➤立即下載U Lifestyle App➤詳情懶人包每次去首爾旅行淨係識食「豬腳小姐」、「橋村炸雞」？想喺弘大搵到一間零伏餐廳，小編今日整合出8間弘大附近人氣必食餐廳推介，有齊1++韓牛燒肉店、米芝蓮醬油蟹專門店、網民洗版推介嘅延南洞法式西餐廳通通有齊，嚟緊去韓國旅行嘅您記得save低啦～😋---------------【萬聖節驚喜🎃】Home.焙小日子免費DIY蛋糕體驗✨！想趁萬聖節親手整個有心意又打卡able嘅甜品？U Community 社群請您去免費整蛋糕！無論係同朋友聚會打卡，定係帶小朋友放電都超適合！現場工具器材一應俱全，仲提供平板電腦教學，跟住步驟一步步做，零經驗都完全無難度！ 即日起至2026年10月25日，簡單登記即有機會贏走「二人同行烘焙體驗」！快啲報名啦～登記免費DIY主題蛋糕 ---------------1. 牛火弘大呢間「牛火」燒肉店就連在地韓國人都鍾意食，想食到高質韓牛嘅您唔好錯過！餐廳嚴選最高等級 1++ No.9頂級韓牛，全程有店員幫手用真炭火代烤，實現解放雙手食韓肉自由！唔少網民形容韓牛肉質極之嫩滑且油脂香濃郁，除咗招牌韓牛，仲有大醬湯同韓牛冷麵等經典配菜，非常適合一大班朋友聚餐！地址：서울마포구홍익로5안길24 2층營業時間：12:00 ～ 24:00（平日）；12:00 ～ 02:00（週六至週日）> “Tummytaleshk” 拍片分享牛火韓牛套餐體驗心得<點擊圖片放大 +8 ——————2. 一片里脊同樣總店位於弘大嘅韓牛店，唔少網民推介「一片里脊」！同樣選用韓國前4%最高等級嘅1++特級韓牛，由專人代烤。特別在於餐廳座位幾乎都以卡位為主，私隱度極高。必食招牌「一片里脊」部位，肉質細嫩口感極佳，另外仲有牛頸肉及特殊部位可選擇。套餐附上韓牛大醬飯，即睇社群U Creator點樣評價啦！地址：서울 마포구 홍익로6길 52 2, 3층營業時間：12:00 ～ 15:00；17:00 ～ 23:00> “NicoleHeiTong” 分享弘大頂級韓牛燒烤體驗及真實食評<點擊圖片放大 +17 ——————3. Hotel De GGOODD每次經過都會見到延南洞呢間法式西餐廳大排長龍！「Hotel De GGOODD」近年大受本地同外地年輕人歡迎，裝潢主打法式小清新風格，用餐氣氛浪漫舒適，極之適合打卡！必點招牌「蜂蜜煙肉玫瑰醬意粉」，粉紅玫瑰醬濃郁香滑而且非常掛汁，鹹甜交織口感超滿足！地址：서울 마포구 동교로46길 7 101호 1.5층營業時間：11:00 ～ 20:00>即睇 “hkeateateat” 打卡延南洞超人氣西餐廳美食點評<點擊圖片放大 +11 ——————4. Camello唔想排隊又想食到差唔多質素嘅西式Brunch？網民都推介咗同樣位於延南洞嘅「Camello」。餐廳主打手工意粉同燉飯，每款擺盤都極其精緻，木系溫馨裝潢超適合閨蜜聚餐打卡！招牌必食「玫瑰醬五花肉燉飯」，玫瑰醬帶有濃郁奶香同微辣感，配埋香脆五花肉一齊食風味絕配～地址：서울 마포구 연희로1길 57 1.5층營業時間：12:00 ～ 21:00>即睇 “Toffeeat” 分享延南洞驚喜韓式西餐點評<點擊圖片放大 ——————5. 真味食堂呢間醬油蟹專門店雖然位於阿峴站／孔德站附近，但絕對值得醬油蟹迷專程搭車前往朝聖！餐廳連續8年榮獲《米芝蓮指南》必比登推介，外表看似普通家庭式餐廳，卻係無數韓國明星嘅愛店！店內唯一菜單「醬油蟹定食」，包白飯、蒸蛋、海苔與湯品等多款小菜，特製醬油鮮甜回甘不死鹹，蟹膏極之爆滿！(提示：餐廳極難預約，建議提早一個月電話訂位！)地址：서울 마포구 마포대로 186-6營業時間： 12:00 ～ 20:00（週一至週六）> “jacko_dailylife” 打卡米芝蓮醬油蟹餐廳<點擊圖片放大 +5 ——————6. 風川鰻魚想食到高質即劏即烤鰻魚，一定要去延南洞嘅「風川鰻魚」！採用韓國全羅南道國產優質鰻魚，新鮮即點即劏，每張檯均有專人用真炭火代烤，並剪成一口大小。外皮烤至金黃酥翠、肉質軟嫩多汁，可按喜好搭配紫蘇葉、生菜、蒜片與特調醬汁食用。社群U Creator就形容鰻魚烤得皮脆內嫩，十分滿意！地址：서울 마포구 동교로27길 39營業時間：11:30 ～ 22:20> “daydaygoodfood” 分享風川鰻魚用餐環境及點評<點擊圖片放大 +3 ——————7. 太初排骨弘大站步行2分鐘就有一間高質嘅韓牛燒肉店！「太初排骨」主打大大條炭燒韓牛牛排同牛仔骨，深受本地人同遊客歡迎，而且提供韓、英、日、中四國語言menu，落單零障礙！餐廳同樣都會安排專人代烤服務，將牛排燒到焦脆而且肉質Juicy，難怪U Creator食到停唔到口！地址：서울 마포구 어울마당로 122 2F營業時間：12:00 ～ 23:00> “FoodTravel_World” 分享弘大炭燒火焰烤牛肋骨食評<點擊圖片放大 +6 ——————8. Bistro Jura位於弘大街頭巷弄嘅「Bistro Jura」係近年極受韓國年輕人歡迎嘅平民西餐館！餐廳環境主打吧枱位，提供高CP值煎牛扒定食與牛扒意粉。牛扒煎至粉嫩完美熟度，入口軟讌多汁，配上自家特調醬汁與爽脆沙律，午市套餐價錢親民但味道媲美高級餐廳，同朋友飲酒聚餐都適合！地址：서울 마포구 와우산로23길 18-7營業時間：11:30 ～ 9:00>即睇 “LuoLing0517” 分享 Bistro Jura 高 CP 值牛扒意粉食評 <點擊圖片放大 +12 延伸閱讀：【韓國手信2026】 首爾必買8️⃣大零食手信推介🍓原顆水果糯米滋/爆紅奶油餅乾*部分熱門餐廳人流較多，建議提前網上預約或於非尖峰時間前往候位。🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。——————圖片來源：社群U Creator @LuoLing0517、@FoodTravel_World、@daydaygoodfood、@jacko_dailylife、@Toffeeat、@hkeateateat、@NicoleHeiTong、@Tummytaleshk
