拍拖是要搞啲新意思， 先唔會「熱情淡了嘛 想抽身了嘛…」既。 總唔能夠行街就淨係行街／睇戲就淨係睇戲／食飯就齋係食飯既 你明唔明我講咩（~^O^ 其實係有啲複雜） 唔明唔緊要，我地緊係大把橋啦，如果唔係點做guide。 你另一半鍾唔鍾意狗狗？鍾意就岩啦！唔鍾意既睇完我既介紹都會鍾意呀！ 識hand hand既狗太普通，識請請既狗過年先岩用， 你知唔知原來狗係識say sorry，仲有識唱大合唱既狗狗，你又見過未呢？ 未見識過就一定要上去同佢地玩下啦～ 你一踏入門口就會俾五隻出色既PR狗狗圍住歡迎你 有三隻Husty、一隻柴犬、一隻秋田犬 每隻都好可愛，好搞笑架 ^0^ 考下你既觀察力，分唔分得出佢地邊隻係阿B、邊隻係Shabi、邊隻係Sa姐 呢間cafe 仲有好多野食俾你選擇，味道唔錯架！ 個日小編就叫左個dinner set、有主菜、小食加野飲，加埋一 埋單先around＄100左右 價錢都算合理吖～ 小編個日就叫左個煙三文魚忌廉長通粉加肉醬薯蓉 一邊食野仲可以一邊同狗狗合照， 佢地就嘆啦～咁多哥哥姐姐上去陪佢地玩，又按摩又掃毛。 有一個熱愛小動物既另一半就慘啦… 你剎那間係同一個空間入面，變到無哂價值。 係呀！你！失！寵！了！ 男：我都無見你對我咁溫柔過 女：你從來都無咁樣哄過我呵過我囉 一場一觸即發既呷醋戰就展開啦 狗狗好似好enjoy介入情侶之間爭寵。 如果你好彩遇到佢地心情靚，佢地就會表演一身絕技你地睇， 佢地識一隻手摸摸頭，做sorry既動作，識得接住主人遠處拋黎的小食 係主人化身指揮身既時候，仲識黎個大合唱架！不得了！ 下面係on dog dog cafe網頁上面既狗狗寫真～ 點擊圖片放大 當你以為呢度狗仔最大既時候， 錯啦，聽老闆講，呢度有一個特別既小傢伙係客人唔掂得架。 佢就係…你點都估唔到係重重狗狗包圍下仲可以咁高傲咁嘆世界既… 貓貓～竟然 lol，Impossible!!!!!!!!! 又話貓狗鬥一番，相處唔到既… 最估唔到既係…係天使面具既背後佢係一個港女…sorry，係港貓。 睇完介紹，係咪好興奮，覺得佢地好可愛， 想同佢地好好享受一餐飯呢！ 聽講仲有包場服務，曾經有人包起佢黎同女朋友求婚，sweet到爆呀。 佢地鋪頭仲為寵物提供現成既狗狗食品同自家製食品， 例如狗蛋糕，狗狗慶節食品，手製狗曲奇... 產品絕不採用狗狗致敏食材，保證全天然無添加，及不含防腐劑。 呢個地方充滿咁多快樂、幸福既故事， 絕對係情侶拍拖既好地方呀！ 價錢：♥ ♥ ♥ ♥ 上鏡度：♥ ♥ ♥ ♥ ♥ 浪漫度：♥ ♥ ♥ ♥ ♥快啲黎我地fb page like我地 攞最update既資訊啦♥ https://www.facebook.com/uptodateguide 地址：梭椏道 3號 1樓 何文田 營業時間：Mon - Sun 1:00 pm - 10:30 pm 訂座及查詢電話：90452766 / whatsapp 98155681
