[一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide 話說春天呢排好潮濕 搞到無咩mood番工做野...（藉口） 如果大家都有呢個諗法 不如週末出外走走 去鹽田仔行下山影下相 親親大自然啦～^0^去完個人即刻精神番哂!!!*v* (越野兔我發覺大家次次去郊外 見到牛都好興奮XD 雖然隻隻個樣差唔多 但總會忍唔住同佢留番幅倩影haha～所以我地都post張先） 其實鹽田仔（又名鹽田梓）最大嘅好處就係俾你一次過遠離煩囂地吃、喝、玩、樂一下!!! 呢個客家小島雖然有特色小吃茶果同「鹽田麥啤」品嚐，但裡面居然有教堂而無祠堂 實在係特別!*0* 茶果係真心好味嘅！！好有咬口～值得推介！（大大粒魚蛋就去番長洲先食啦haha～） 個樽真係幾靚～鍾意飲麥啤嘅朋友不妨買支收藏下:P 講咗禁耐...點解呢個post叫「另類」漫遊呢？ 原因其實係呢個鹽田仔最出名係個教堂同鹽田～又或者係可以遠眺滘西洲嘅涼亭！但我地係一幅相都無影過嘅XD反而就影低咗好多其他小事物 如果大家有興趣嘅就親身嚟發掘下啦^0^ 有冇人睇倒係「百年老樟X」咩字？XD 然後...鹽田仔行山嘅路其實好易行 風景亦唔錯～不過越野兔小姐同雞蛋仔先生真係影得好少相呀XD請見諒！ 好可愛嘅小植物 :P 巧遇蝴蝶結蛹！！*0* （其實望望下有d核突XD...） 近碼頭位置有個小沙灘 好多人都鍾意喺度掟石頭!*0* 臨走前喺西貢碼頭影低嘅～有漁民在舢舨賣海鮮 好有特色又好colourful呢^_^ 如果大家想離開城市慢活下 不妨可以考慮嚟呢個昔日以曬鹽同捕魚為主嘅村落HEA一日呢！呢度其實係mix咗傳統客家族群x西方天主教文化結合嘅鄉土特色架！！ 價錢：♥♥♥♥（除咗交通 基本上無咩消費) 交通方便度：♥♥ (鑽石山轉92號巴士/彩虹站轉1A小巴至西貢碼頭 然後再搭街渡 街渡來回$35) 上鏡度： ♥♥♥♥ 浪漫度： ♥♥♥♥ [一like一動力]鍾意我地嘅請多多支持Facebook專頁！歡迎交流*v* https://www.facebook.com/uptodateguide
