➤立即下載U Lifestyle App➤詳情懶人包準備去東京自由行，正搵緊環境靚、服務高質嘅東京住宿？日本無人不知嘅星野集團旗下酒店絕對係首選！今次為大家盤點5間必住東京星野集團酒店，人均低至每晚 $450 起，除咗有小資族必住嘅都市型OMO系列，仲有無敵富士山景嘅夢幻旅宿、奢華日系酒店應有盡有！即刻bookmark低，下次去東京住好啲！-------------🔔招募海外U Creator✈️出Post賺旅費獎賞！作為熱愛分享生活嘅MI、Blogger定係KOL，您嘅內容都值得被更多人看見！《社群》持續招募熱誠嘅旅遊創作者，加入「社群創作有價企劃」，唔好浪費您精心設計嘅內容，即刻填表簡單登記，賺取無上限現金賞之餘，再為您配對合適品牌活動！立即登記➡️ https://ulapp.hk/5molx -------------平價酒店推介（預算：每位$400-500/晚）1. OMO5 東京大塚 by 星野集團星野集團旗下「OMO」系列酒店以「都市觀光」為定位，打破大眾對星野「高價位」嘅印象，主打親民價格同方便交通。「OMO5 東京大塚」CP 值極高，距離池袋只係一站之隔，非常受遊客歡迎！酒店結合日式和風元素及現代時尚風格，更提供周邊嚮導帶遊客走訪「大塚」商店街感受在地文化，酒店大廳仲有職員親自推介嘅周邊美食地圖，服務超貼心！2026大塚商人祭活動日期：2026年10月24日至10月25日地址：東京都豐島區南大塚 2-36-1酒店官網：https://ulapp.hk/yk6ok▶同池袋新宿隔一個站！即刻睇 “玥。Darkmoon” 推介大塚有咩玩點擊圖片放大 +7 -------------2. 星野集團OMO3 東京赤坂如果你想體驗極致高 CP 值的住宿，不妨入住「OMO3 東京赤坂」！鄰近新宿、六本木等4個地鐵站，可直達澀谷同淺草，交通網絡四通八達。酒店同樣提供在地嚮導，帶你穿梭私房景點同老字號商店街，感受赤坂歷史與現代交融嘅文化魅力，絕對係自由行及親子遊首選！地址：東京都港區赤坂4−3−2 107-0052酒店官網： https://ulapp.hk/c2fel點擊圖片放大 +8 -------------3. OMO3 淺草 by 星野集團「OMO3淺草 by 星野集團」酒店於近年開幕，主打新舊東京交融，可以同時感受到淺草寺歷史江戶風情及晴空塔代表嘅現代都市景色！除咗由當地嚮導帶大家深度走訪淺草寺隱藏街區，夏季仲設有住客獨享嘅「祭典」體驗，觀光住宿一站式享受，適合想Chill住玩嘅您！地址：東京都台東區花川戶1−15−5酒店官網：https://ulapp.hk/3bp3e點擊圖片放大 +6 -------------奢華酒店推介（預算：每位$1000-2500/晚）4. 虹夕諾雅富士 (星のや富士)呢間高級星野集團酒店係日本首座豪華露營度假村，位於河口湖畔，距離東京市中心約2小時車程。每間客房都設有私人露台，全房型都可以飽覽無敵富士山景！酒店以「露營」為主題，入夜後職員會幫手點燃營火，住客可以體驗野炊燒烤晚餐、獨木舟同劈柴等戶外活動，輕鬆打造夢幻難忘嘅住宿體驗！地址：日本山梨縣南都留郡富士河口湖町大石1408酒店官網：https://ulapp.hk/klxef▶即睇 “wonghoiyeee” 分享日本首座豪華露營度假村體驗點擊圖片放大 +10 -------------5. 虹夕諾雅東京（HOSHINOYA Tokyo）作為星野集團旗下頂級溫泉旅館，酒店完美融合日式和風美學、榻榻米文化及天然溫泉，打造出優雅有格調嘅都市綠洲。頂樓分別設有大浴場及以15公尺高牆環繞嘅露天風呂，入夜後都可以沉浸式觀賞星空，仲有各款精緻日式料理，完全係五星級享受！酒店平均每位約HK$2,500/晚，適合有預算享受生活！地址：東京都千代田區大手町1-9-1酒店官網：https://ulapp.hk/ssvvl點擊圖片放大 +10 *內文所提及之酒店房價僅供參考，實際價格、房間供應量或因季節及預訂日期而有所變動，請以官方網站或訂房平台即時資訊為準。🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。-------------圖片來源：星野集團官網、社群U Creator @wonghoiyeee
