各位~遲來嘅復活節快樂!呢個假期大家過成點呢?為左俾大學生嘅你地可以喺開學後延續假期嘅喜悅,小編諗到個方法,就係介紹一啲零食俾大家(偷偷地)上堂食,咁番學都無咁辛苦啦!*^O^* 樹仁新傳系男神Chargo平時最愛食嘅嘢就係零食,一齊睇下佢對阿信屋OK新的五款零食點評!^_^ 藤澤蕃薯脆片 50g $18 「呢包係為一啲想食零食但又要扮健康嘅人而設,佢聲稱每一片薯片就係真係由個薯仔活生生片落黎果片,然後不經油炸,咁食落又真係無咁油膩既,甜甜地 味偏淡 口感較軟 幾易入口。食完都無咁有罪疚感。」 朱古力果批牛奶朱古力百奇 $11.5 「今時今日啲零食真係愈來愈有創意,普通係人都食過既朱古力pocky都可以搞到花臣。佢標榜碌餅乾條口感與平時唔同,咬落會好似三十三層方塊酥咁脆,的確 咬落係幾過癮 朱古力都幾滑幾好味 唔錯。」 童星巨型寬條麵- 白汁焗飯味 $11.8 「我既至愛童星點心麵 呢隻白汁焗飯味都出咗一排 童星點心麵調製味精嘅技術係業界都算係數一數二 佢出嘅特別口味好多時真係會似,不過個人認為呢包白汁焗飯味比較似卡邦尼意粉味,ok 啦 似卡邦尼好似仲高級咗 計落有賺 不過講到impressive 都係早排出既文字燒味同擔擔麵味。但總括而言長情既我最愛始終係原味」 森永薯條- 法蘭克福芥辣味 $10.9 「畀包裝上條香腸呃咗 以為肉腸味 原來係前面pat芥末味。 食落都幾芥末 中意芥末既人應該會中意 不過薯條咬口好一般 薯條密度大概相當於宅卡b三分一 質感就好似食牛仔片咁 每啖都充滿”空氣感”」 湖池屋薯片- 蜆肉濃湯50g $10.8 「見幾新奇就試試 食落 一個字:唔似 當普通薯片食味道正常 都係同一種味精味」 想知道更多,可到下列網址:http://jmc.hksyu.edu/jour395/w15p4/?p=183