➤立即下載U Lifestyle App➤詳情懶人包次次去澳門淨係識去大三巴、官也街？其實除咗去遊客景點掃街或者睇演唱會之外，澳門仲有好多值得探索嘅餐廳、玩樂景點、打卡位等住您發掘！ 小編整合社群U Creator精心推介澳門快閃行程路線推介，今個暑假帶屋企人或者另一半去一場短trip啦！-------------【勁送海洋公園水上樂園門票】日夜激玩Beat The Summer💦！暑假留港可以去邊玩？U Community免費送您海洋公園水上樂園門票，帶您玩盡全新活動「Beat The Summer 奏夜激玩水上樂園」，投入懷舊主題「游如80年代」的狂熱Party氛圍！現時簡單登記就有機會贏走免費門票，暑假一齊去Beat The Summer！贏走水上樂園門票 -------------1. 澳門teamLab超自然空間想沉浸式打卡光影藝術，澳門都可以打卡teamLab超自然空間！佔地5,000平方米，由teamLab團隊打造多個高8米超巨型作品組成。呢度充滿各種令人震撼嘅視覺效果，令你分唔清幻想同現實，而且每個展區都好有互動性，難怪社群U Creator "c.ookingbear"分享話影相影到唔捨得走！地址：澳門威尼斯人金光會展展覽館F館>同場睇埋 “loveshare2346” 分享澳門威尼斯人必知3件事<點擊圖片放大 +10 -------------2. 澳門新濠影滙「迪士尼滙聚嘉年華」迪士尼粉絲去咗澳門新濠影滙打卡呢個「迪士尼嘉年華」未呢？除咗一定要打卡入口高達7公尺嘅巨型米奇裝置之外，仲設有三大DIY串珠工作坊、留影站等迪士尼角色主題體驗區、「影滙之星」主題包廂！另外新濠影滙水上樂園亦同步化身為全新「迪士尼太空水世界」，設有四大太空主題迪士尼打卡裝置，無論係大朋友定小朋友都可以感受到夏日夢幻氛圍～活動日期：即日起至2026年11月1日地址：澳門路氹連貫公路的新濠影滙綜合度假村> "Deardaphne" 詳細分享新濠影滙迪士尼嘉年華亮點<點擊圖片放大 +15 -------------3. 西望洋山位於澳門半島嘅「西望洋山」又稱為「主教山」，裡面有座標誌性嘅西望洋聖堂更被收錄於《澳門文物名錄》，面前更設有用大理石雕刻而成嘅聖母像，絕對值得專程上山觀賞！另外必打卡無敵觀景台，可以360度全景欣賞飽覽南灣、旅遊塔等景色，日落去睇更加靚！地址：澳門半島西南部> “兩腳大貓怪” 分享澳門半島小眾打卡點歷史故事<點擊圖片放大 +6 -------------4. 大關斜巷「大關斜巷」連接大三巴同關前後街，係一條充滿文藝氣息及葡國風情嘅特色打卡位！沿路會見到各種黃色系建築、繽紛塗鴉牆及一系列文創小店。可步行至關前街歎各種地道街頭小食、大三巴、瘋堂斜巷等特色景點，每次快閃澳門去探店都唔會厭！地址：澳門歷史城區大堂巷15號地下> “NicoleHeiTong‘ 分享大關斜巷街道特色及打卡靚相<點擊圖片放大 +15 -------------5. 沙梨頭街市熟食中心吃貨唔好再去官也街嗰邊同人迫啦！位於沙梨頭街市2樓嘅熟食中心集合各種地道及葡國美食，絕對係深度遊澳門必去景點之一！除咗地道特色美食之外，仲集合咗西式、日韓、東南亞等地方菜式，連香港人最愛嘅「水蟹粥」都有得食！而且街市唔單止空間寬敞，而且仲可以觀賞海景，下次去澳門不妨去呢邊歎返餐～地址：澳門爹美刁施拿地大馬路230號2樓延伸閱讀：8間澳門海鮮餐廳推介 | 網民大推必食水蟹粥/魚翅/海景自助餐點擊圖片放大 +4 -------------6. 義順鮮奶總店食嚟食去都係葡撻、牛雜、豬扒包，不如試下呢間號稱「雙皮奶始祖」！「義順鮮奶」於澳門有150多年歷史，最大特色係擁有自家農場養殖乳牛，必食馳名雙皮燉奶及薑汁撞奶，另外仲提供菠蘿冰、各種麵食、多士等食品，去澳門一定要朝聖一下！地址：澳門亞美打利庇盧大馬路381號> “loveshare2346” 同您打卡澳門馳名雙皮奶<點擊圖片放大 +2 -------------7. 旅遊塔360°旋轉餐廳想搵間氣氛浪漫嘅餐廳，不妨去位於旅遊塔60樓嘅「360°旋轉餐廳」，體驗下每90分鐘旋轉一次，360度視角歎住美食飽覽成個澳門市區景致！除咗有厚切三文魚刺身、即開生蠔等豐富刺身海鮮選擇之外，仲有地道葡國美食、即點即製意粉等等，想有儀式感歎自助餐切勿錯過！地址：澳門旅遊塔會展娛樂中心60樓> “loveshare2346” 分享旅遊塔旋轉餐廳環境及美食<點擊圖片放大 +7 圖片來源：澳門政府官方網站、社群U Creator@loveshare2346、@NicoleHeiTong、@兩腳大貓怪、@Deardaphne、@c.ookingbear🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
