➤立即下載U Lifestyle App➤詳情懶人包新皇崗口岸於2026年10月12日正式開通！新口岸除咗實施24小時全天候通關外，更可以無縫轉乘地鐵7號線，輕鬆去到福田、羅湖、南山等多個港人北上熱門蒲點！今日小編精選出深圳地鐵7號線沿線食玩買攻略，有齊大型商場、夜市、大型動物園、按摩店，即刻save低準備週末出發暢玩啦！➡️即睇新皇崗口岸巴士／小巴線直達交通懶人包--------------------------深圳地鐵7號線美食推介1. 潮汕大目牛肉火鍋想食到高CP值又正宗嘅潮汕牛肉火鍋，香港人第一時間一定諗起呢間「潮汕大目牛肉火鍋」！開業至今42年，第一間分店就開喺華強北。主打被譽為「國內五大黃牛之首」嘅陝西秦川土黃牛，牛肉明廚即點即切。人氣部位必食「尊品黃肥牛」，油脂均勻而且口感鮮嫩，人均HK$170就食到！地址：深圳市福田區華強北振興西路154-3號鋪交通方式：深圳地鐵7號線華強北站C出口> “chinschins” 分享潮汕大目牛肉火鍋必食食評<點擊圖片放大 +10 2. 水圍1368文化街區位於福田區嘅「水圍1368文化街區」由600年歷史嘅「水圍村」活化改建，入夜後過百盞中式燈籠同霓虹招牌亮起，係其中一個打卡位。除此之外，附近嘅水圍夜市集結多間烤冷麵、串燒等小食攤檔及特色餐廳，亦係港人同本地人覓食嘅「宵夜天堂」！特別係新皇崗口岸24小時通關，就算玩耐咗都唔搶心返唔到香港！地址：深圳市福田區水圍新村174棟交通方式：深圳地鐵7號線皇崗村站B出口> “Hforhappiness” 分享水圍村必食餐廳推介<點擊圖片放大 +3 --------------------------深圳地鐵7號線玩樂推介3. 深圳野生動物園週末北上唔一定淨係行商場同食好西！深圳野生動物園都係唔少港人親子遊或者情侶約會嘅熱門好去處。佔地約60萬平方米，係全國首個放養式野生動物園，裡面可以觀賞到多達300種野生動物。可以親自餵食長頸鹿，仲可以近距離同斑馬、羊駝互動，即刻睇下社群U Creator分享園內打卡小貼士！地址：深圳市南山區西麗街道西麗湖路4065號交通方式：深圳地鐵7號線西麗湖站> “海馬媽媽” 分享深圳野生動物園必玩重點及注意事項<點擊圖片放大 +8 4. 深圳市兒童樂園位於福田區嘅「深圳市兒童樂園」係近年大受家長歡迎嘅免費兒童遊樂場！佔地18.2萬平方米，設有多個無動力遊樂設施，全新升級後嘅樂園設有六大主要遊戲區域，有齊小朋友最愛嘅過山車、滑梯、繩網迷宮等等，玩到攰仲可以去園內嘅「萬花筒書屋」休息閱讀，小朋友免費放電冇難度！地址：深圳市福田區農林路71號交通方式：深圳地鐵7號線農林站D1出口點擊圖片放大 +3 5. 密SPA 靜奢水會去深圳玩梗係要去按埋摩先走！想一站式體驗水療、日咖夜酒、自助餐、汗蒸服務，就唔可以錯過呢間網民稱為「SPA天花板」嘅「密SPA 靜奢水會」！一個價錢包全日免費四餐及魚蛋粉麵任食之外，SPA更安排頌鉢體驗，按完仲可以去休閒區睇戲休息，想遠離城市煩囂放鬆身心必去！地址：深圳市羅湖區田貝四路水田二街翠竹酒店交通方式：深圳地鐵7號線洪湖站D出口> “venusvanvan” 分享週末北上按摩療癒之旅<點擊圖片放大 +17 --------------------------深圳地鐵7號線購物推介➡️即睇網民分享深圳地鐵直達商場攻略6. 萬象食家作為深圳首個主打沉浸式市集體驗嘅大型商場，除咗集合各個國家特色餐廳及輕食，更設有深受年輕人歡迎嘅「萌寵互動樂園」，可以親親小動物，玩到近年大熱嘅Tufting 工作坊，仲有佔地4萬呎嘅「盒馬鮮生」大型超市，無論係家庭客定情侶都可以玩足半日！地址：羅湖區梅園路71號交通方式：深圳地鐵7號線筍崗站A出口> 即睇 “Paxsanchu” 分享萬象食家親子遊攻略 <點擊圖片放大 +17 7. 印力中心想一站式滿足掃貨同休閒兩種願望，位於農林站嘅「印力中心」都係大受港人歡迎嘅商場。佢直接連通超人氣嘅「福田山姆會員店」，商場內部集合多個國際美妝品牌專門店、大型室內親子遊樂場，以及排隊必食嘅「太二酸菜魚」、「探魚」等人氣餐飲，食玩買一個場合搞掂！地址：深圳市福田區香蜜湖街道竹園社區農林路69號交通方式：深圳地鐵7號線深安托山站B出口點擊圖片放大 +7 ➡️即睇印力中心一日遊攻略🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。——————圖片來源：深圳市城市管理與綜合執法局、印力中心、小紅書帳戶@水圍1368文化街區、社群U Creator@小沐 Virgo、@toyfee22、@Paxsanchu、@Hforhappiness、@海馬媽媽、@Snowycookingmama、@chinschins
