中六一畢業就投身社會工作，記得第一份工做賣衫既工作。當然我吾系同大家分享自己工作經驗，而系分享自己親身經歷的事實。經歷過一年既sales既快樂日子，同事好相處，吾需要去跑數。無壓力日子。但人工吾高，而且學吾到一些技能。終於我離開e間公司。我上找工時看到一間公司請人人工，福利都吾錯，而且仲有培訓，完左培訓會有証書。我就膽粗粗去面試，其實我見個系一間連鎖大型美容上市公司！ 第一日返工公司有一日講座介紹公司運作等等，亦都有好多人分享公司有好前途會揾到好多錢，同事會互相幫忙，好有愛既公司。培訓其間導師不停提公司好錫同事，感覺上好似被洗腦！開始既時期真系覺得公司所有野都系美好，我而家諗返實在太天真！ 完左訓練，第一個月到鋪頭做助理，派去跟一位經理學習，開頭覺得跟到經驗比較多既人會學到好多野，事實並非如似！經過一個月發現好多真相，點用一些手段去哄d客買療程，公司高層亦鼓勵吾理用咩手段總之開到單，有數就＝成功，暗示可以不擇手段！美容師提供服務同公司儀器對比客人付出金錢不成正比！首先，公司有吾同內部package員工可以搭吾價錢買比客人，客人系吾清楚最優惠既價錢， 以致同一個treatment一樣既次數，吾同客人個價錢不一。亦有好多潛規則及灰色地帶。另外treatment效果亦沒保障，見過有d客花左幾年時間及金錢去減肥身型都毫無改變！亦會用吾同方法去叫人買treatment,糸新既客戶通常會有2個美容師，一個負責講解treatment同set $,一個負責做療程同加把口!採取其二對一，開頭會同你傾計同你扮friend搏取信任， 順便問多少少家庭背景，返咩工，住邊等等知道經濟能力，做療程前會不停擴大客人在意既問題，完左療程會話比客人知做完等一次改變左好多，一齊就似安排好既劇本，一個圈套！ (下集續)
