➤立即下載U Lifestyle App➤詳情懶人包如果話首爾係購物天堂，咁作為沿海城市嘅釜山絕對係療癒勝地！去釜山旅行，識玩一定係搵間海景Cafe坐低打卡！今次幫大家搜羅8間釜山人氣主題Cafe，無論日落、夜景、海岸列車景觀通通都有～準備去韓國嘅你，快啲Save低呢篇攻略，Tag埋你旅伴入嚟一齊打卡！---------------【5-6月限定】社群日韓美妝賞🌟送禮活動大合集！貪靚朋友望入嚟😍！U Community社群於5月至6月為大家準備咗多個日韓美妝送禮活動～幫你由頭精緻到落腳，打造完美初夏Look🌟！快啲睇吓有咩心水，然後完成簡單任務參加啦！即睇有咩心水美妝品 ---------------1. Working Holiday有邊個唔想用完美嘅早午餐開始美好嘅一日！作為Cafe控嘅您一定有聽過呢間海景Cafe「Working Holiday」，分別於海雲台同廣安里都有分店，位於海雲台沙灘對面大樓，一大片落地窗可以輕鬆望到白沙灘景觀！社群U Creator就形容佢個招牌「Eggs Benedict」真係冇得輸，而且仲搶到窗邊海景座位，完全係chill到唔捨得走～ 地址：부산 해운대구 해운대해변로 277 5층營業時間：08:00～21:30> “foodiemeow.couple” 詳細分享釜山人氣海景第一排Cafe真實食評< 點擊圖片放大 +7 ---------------2. Thrill on the Mug! 位於釜山影島呢間海景第一排Cafe「Thrill on the Mug!」同樣都係熱門打卡用餐之選！高樓落地窗及白色建築設計，蔚藍色大海一覽無遺，充滿異國風情！Cafe樓高兩層，座位係對海階梯式設計，任何位置都可以輕鬆感受與海洋渡假氛圍，仲有露天座位可選擇，放空一流！地址：부산 영도구 해양힐링로 55營業時間：10:00～21:30> “Ming PA” 分享釜山影島Cafe用餐氛圍及心得<點擊圖片放大 +8 ---------------3. Cheese Form位於廣安里海水浴場對面嘅「Cheese Form」店如其名，以奶油黃色調為主，馬卡龍風裝潢融化少女心！除咗裝潢可愛之外，仲可以飽覽廣安里海水浴場、廣安大橋景觀！唔安排任何行程，半日時間留喺Cafe打卡放鬆都超值得～！地址：부산 수영구 광안해변로 197 2층 치즈폼營業時間：11:00～23:00> “misschandiary.hk” 分享廣安里奶油風打卡Cafe<點擊圖片放大 +8 ---------------4. RENDÉJÀ-VOUS想喺室內都可以感受海邊渡假氛圍，位於海雲台呢間連鎖Cafe「RENDÉJÀ-VOUS」採用全落地玻璃窗設計，正正可以打卡海雲台完美海岸線！Cafe以「濟州」為主題，鄰近釜山X the SKY及膠囊列車尾浦站，最啱玩完入去坐低睇海充電！落地玻璃窗前更擺設有一張高凳，亦都係Cafe重點打卡位！地址：부산 해운대구 달맞이길62번가길 23 2~5층營業時間：09:00～23:20>即睇 “misschandiary.hk” 推介海雲台全海景Cafe心得<點擊圖片放大 +5 ---------------5. Cup&Cup270度全海景都唔夠，想將廣安大橋全景盡收眼底，咁就一定要去位於廣安里海灘附近嘅「Cup&Cup」，木系簡約裝潢十分療癒！每人低消一杯飲品，就可以室內觀賞呢片蔚藍大海，六樓更設有露台空間，可以吹風散心。重點係Cafe可以觀賞到遊艇放煙花畫面，日夜景觀都出色！地址：부산 수영구 광안해변로 177營業時間：10:30～22:00> “Foodasouly” 同您歎住嘢飲打卡廣安里高分海景Cafe<點擊圖片放大 +7 ---------------6. Cafe Coralani呢間社交平台話題度十足嘅「Cafe Coralani」同樣可以觀賞270度海景日落！Cafe樓高4層，每層都有海景窗邊位、戶外平台、懶人沙發及階梯式座位！特別在於建築融合海岸同山巒景觀，帶有大自然氛圍，而且鄰近釜山樂天世界、斜坡滑車等熱門景點，行程可以集中一齊！地址：부산 기장군 기장읍 기장해안로 32營業時間：10:00～22:00點擊圖片放大 +11 ---------------7. 水月鏡花呢間韓屋海景咖啡店面向松亭海灘，踏入Cafe就見到唔少月亮、花等韓屋特色古典元素，內部以一整排窗邊座位朝向落地玻璃窗，眺望窗外仲可以觀賞到海岸列車及膠囊列車經過嘅畫面，打卡超出片！招牌甜點「달보드레 상자」有齊各種韓式傳統點心，歎住點心望住呢片迷人風景，諗到都心情舒暢！地址：부산 해운대구 송정동 442-2 4층營業時間：11:00～20:30點擊圖片放大 +5 ---------------8. ISLD De Bleu位於廣安里嘅「ISLD De Bleu」以露營休閒為主題，無論係早午餐定夜間酒吧都有提供。分別設有戶外及室內用餐位。室內位置都裝修到勁有渡假嘅氛圍，地面用沙子配合珊瑚礁，營造出沙灘感覺。Cafe每個位置都望到廣安大橋海景，櫻花季仲可以觀賞南川洞櫻花，Cafe控一定要去打卡啦！地址：부산 수영구 광안해변로 125 3층營業時間：11:00～22:00點擊圖片放大 +5 *以上各大釜山咖啡店之菜單、飲品定價、營業時間及座位安排僅供參考，一切以商戶當日店內最新公佈為準。🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：IG帳戶@cup_ancup、@cafecoralani、@swgh_official、@islddebleu_official、@workingholiday_busan、社群U Creator@foodiemeow.couple、@misschandiary.hk、@Ming PA
