承蒙大家厚愛，《大學生吃什麼》喺復活節假期入面，決定帶大家衝出香港，食到澳門！ 我哋嘅首發男神Ryan今個假期就同兩位兄弟過大海，貪近得嚟又負擔得起消費同時間，為chur爆嘅生活充充電！ 今次Ryan同兩位兄弟，就同一個澳門朋友去咗一間澳門最出名嘅酒吧消遣地飲嘢嘆靚景！Ryan同小編講，相比起一般遊客會揀嘅新濠天地soho區，依間酒吧通常都係locals出沒多，所以如果無澳門朋友帶路，自己根本唔會識去！ 間Bar叫Sky21，位於AIA Tower頂層21樓，地理優勢已經係一大賣點!在場除咗有Live DJ打碟，亦有outdoors位俾人坐，可以俯瞰晒澳門旅遊塔，蓮花大橋同西灣大橋嘅景色，簡直無得輸！除咗飲嘢之外，仲有Seafood Platter，Fish＆Chips，Pizza等等，所以無論係想三五知己或者一大班朋友去食，都會係個好地方！ 不過美中不足嘅係,酒吧播嘅歌比較舊；而且唔知係咪假期嘅關係,坐outdoors枱嘅朋友會收番minimum charge,所以如果一班朋友budget唔多，就只可以坐番入面嘞！ 今次《大學生吃什麼》澳門篇已經介紹完畢！想知道更多好去處，記得痴實我哋喇！
