➤立即下載U Lifestyle App➤詳情懶人包每次去旺角朗豪坊行街行到攰想搵間餐廳坐低食下嘢，又唔知食咩好？今次整理咗2026朗豪坊8間人氣必食餐廳，有齊濟州直送黑毛豬、日韓Fusion Fine Dining、輕食餐廳等等，旺角打工仔或者一大班friend或另一半去旺角食飯一定要save低啦！---------------1. 明壹燒鵝鍾意食燒味嘅您有福了！旺角呢間「明壹燒鵝」顛覆傳統燒味舖形象，主打木系簡約文青裝修，環境寬闊舒適。餐廳招牌燒鵝飯與燒味雙拼飯大獲網民好評，鵝皮香翠肉汁多！晚市人均約 HK$70，平民價錢就可以喺舒適環境食到高質燒味，燒味控一定要試！地址：旺角亞皆老街8號朗豪坊2樓32-36號舖> “Snowblue 雪藍” 分享朗豪坊人氣燒味店食評<點擊圖片放大 +4 ---------------2. The Jeju如果普通韓燒已經滿足唔到您，咁就一定要去「The Jeju」！餐廳主打168小時低溫熟成濟州黑毛豬，食材全由濟州島直送到港。必點招牌五花肉、豬頸肉同爆膏醬油蟹，仲有高質韓牛套餐。全程有專人代燒，完全唔怕燒焦，一秒好似去咗韓國傳統燒肉店，最合適約埋一大班韓食控朋友去聚餐！地址：旺角亞皆老街8號朗豪坊11樓13號舖> “brownlyeat” 分享濟州風韓燒x醬油蟹係咩體驗<點擊圖片放大 +9 ---------------3. Han Dining想搵間氣氛感滿滿嘅約會或慶生餐廳？「Han Dining」燈光柔和暗淡，精緻有格調！Menu 設計極具心思，結合韓式與日式料理精髓，由前菜韓式生牛肉他他、日式壽司，到主菜慢煮炙燒豬頸肉、韓式拌飯及精美甜品，擺盤高級、口感細膩，人均只需約HK$298就食到，CP值超高！地址：旺角亞皆老街8號朗豪坊11樓30號舖> “Eatfatwithme” 詳細拍片分享Han Dining用餐感受<點擊圖片放大 +16 ---------------4. Bamboo Thai位於朗豪坊8樓呢間新式泰國菜都係唔少網民推介必食之選！環境以竹同木佈置，用新派手法呈現出經典泰式料理風味。除咗有火山排骨、經典芒果糯米飯、大蝦米紙卷等必點小菜之外，社群U Creator就推介泰式海虎蝦炒金邊粉、香辣豬頸肉撈檬，即睇U Creator詳細點評啦！地址：旺角亞皆老街8號朗豪坊8樓02及03舖> “eunicep” 分享旺角新式泰菜餐廳必點菜式及食評<點擊圖片放大 +14 ---------------5. Bingo & Cook醬油蟹控注意！想食正宗高質醬油蟹，唔使飛韓國，去銅鑼灣呢間「Bingo & Cook」就歎得到！餐廳由韓國人主理，裝潢主打韓式大排檔主題，氛圍勁適合約埋老Best聚餐吹水～除咗網民大推嘅爆膏醬油蟹同醬油蝦之外，仲有韓式排骨鍋、泡菜鍋同超酥脆韓式炸雞等多款經典韓食，資深韓食控點可以錯過！地址：旺角亞皆老街8號朗豪坊10樓21-26號舖點擊圖片放大 +7 ---------------6. 良い日涮涮鍋想喺旺角食到高CP值Shabu Shabu涮涮鍋，朗豪坊13樓就有！「良い日涮涮鍋」主打一人一鍋火鍋放題，湯底提供蕃茄壽喜燒、鮮檸檬牛舌鍋及麻辣鍋等特色選擇。無限量任食各式優質牛肉與自助區火鍋配料，網民一致推介必食新鮮厚切牛舌！晚市最平每位只需HK$208起，絕對係平民火鍋放題首選～地址：旺角亞皆老街8號朗豪坊13樓06號舖> “cowcow2021” 分享旺角高CP值涮涮鍋必食亮點<點擊圖片放大 +4 ---------------7. Pizza Maru每次經過商場4樓呢間餐廳，都會見到排晒長龍！呢間韓西fusion餐廳主打用專利健康麵團手工製嘅韓式薄餅及炸雞，人氣Pizza口味必食韓式海陸薄餅、太陽蕃茄芝加哥味等，社群U Creator就表示好鍾意Pizza拉絲口感，再配埋蜜糖芥末味酥脆炸雞，朋友聚會分享就最合適！地址：旺角亞皆老街8號朗豪坊4樓3號舖> “BallBallTiger_” 分享Pizza Maru必點品項<點擊圖片放大 +3 ---------------8. 荳子Beans行街行到攰又唔想食得太heavy，不如去Beans坐低食啲輕食歎杯特飲chill下啦！餐廳行簡約木質風格，空間寬敞，打卡休息都夠晒愜意！必點無花果巴馬火腿薄餅、西京燒銀鱈魚、黑松露醬薯條，配埋自家製精緻蛋糕，無論做正餐定下午茶都咁完美！地址：旺角亞皆老街8號朗豪坊4樓7號舖> “peggie.dailylife” 分享BEANS Cafe朗豪坊店打卡輕食體驗<點擊圖片放大 +7 延伸閱讀：【平民掃街天堂】旺中8大美食推介 人氣章魚燒店／鐵板燒／雞蛋仔／泰式小食🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。——————圖片來源：社群U Creator@peggie.dailylife、@BallBallTiger_、@cowcow2021、@gan_ngo_wan_sik、@eunicep、@Eatfatwithme、@brownlyeat、@Snowblue 雪藍
