大家平日都忙返工 忙返學, 難得放假,應該要走出城市, 感受一下大自然。 今次我地就去左位於粉嶺打鼓嶺的 香港有機士多啤梨觀光園 ♥♥♥試下親手摘士多啤梨♥♥♥ 我地大概下晝兩點出發, 先搭地鐵去到粉嶺站, 再轉52k小巴入去, 總站落車就得,唔駛怕落錯車。 沿途都有指示,跟指示行十至十五分鐘就到架啦!! 沿路的風景都好靚架, 行行下你會見到路兩邊既樹彎向路中間, 好似一條隧道咁,加埋啲日光, 正正係時光隧道既感覺呀! 不過影相要小心,因為呢條路有車行架, 記得要留意番。 終於黎到啦! 呢個士多啤梨園係免費入場既, 如果你想摘士多啤梨就要俾錢啦, 個度分左兩區,一邊係普通既有機士多啤梨,$80/磅 而另一邊就有日本的士多啤梨, 大粒啲又甜啲架,就要$120/磅 當你諗好摘邊款,園裡面既人就會俾個籃同剪刀你 咁你就可以出發去摘好味既士多啤梨啦! 一邊摘就一邊影, 綠草如茵既背景,美麗既自然陽光, 唔駛打燈,唔駛濾鏡, 真係點影都咁靚呀! 記得唔好一邊摘一邊食, 一黎會被人罰錢, 二黎話明「有機」耕種, 你唔係仲敢唔洗就放入口呀! 摘完就拎去俾園裡面既人去磅, 俾完錢,就可以去洗黎即場食架啦! 《小提示》 如果唔係即刻食,而係想拎番屋企開心分享的話, 記得唔好揀太紅既士多啤梨, 如果唔係,番到去就會爛哂架啦! 希望大家會享受呢個大自然既樂趣, 同另一半sweet爆個weekend啦! 價錢:♥ ♥ ♥ (車錢+摘草莓收費→$200以下) 上鏡度:♥ ♥ ♥ ♥ ♥ (光線超靚,好啱影相) 交通方便度:♥ ♥ (轉車轉到暈,市區入去要個半鐘) 浪漫度:♥ ♥ ♥ 地址:新界粉領打鼓嶺李屋新村坪輋坭路 (粉嶺站 轉52k小巴 總站落 沿路有指示) 電話:2674 6198 仲想知道其他拍拖好去處,就記得緊貼住我地既facebook page 啦! ♥一 LIKE 一動力♥ https://www.facebook.com/uptodateguide?ref=hl