➤立即下載U Lifestyle App➤詳情懶人包每個禮拜北上搵食嘅香港人，大熱天時除咗商場行街，不如搵間甜品店坐低，歎返杯冰涼糖水消暑降溫！小編今次搜羅深圳8間由社群U Creator推介嘅特色糖水店，而且全部CP值極高，最平只需¥15就歎到小紅書爆紅嘅現沖薑汁撞奶～即刻Save低呢篇，今個週末快閃出發啦！-------------1. 食糖館位於南山區嘅「食糖館」係唔少港人近期力捧甜品店！小店主打手工製芋圓甜品及特製綿綿冰。因為佢哋嘅芋圓甜品做到「千芋本舖」水準之餘，價錢亦非常親民，約¥19就食到一巨碗，深受食客歡迎！最多網民推薦「芒果芋圓綿綿冰」，芋圓控去開南山區附近一定要朝聖下！地址：南山區南山街道南光社區海德二道3009號正東名苑2棟C座115A點擊圖片放大 +5 -------------2. 千芋本舖提到「深圳最強糖水鋪」，「千芋本舖」一定榜上有名～於羅湖金光華廣場、福田皇庭廣場等熱門景點都有分店，主打用料健康無添加、天然手工現做芋圓甜品。社群U Creator力推「鮮榨芒果芋圓燒」將新鮮芒果肉鮮榨純芒果汁，配埋Q彈芋圓冇得頂！即刻睇 “Eliz Hung“ 拍片分享心得啦～地址：羅湖區南湖街道人民南路 2028 號金光華廣場負一層下沉廣場123-125點擊圖片放大 +5 -------------3. 趙記傳承‧中國甜品呢間超人氣中式甜品店於全國設有多間連鎖店，在保留傳統風味中式糖水之餘，仲有好多貼近年輕人口味嘅新派甜品及特色熱食選擇！必食招牌「非遺手沖薑汁撞奶」、香滑雙皮奶以及芒果牛奶綿綿冰等。價錢平均只需¥15至¥20就能食到一碗，CP值極高！地址：福田街道福華三路118號皇庭國商購物廣場G-5A> “Fattykaka” 推介趙記傳承人氣必食之選<點擊圖片放大 +13 -------------4. 囍兒甜糖水鋪位於水圍村附近嘅「囍兒甜糖水鋪」主打地道港式小食，以及價錢實惠且賣相震撼嘅「火山刨冰」！必食人氣古法姜汁撞奶、首創火山刨冰份量大到可以2-3人食用，熱門口味如紫薯水果冰、芋泥水果冰都係必點之選～地址：深圳皇崗/水圍福強路水圍村83棟1層點擊圖片放大 +5 -------------5. 有間小吃店隱藏係蓮塘口岸原來有間認真經營，街坊大讚足料嘅糖水小店！！「有間小吃店」主打即叫即製甜品、點心，採用明廚設計，確保新鮮製作！社群U Creator推介必食姜撞奶、仙草椰奶大滿貫，另外小店嘅水晶餃、煎包都值得推介，到埗蓮塘口岸嘅您不妨去醫下個肚啦！地址：深圳羅湖區蓮塘口岸商業城D06鋪>即睇 "Sabrina Lau" 分享蓮塘口岸必食糖水店<點擊圖片放大 +10 -------------6. 源來糖水食甜品都可以養生！「源來糖水」於深圳有多間分店，主打低糖滋補養生廣東糖水，而且全部都係採用當日新鮮食材！店內必食¥18招牌楊枝甘露，選用新鮮大芒果及激爽西柚，最特別係佢用純椰子水代替部分甜膩椰漿，達至減糖、清爽又消暑嘅效果，零罪惡感食糖水！地址：龍華區壹城中心8區6棟7號鋪>即睇 "Happy Ball" 分享深圳人氣養生糖水之選<點擊圖片放大 +11 -------------7. 聖記甜品去東門老街掃貨行到攰，不妨停落嚟試試呢間鄰近太陽百貨嘅人氣糖水店「聖記甜品」！佢主打高性價比嘅傳統中式糖水，社群U Creator就食咗「焦糖脆脆雙皮奶」及「紅豆芋圓豆腐花」，即刻去睇下 “大A吃貨組” 嘅真實食評啦～地址：深南東路百貨廣場大廈東座1樓點擊圖片放大 +5 -------------8. 步步的冰屋想坐低休息同時搵間精緻嘅日式綿綿冰店打卡，經過寶安區或龍崗區唔好錯過呢間人氣日式刨冰店「步步的冰屋」啦～因口味多元而且造型精緻，深受唔少年輕人歡迎！人氣款式包括藍莓荔枝冰、芒果雪山冰、抹茶麻糬冰等等，而且刨冰係純淨水製刨冰，輕鬆歎到綿滑細致口感～地址：深圳市寶安區7區甲岸村6棟101鋪> “Sasabb” 分享深圳人氣日式刨冰必點口味及真實食評<點擊圖片放大 +8 *以上深圳糖水店款式供應實際售價僅供參考，一切以店家當日實際供應為準。-------------【召集全港GEN Z🔥】解鎖新成就🚀出Post即賺錢💰立即報名：https://ulapp.hk/5tpfb 圖片來源：小紅書帳戶@囍兒甜糖水鋪、@食糖館·手作糖水、社群U Creator@Sasabb、@大A吃貨組、@Happy Ball、@Sabrina Lau、@Fattykaka、@yan yan🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
