➤立即下載U Lifestyle App➤詳情懶人包想帶小朋友去放電，除咗去Playhouse玩之外，香港其實都有唔少玩樂設施豐富嘅免費遊樂場！而且交通十分方便，小朋友放學後都可以去玩樂放鬆身心，玩到攰再去附近商場搵餐廳食嘢休息下～小編今日精選全港11大免費戶外遊樂場推介，各位爸爸媽媽又睇下邊度最近您！---------------【港爸港媽留意】填親子合作配對計畫，優先參加合作試用！想同小朋友一齊參加各大品牌活動？立即登記《社群》「親子合作配對計畫」 ，完成後就有專人為您配對試用活動！有豐富親子品牌活動、產品試用定工作坊體驗、自助餐及酒店優先試住體驗等限定合作。立即登記，創造難忘親子回憶啦！立即登記親子合作配對計畫 ---------------1. 五環遊樂園2026年全新落成嘅「五環遊樂園」鄰近奧運站，佔地15,000平方呎，絕對係當區熱門嘅親子玩樂好去處！公園共分為動感區、感知區及動力區，集13組遊樂設施，有齊全港罕見38米長繩網陣、彈跳床、滑梯、迷宮等等，考驗小朋友協調能力！地址：大角咀奧海城2期地下戶外廣場>媽媽 “Heiheibibi_mama” 分享奧運站新公園放電日常<點擊圖片放大 +9 ---------------2. 佐敦谷公園經翻新過後嘅「佐敦谷公園」亦都係其中一個熱門親子放電景點。遊樂場分為踏板區、爬坡區、沙池與感官區3個區域，設有5米長滑梯、攀爬架、韆鞦、沙池、繩網等具挑戰性嘅設施。而且草地夠大，自備帳篷野餐又得，無論係週末親子半日遊、或放學散心都適合～地址：茶寮坳新清水灣道71號佐敦谷公園> “3ingfamily”分享佐敦谷公園放電攻略 <點擊圖片放大 +10 ---------------3. 啟德「五行童樂園」提到近年熱門嘅親子放電景點，不得不提位於啟德呢個免費兒童遊樂空間「五行童樂園」！佔地4,300平方米，樂園融合五行哲學，小朋友喺入面除咗可以玩水玩沙之外，仲有繩網、滑梯、彈床、韆鞦、攀石牆等挑戰體能活動，盡情俾小朋友發揮小宇宙～地址：九龍啟德承啟道38號*入場前須前往現場資訊站，向場職員免費索取指定時段門票> “Carol Tsang” 分享五行童樂園親子玩樂攻略<點擊圖片放大 +5 ---------------4. 鑽石山活水公園本地親子遊必去鑽石山「活水公園」！鄰近啟鑽苑，佔地約26,400平方米。值得一提嘅係，公園由寮屋區大磡村改建而成，分別保留三級歷史建築飛機庫及二級歷史建築機槍堡。園內除咗種有多種植物及寧靜清幽環境之外，更係一個大型免費兒童遊樂場，帶子女放電之餘，仲可以同步認識歷史建築！地址：九龍鑽石山彩虹道（原大磡村舊址）> “hohoyan” 拍片同子女暢玩活水公園<點擊圖片放大 +12 ---------------5. 荃灣廣場Play Garden荃灣家長又有冇帶子女去荃灣廣場5樓Play Garden空中樂園暢玩打卡！場地佔地逾3萬呎，設施設計得色彩繽紛，未開始玩都充滿活力啦！必玩8米高彩虹晴空塔，裡面有3條滑梯。遊樂場分別設有天空彩虹遊樂區、雲端休閒區及限時主題拍照區3大區域，輕鬆暢玩兼打卡～地址：荃灣廣場5樓空中樂園> “yan yan” 分享荃灣廣場免費彩虹樂園打卡攻略<點擊圖片放大 +5 ---------------6. 朗壹廣場「舒泰花園」元朗人必去呢個戶外遊樂場！位於朗壹廣場2樓舒泰花園原來收埋咗個佔地2萬平方呎嘅遊樂場，分別設有2條長滑梯、兒童攀爬雕塑、200米緩跑徑，仲有戶外健身設備，大人都可以一邊做gym一邊陪小朋友玩！重點係全日免費任玩，玩到攰仲可以入返商場充充電再繼續玩～地址：元朗康業街8號朗壹廣場2樓> “beauty822” 同您介紹朗壹廣場親子玩樂設施<點擊圖片放大 +13 ---------------7. 天水圍公園「Town玩天地」位於天水圍T Town頂層嘅「Town玩天地」係全港首個濕地主題戶外空中遊樂場，分別設有多個以濕地動植物元素位主題嘅設施，包括「BulBul樹屋」滑梯、「BillBill歷險塔」垂直攀爬架、「樹蛙彈彈床」等多元設施，各種濕地生態同孩童一齊玩樂挑戰，等小朋友寓學習於娛樂～地址：香港新界元朗天水圍天華路30及33號T Town> “Biancamama” 分享天水圍免費親子好去處放電心得<點擊圖片放大 +10 ---------------8. 將軍澳南公園「將軍澳南公園」近期終於全面正式開放，新設共融兒童遊樂場更係大受將軍澳家長們歡迎！除咗有齊旋轉滑梯、高塔攀爬、飛索等設施外，仲有沙池區域，及超大片草地野餐放電打卡，治路走仲可以見到海濱無敵海景，無論係子女放電，或大人休憩放鬆都係絕佳場所~地址：將軍澳至善街15號> “愛分享的Cherry媽媽” 打卡將軍澳南公園親子設施<點擊圖片放大 +11 ---------------9. 沙田新城市廣場恐龍公園恐龍迷注意～去沙田新城市廣場行街唔好錯過呢個佔地3.5萬平方呎嘅戶外恐龍公園啦！公園以恐龍為主題，設有14項玩樂設施，必打卡呢個全長26米，高7米，集繩網、攀爬、滑梯於一身嘅「恐龍大冒險」設備！小朋友戶外放電必去～地址：沙田新城市廣場1期5樓戶外平台> “tamjai706” 同您詳細打卡全港首個恐龍戶外遊樂場<點擊圖片放大 +6 ---------------10. 西營盤海濱公園西營盤海濱公園都正式啟用啦～公園設有全港首個戶外雲朵造型彈床「片片雲海」裝置，孩童可以盡情跳躍攀爬，更設有維港海濱首創「沙丘探秘」設施，供小朋友同時玩水及玩沙。大人都可以登上觀景台，飽覽270度海景日落，打卡放鬆都適合！地址：西區德輔道西近東邊街海旁點擊圖片放大 +16 ---------------11. 鰂魚涌公園遊樂場又有一個市區遊樂場完成升級！鰂魚涌公園遊樂場以全新「海洋」主題面世，新設多項創意玩樂娛樂設施，不得不提呢個4米高「巨型八爪魚攀爬塔」，2層攀爬架再延伸出2條長滑梯，另外仲有海星鞦韆、螃蟹彈床等4大海洋主題設施，小朋友盡情放電地址：香港鰂魚涌太古城鰂魚涌公園點擊圖片放大 +5 *以上免費遊樂場之開放時間、設施運作及入場機制，均以康文署或相關商場物業管理方當日之最新公佈為準。 🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：康文署官方圖片、社群U Creator@和牛媽媽、@Peter Tong、@tamjai706、@愛分享的Cherry媽媽、@Biancamama、@beauty822、@yan yan、@hohoyan、@Carol Tsang、@3ingfamily、@Heiheibibi_mama
