上山。 風景真係好靚，海水真係好清～ 上山條路有好多靚景可以影相，又有好多奇石，例如靈龜石、僧侶石都係呢邊架～ 點擊圖片放大 風景雖然靚，但都唔好唔記得幾點有船呀！ 更多資料：http://www.discoverhongkong.com/tc/see-do/great-outdoors/hikes/po-toi-island.jsp 探險小貼士： 樹林超多蚊，記得做好防蚊措施！普遍蚊怕水係唔夠架！建議唔好著短褲～ 帶多支水，以防中暑！ 價錢：♥ ♥ ♥ ♥（船票來回＄40） 上鏡度：♥ ♥ ♥ ♥ 浪漫度：♥ ♥ ♥ ♥快啲黎我地fb page like我地 攞最update既資訊啦♥ https://www.facebook.com/uptodateguide
