春天又到了，度度都開滿靚花，所以唔一定要去賞花勝地同人逼架！ 今次拍拖行街guide就推介大家去山頂盧吉道影花同寫真，因為果度有好多大宅，其中一幢就係將來或者會改建成酒店嘅盧吉道27號大宅，靚到唔捨得走＞。。＜ 路仔嘅兩邊開滿花花草草，配合埋舊式嘅建築，就好似置身於七、八十年代 更重要嘅係，盧吉道可以免費飽覽維港靚景，唔洗比錢同自遊行上凌宵閣逼呀！ 個維港view係咪好正呢～？仲可以坐係長椅慢慢嘆靚景！ 去盧吉道嘅方法有兩個： 1）搭車上到山頂，沿住盧吉道行落去，岩哂睇夜景！ 2）由香港大學起行，沿住旭龢道行上山頂，途經松林廢堡及龍虎山郊遊公園，全程大約3小時（包埋影相、睇風景），難度係一粒星星，岩哂平日少做運動嘅BB豬豬。 呢度就係松林廢堡其中一個遺迹，驟眼睇有好多格，但原來第一格入面有條好窄好窄嘅通道，可以通去最後一格，比軍人躲開敵人架！ 根據漁護署嘅資料，松林炮台炮台係 1905年由英軍興建， 以增強海港西部的防衛力。 係第一次世界大戰後改裝為空防炮台。而係1941年12月，日軍侵港期間，松林炮台多次被襲， 守軍最後撤離炮台，跟住就一直荒廢。 呢個係彈藥庫，用鐵欄圍坐係因為有倒塌機險，唔好行咁埋呀！ 雞蛋仔先生腳下就係炮台啦，不過而家得返炮床咋… 學完歷史，就係去盧吉道27號影靚相啦！ 呢條道仔就係好有味道，去似去左城堡咁>3< 冇帶腳架嘅後果就係好難搵到一個靚位擺相機＞。。＜ 扮自然～呵呵呵 影極都唔捨得走………＊v＊ 價錢：♥ ♥ ♥ ♥ ♥ 上鏡度：♥ ♥ ♥ ♥ ♥ 浪漫度：♥ ♥ ♥ ♥ ♥快啲黎我地fb page like我地 攞最update既資訊啦♥ https://www.facebook.com/uptodateguide
