➤立即下載U Lifestyle App➤詳情懶人包禮拜六日想快閃去深圳鬆一鬆，但梅雨季又唔想出外日曬雨淋！隨住新皇崗口岸即將開通，今日小編就整合出香港人必去8間福田區大型商場，鄰近福田口岸及皇崗口岸，全部地鐵直達，而且都係社群U Creator認證食、玩、買一應俱全嘅商場，即刻bookmark低呢篇北上攻略啦！---------------【免費入Lounge✈️】送您機場豪華貴賓室通行券！完美假期由機場開始😎！U Community社群請您免費體驗豪華貴賓室，等您避開人潮， 歎盡精緻美食同舒適環境，Chill住等上機！即日起至6月30日，簡單登記就有機會得到通行證啦～登記免貴入Lounge ---------------1. 福田星河COCO Park深圳「福田星河 COCO Park」一直都係港人最愛逛嘅指標性商場，商場共有5層，集合超過200多間網紅美食餐廳、國際品牌、服飾店、文創精品及潮玩品牌等等，港人最愛嘅太二酸菜魚、喜茶、永輝超級市場、人氣KTV通通有齊，包你玩足全日都完全唔會悶！地址：福田區福田街道福安社區福華一路3號交通：深圳地鐵1號線「購物公園站」C出口> “nocarbs_nolife” 分享福田星河coco park愛店<點擊圖片放大 +8 ---------------2. 領展中心城LINK CITY位於福田CBD嘅「領展中心城」有齊多間人氣品牌按摩店、網紅餐廳等。而且主打親子友善，設有多個大型兒童樂園。必逛景點包括親子室內遊樂場meland、反斗樂園，以及近期極吸睛嘅佘詩曼同款串燒餐廳、啫火啫啫煲等。商場距離高鐵「福田站」僅5分鐘路程，亦不時推出港人專屬消費優惠，性價比極高！地址：福田區福田街道福安社區福華一路3號交通：深圳地鐵1/4號線「會展中心站」B口直達點擊圖片放大 +4 ---------------3. 皇庭廣場鄰近「領展中心城」嘅「皇庭廣場」都係唔少香港人每次北上必逛嘅大型商場。除咗有夾公仔機、空中花園、人氣餐廳、按摩店等休閒配套外，商場底層有大型超市盒馬鮮生，仲有KUMO KUMO、爆紅手作瑞士卷the Roll'ING等人氣手信品牌，基本上每次去逛都唔會空手而回～地址：福田區福華一路348號交通：深圳地鐵至「會展中心站」C出口直達>即睇 “Chingching_tora” 分享皇庭廣場吃喝玩樂體驗<點擊圖片放大 +5 ---------------4. 深業上城作為文青嘅您，想同一個地方滿足打卡同行街兩個願望，咁您就一定要去「深業上城」！該區除咗設有文華東方酒店、無印良品MUJI首家酒店之外，更集合超過300間時尚名店。必逛無印良品旗艦店及Olé精品超市，頂層仲有打卡必去嘅彩色歐陸風Loft小鎮，絕對係週末放鬆嘅深圳打卡聖地～地址：深圳市福田區皇崗路5001號交通：深圳地鐵10號線「冬瓜嶺站」E出口> “Happy Ball” 詳細分享深業上城必逛商舖及交通攻略<點擊圖片放大 +16 ---------------5. 中洲灣C Future City動漫迷同文青必去呢個「中洲灣C Future City」！呢個商場最特別就係除咗聚集動漫周邊店外，佢仲係一個結合藝術、科技、自然嘅潮流打卡地標！商場入口設有巨型光影瀑布打卡位，仲可以去埋team lab常設館，適合親子出遊打卡！地址：深圳市福田區濱河大道9283號交通：深圳地鐵「下沙站」B出口> "rainbow1030" 分享中洲灣打卡位<點擊圖片放大 +7 ---------------6. KK One Mall「KK One」同中洲灣相隔一條馬路，同樣都係深圳熱門大型商場！主打年輕時尚潮流定位，樓高5層，以環形自然採光中庭為亮點。除咗有周杰倫首間餐廳Mr.J Diner、老城鮮蒸汽火鍋等多間人氣餐廳進駐外，仲有年輕人最愛KKV、星際傳奇、星聚會KTV等活動，完全唔怕冇嘢玩！地址：深圳市福田區濱河大道9289號交通：深圳地鐵「下沙站」B出口點擊圖片放大 +3 ---------------7. 福田PA MALL深圳福田區呢間去年新開幕嘅新商場「PA MALL」鄰近領展中心、皇庭廣場，必打卡門口呢個由前GUCCI 設計師創作嘅巨型「金色孔雀」藝術裝置。商場集合近100多個品牌，有齊英皇電影城、潮流生活店，仲有10多間米芝蓮及黑珍珠餐廳，集時尚、娛樂、美食、藝術於一身！地址：福田區益田路5033號交通：深圳地鐵1號線「購物公園站」D出口> “share_n_foodie” 分享福田PA MALL食玩買亮點<點擊圖片放大 +16 ---------------8. One Avenue 卓悦中心「One Avenue卓悦中心」係福田CBD最大型嘅開放式購物街區，鄰近福田COCO Park，分為四大購物區及一條中央大街。裡面集結4間黑珍珠推介餐廳、阿嬤手作等人氣品牌外，仲有大型親子遊樂場「奈爾寶家庭中心」、CGV影城、Olé精品超市等，輕鬆玩全日！地址：深圳福田中心區福華路與金田路交匯處交通：深圳地鐵10號線「崗廈站」B出口> “Fattykaka” 分享卓悅中心必買手信<點擊圖片放大 +9 *各商場內連鎖商舖、超市、娛樂場所之營業時間各有不同，出發前建議先透過相關商場之官方小程式查詢當日最新營業安排。🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：小紅書帳戶@PA MALL平安金融中心、@深圳福田星河 COCO Park、@中洲灣C Future City、@卓悦中心One Avenue、社群U Creator@樂晴、@Fattykaka、@share_n_foodie、@rainbow1030、@Happy Ball、@Chingching_tora、@nocarbs_nolife
