近年興起韓風，無論聽音樂、睇電視、著衫、化妝，連食餐飯都要有咁「韓」得咁「韓」！ 韓式甜品、炸雞同醬蟹就食得多啦，咁韓拌海螺你又食過未呢？入面有種意想不到嘅食材架！ 韓伴海螺，聽個名似係日式螺肉果類野，最多咪係個汁唔同左，於是就貪新鮮叫下啦。 點知一上枱，第一個反應就係：「我有叫過咩？*O*」因為憑肉眼係睇唔到有螺肉架！ 食左一啖，發覺太酸，於是就撈埋冷麵一齊食，冷麵好滑唔太淋，撈汁一流呀！*v* 食食下開始食到一粒螺肉，好大粒好彈牙，果然係海螺，完全唔會好似日式螺肉咁淋！ 跟住就到戲肉啦，拌物入面有好多一條條「野」，睇落唔似青瓜絲蘿蔔絲，咬落好煙韌，原來係魷魚絲！！！！！！！！！！！！！！@0@ 真係估佢唔到，冇諗過原來魷魚絲都可以煮餸，果然夠韓！ 除左韓拌海螺之外，煎蛋捲都係推介！ 蛋捲賣相好靚，一切開，芝士同蛋汁就湧出黎同我講 「an-nyeong-ha-se-yo」＞。＜ 蛋捲上面吱滿茄汁同蜜糖芥末醬，好好味好好味！！ 食得韓國野又點可以冇炸雞呢！呢間餐廳有14款口味嘅炸雞，OMG，咁多種點揀呀！ 在心大心細左一輪之後，就揀左原味及香雞炸雞～雞肉幾多汁，皮又脆～唔錯喔！仲有白蘿蔔做配菜，一舊雞一粒白蘿蔔好似冇咁熱氣！ 叫得炸雞，就梗係要叫埋佢個friend－－－啤酒啦！有韓啤、米酒等等多種選擇，岩哂好酒之徒呀！ 另外仲有海鮮炒年糕，每次食韓國菜都係必食，價錢上略貴，不過味道幾好！ 跟住又貪得意叫左海鮮丸子同韓國丸子，個皮煎得幾脆，用黎送酒正呀！ 價錢：♥ ♥ ♥ （晚餐平均每人$150- $200） 上鏡度：♥ ♥ ♥ 浪漫度：♥ ♥ ♥ ♥ （有窗口位可以望到街景） p.s.: 店員有韓妹，請姊姊們望實你另一半!! 不過亦有靚仔男店員♥ v ♥ Mr. Korean Chicken 地址：銅鑼灣登龍街28號永光中心21樓 [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
