➤立即下載U Lifestyle App➤詳情懶人包大家都知日本將「扭蛋文化」玩得淋漓盡致，每次見到玩味十足嘅扭蛋設計，如陌生人證件相、迷你飲水機、X光扭蛋等款式，都會忍唔住佩服日本人嘅腦洞！小編今次精選出東京5間人氣扭蛋專門店，遍布秋葉原、池袋、澀谷，當中仲有全球最大扭蛋店，扭蛋迷去東京旅行唔好錯過啦！-------------【爸媽專屬福利📢】社群夏日送禮活動合集人氣「Chill賞」再度Encore！U Community 社群今個暑假為家長打造「親子禮遇專區」，集結最強放電攻略及豐富大禮，除咗大派主題樂園門票外，仲有CHIIKAWA特展景品、實用嬰兒用品、人氣自助餐，仲有免費試用試玩、免費試題下載資源等限定福利等住您！親子同樂大激賞 -------------1. GASHAPON百貨公司 池袋總本店行過池袋嘅扭蛋迷，唔好錯過位於Sunshine City呢個全球最大嘅扭蛋專門店「GASHAPON百貨公司」！裡面有超過3,000台扭蛋機，仲有萬代官方商店，集結多款萬代經典及最新推出扭蛋作品，基本上想要嘅扭蛋款式都喺齊到，鍾意收集扭蛋嘅您有福啦！> “DollyLing” 同您介紹全球最大扭蛋店<地址：東京都豐島區東池袋3-1-3太陽城進口商城大樓3樓交通方式：JR「池袋站」步行約8分鐘機台數量：3,000台以上點擊圖片放大 +18 -------------2. C-pla 澀谷中心街店「C-pla」分別於原宿、銀座、澀谷都有分店，而澀谷中心街店共有三層，無論係動漫角色、模型、可愛小廢物、創意實用品等扭蛋款式應有盡有！由於扭蛋店深受外國遊客歡迎，店內都有唔少日本特色設計扭蛋，更設有外幣兌換機，一於扭返幾個做手信帶返香港！地址：東京都澀谷區宇田川町 21-8 澀谷平和大樓 B1F、1F、2F交通方式：「澀谷站」步行約2分鐘機台數量：2,238台> “JudithMan” 分享日本C-pla新奇爆笑款式扭蛋<點擊圖片放大 -------------3. 扭蛋之森 (Gachagacha no mori)呢間大型連鎖扭蛋專門店分別於東京自由之丘、池袋Sunshine City、新宿地下街都有分店，而新宿分店有超過1,000部機台，因為鄰近歌舞伎町，吸引唔少外國遊客去扭蛋。店內款式都好齊，可以輕鬆搵到Sanrio、迪士尼、Chiikawa等大型IP扭蛋！地址：東京都新宿區歌舞伎町 1-2-2 新宿Subnade地下街內401區画交通方式：「新宿站」東口步行約 1 至 2 分鐘機台數量：約1,000台點擊圖片放大 +6 -------------4. Dream Capsule上野丸井店連接住上野車站原來有間款式齊全嘅扭蛋店！位於「上野丸井百貨」內嘅「Dream Capsule」除咗有齊各種人氣動漫IP、趣味款式嘅扭蛋機之外，更加入咗超人氣上野動物園嘅熊貓系列，深受本地人及遊客歡迎！地址：東京都台東區上野 6-15-1 上野丸井2樓交通方式： 東京地下鐵東西線「木場站」步行約5分鐘機台數量：613台點擊圖片放大 +2 -------------5. 秋葉原扭蛋會館位於秋葉原呢間「扭蛋會館」望落細細間，原來都收埋咗500多部扭蛋機！作為開業超過20年嘅扭蛋界元祖老店，店內除咗不定期上架最新扭蛋款式外，就連經典舊款扭蛋都可以扭到！扭蛋迷可以輕鬆投入扭蛋樂趣，鍾意收集舊式扭蛋嘅您都不容錯過！地址：東京都千代田區外神田3-15-5 MNビル 1/F交通方式：JR「秋葉原站」電器街口步行約7分鐘，機台數量：約500台點擊圖片放大 +4 *以上扭蛋店之營業時間、機台數量、現場扭蛋款式僅供參考，實際請以官方社交平台公佈為準。 圖片來源：IG帳戶@gachanomori_instabu、@akibagacha、X帳戶@drecap_ueno、社群U Creator@DollyLing 、 @Toki L
