1. 成日覺得出面食野好貴 元朗好多街坊鋪都係做緊$2x-3x蚊食一個lunch，出到九龍 (旺角另計)、港島，甚至屈番入天水圍閒閒地都要$4x-5x。 2. 食肆選擇困難症 基本上你諗到咩國家嘅野食都有得你食，多到揀唔到，晚晚出街食嘅話，唔夠一個月，你應該都食遍大半個地球。 3. 一定食過B仔涼粉 雖然住 / 黎元朗嘅人明知B仔涼粉只係大量水果同涼粉，但總係唔食過唔安樂。 4. 全城瘋(楓)葉 初初開始興睇紅葉，果陣仲搞到大棠果邊啲村屋比車塞住哂，今年港鐵特登開左一架專線巴士，由朗屏西鐵站直上大棠，情況先好番啲，真係估唔到香港人'咁鐘意' 親親大自然。 5. 元朗太大 有好多地方輕鐵、巴士都去唔到，往往要等半個鐘小巴、搭的士或者揸車先番到屋企。 6. 專出產老字號 硬係有好多係元朗發蹟嘅老字號︰恆香老餅家、榮華餅家、大酒樓、大同老餅家、好到底麵家、學記麵家(、勝利牛丸、遵理學校......唔知算唔算老呢)。 7. 同學仔同事們都鐘意問你 "喂, 我聽日/依家係元朗呀！有咩好介紹？" 呢條問題真係成日都有人問，用心良苦建議過咩屏山文物徑、哈爾濱冰雪節乜乜乜，最後行程都係會變左食食食食食...... 8. 身邊總係有啲識打波嘅人同過橫洲工業交過手。 要知道，橫洲工業某程度上=余文樂=好有型。p.s. 記得以前仲會走去睇比賽，話就話睇波，事實上係去追星。 9. 大排檔先夠風味 元朗有大大小小嘅排檔，有潮洲滷味、雞煲、小菜、打邊爐等等，食環雖然成日黎com檔，但坐街邊食好似真係好味啲，又盡興啲。 10. 元朗冇嘜大商場 冇大商場仲好，唔好變到區區一樣樣，各區保留番自己特色咁先好。 11. 識食盆菜一定唔食連鎖店出品 應該話，除左M記之外，食其他野都冇嘜必要要食連鎖店。食盆要食大歡喜、輝記等等先夠入味。 12. 元朗圍村人惹唔過 (好似係) 完。
