➤立即下載U Lifestyle App➤詳情懶人包放假想同另一半去拍拖放鬆，最浪漫嘅活動莫過於一齊睇一場絕美嘅日落！🌅香港其實隱藏咗好多夕陽打卡位，由輕鬆易去嘅市區海濱，到遠離塵囂嘅郊外泥灘通通有齊！今日精選出香港7個情侶必去睇日落好去處，即刻Save低同另一半追夕陽打卡過一個慢活週末啦～---------------【召集全港GEN Z】解鎖新成就🔥出Post即賺錢！無論您係想要財富自由嘅大學生、勇敢追夢嘅Fresh Grad，定係想轉做Slasher嘅打工仔，只要您熱愛分享生活，就可以加入，將流量同諗法變現！可以無上限賺現金賞外，仲可以優先享受免費試食、試玩、試用各種人氣產品同活動！立即報名「社群創作有價企劃」 ---------------1. 西九文化區提到市區邊望180度維港海景，邊打卡完美日落，「西九文化區」絕對係最佳選擇！呢度有超大片海濱草地，情侶們可以帶張野餐墊，一路食野餐一路欣賞夕陽慢慢落入海平線嘅浪漫景色～睇住天邊由金黃轉為紫粉色嘅晚霞，配上遠處維港天際線，絕對係最完美嘅金色記憶球！地址：九龍尖沙咀西九文化區> “80 90後為食情侶” 分享入西九除咗睇日落仲可以做咩<點擊圖片放大 +6 ---------------2. MegaBox空中花園想完美眺望東九龍景觀，咁就要去MegaBox 18樓嘅｢Mega Sky｣空中花園！佔地逾3萬呎，採用全透視落地玻璃設計，輕鬆無遮掩270度飽覽維港及日落景致！園內亦花種有唔同品種嘅花卉，每日晚上仲會上演光影秀，結合浪漫花藝元素，情侶同一家大細行完街可以慢慢打卡！地址：九龍灣宏照道38號 MegaBox頂層 18樓> “Scarlett To 旅遊玩樂誌” 分享九龍東最浪漫日落打卡位<點擊圖片放大 +4 ---------------3. 東岸板道全長2.2公里嘅北角「東岸板道」正式開通！連接炮台山至鰂魚涌一帶，漫步呢條海濱長廊，唔單止可以360度無遮擋欣賞維港景色與夕陽餘暉，仲好適合情侶散步吹海風。沿路仲可以踩單車，仲有各種主題區域及遊樂設施，一家大細、毛孩同情侶都可以Chill住度過週末！地址：北角東岸板道（連接炮台山至鰂魚涌海濱）> “Creamyball & Pancake” 分享毛孩東岸板道放電路線<點擊圖片放大 +2 ---------------4. 西環泳棚位於堅尼地城海邊嘅「西環泳棚」係大受Gen Z同情侶歡迎嘅經典睇日落景點！佢係香港現存最後一個兼唯一的公眾泳棚，由堅尼地城站步行約18分鐘即可到達，交通方便。長長嘅木橋延伸至大海，配上拍岸海浪與金黃夕陽，畫面極具電影感，難怪可以吸引到無數攝影師同情侶前來朝聖！地址：香港島摩星嶺域多利道延伸閱讀：【打卡好去處2026】香港8個IG熱門打卡景點 Gen Z最愛韓系Cafe/彩色小屋/手繪燈籠/港版小鎌倉點擊圖片放大 +2 ---------------5. 大澳有咩正得過同另一半入去香港著名漁村打卡睇日落！大澳有「東方威尼斯」之稱，除咗有獨特嘅水上棚屋景致外，仲可以品嚐炭燒雞蛋仔同巨型滷水墨魚等地道美食。黃昏時分登上虎山觀景台，沿住紅色山海步道，欣賞夕陽慢慢落入大海嘅無敵絕景，慢活又浪漫！地址：大嶼山大澳吉慶街及水鄉一帶交通方式：東涌站搭乘新大嶼山巴士11號點擊圖片放大 +5 ---------------6. 下白泥泥灘提到香港睇日落最出名嘅景點，元朗「下白泥」絕對擁有「全港最美日落」嘅美譽！廣闊嘅泥灘喺黃昏退潮時，平靜嘅水窪會倒影出天空與白雲，形成超夢幻嘅「天空之鏡」。夕陽餘暉照耀喺蠔礁與紅樹林上，呈現極之壯觀嘅自然美景，最適合來一趟短途放鬆之旅！地址：新界西北元朗流浮山交通方式：元朗站E出口出發搭乘小巴前往下白泥終點站 ---------------7. 青嶼幹線觀景台以為青嶼幹線只係一條交通路線？原來仲收埋一個景觀壯麗嘅觀景台，係一個可以同時欣賞青馬大橋與汀九橋嘅日落秘境！除咗可以望到夕陽西下嘅動人景色之外，觀景台仲設有青馬大橋、汀九橋組件戶外展覽中心，而且視野廣闊，人流唔算多，適合情侶安靜散步吹風、影相打卡！地址：新界青衣西北部青嶼幹線訪客中心及觀景台交通方式：青衣站A1出口乘搭 308M專線小巴直達點擊圖片放大 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。——————圖片來源：社群U Creator @思思賢 Chill My Babe、@Tse Jeffrey、 @cheuklam_photography、@Lemonica、@Oei Yim、@Sasabb、@Scarlett To 旅遊玩樂誌、@helen_laam、@Yanyan、@KF333888、@msfood__special、@80 90後為食情侶
