➤立即下載U Lifestyle App➤詳情懶人包一到夏天，去日本換上浴衣參加花火大會，先係最完美嘅盛夏打開方式！每年7至8月，日本各地會舉行上千場花火大會，將夏日嘅夜空染上璀璨耀眼嘅大型煙花，成件事真係好夢幻！今日小編就精選出10場最值得睇嘅日本花火大會，想同另一半喺今個夏天創造最浪漫回憶，就要睇埋落去啦～ ---------------1. 熱海花火大會花火大會並唔係夏天嘅專利！「熱海花火大會」係日本少見一年四季都舉辦嘅花火大會，不過夏季場次規模會更盛大。踏入7-8月，5,000發煙花於海上發射，必不能錯過壓軸亮點「空中尼加拉瓜大瀑布」，去東京自由行不妨將呢個花火大會加入行程啊～日期：2026年5月24日起（詳細時間表官網查看）地址：靜岡縣熱海灣時間：20:15至20:40（夏季場次）交通方式：東京搭乘新幹線45分鐘／JR東海道線列車1.5小時> “dopeyhaha” 分享熱海花火大會最佳觀賞位置及交通攻略<點擊圖片放大 +4 ---------------2. 足立花火大會5月份出發東京嘅您要注意啦～「足立花火大會」係東京正式進入盛夏前最大型嘅花火大會，屆時約13,000發煙花於1小時內於東京「荒川河床」上盡情綻放。預計到時候會有數十萬名觀眾前來朝聖，建議避開主要車站及提早到現場，離場交通管制都記得提前去官方網站查詢！日期：2026年5月30日地址：東京都足立區荒川河畔時間：19: 20至20: 20交通方式：搭乘JR／東京Metro至「北千住站」步行15分鐘官方網站：https://ulapp.hk/fxr5b ---------------3. 鐮倉花火大會想近距離觀賞「水下花火」嘅震撼場面，咁7月就唔可以錯過鎌倉呢個花火大會！現場約施放2,500發煙火，必睇亮點一定係由船上向海裏投擲焰火，在水面綻放形成半扇形煙花嘅壯觀場景！如果想觀賞體驗更佳，建議可以預定付費席，近距離欣賞眼前難得嘅花火絕景！日期：2026年7月10日地址：神奈川縣鎌倉市由比濱海灘、材木座海灘時間：19:20至20:10交通方式：東京搭乘JR橫須賀線至「鎌倉站」步行5-10分鐘 ---------------4. 隅田川花火大會每年7月最後一個星期六，多達20,000發煙火點亮成個隅田川！作為全日本其中一個規模最大嘅東京花火大會，共分為兩個會場，預計會吸引百萬人流前來觀賞。如果想避開人潮，淺草區大部份位置都可以觀賞到煙花綻放嘅畫面，更可以影到七彩花火同「晴空塔」同框嘅畫面！日期：2026年7月25日地址：東京隅田川沿岸時間：19:00至20:30交通方式：「淺草站」步行15分鐘 (第1會場)；淺草線「藏前站」步行約5分鐘（第2會場）點擊圖片放大 +4 ---------------5. 柏崎海上花火大會作為「越後三大花火大會」之一，因為柏崎海岸沿海空間夠廣闊，可以於海面上同時施放100發尺玉煙火，最特別係大會以「水中花火」為亮點，最具特色嘅「海底星礦」從船上側面發射，落水面中引爆呈現半圓形嘅畫面，睇描述都覺得好震撼呀！！日期：2026年7月26日地址：新潟縣柏崎市的港町海濱公園時間：19:30至21:10交通方式：東京搭乘上越新幹線至「長岡站」轉乘JR信越本線至「柏崎站」步行約20-25分鐘官方網站：https://ulapp.hk/7yjpz ---------------6. 江戶川區花火大會位於東京市中心都有大型花火大會可以睇！「江戶川區花火大會」主打開場5秒內施放1000發煙花，隨後以8個主題，合計施放組成14,000發七彩顏色花火綻放夜空，當中值得觀賞亮點必屬招牌55公尺高「富士山」特色裝置煙火，而且煙花綻放嘅節奏、流暢度都計算精準，令成個場面更加壯觀！日期：2026年8月1日地址：江戶川河床⏰時間：19:00至20:30交通方式：都營新宿線「篠崎站」／「船堀站」步行15分鐘官方網站：https://ulapp.hk/igpy7點擊圖片放大 +2 ---------------7. 長岡祭典大花火大會每年8月2日至3日，最令人期待莫過於作為「日本三大花火大會」之一嘅「長岡祭典大花火大會」！近20,000發七彩煙隆重綻放，當中必睇長達約1.7公里嘅「鳳凰煙火」，呈現出浴火重生嘅效果，仲有傳統「三尺玉」。提提大家會場所有觀賞席都係收費制，而且需提前官方抽籤，建議提前經旅遊平台預訂啦～日期：2026年8月2日至8月3日地址：長岡市長生橋下游的信濃川河川敷時間：19:20至21:10交通方式：東京搭乘上越新幹線至 JR「長岡站」步行20-30分鐘點擊圖片放大 +4 ---------------8. 諏訪湖祭湖上花火大會想觀賞日本發射數量最多嘅花火大會，咁就唔好錯過8月於長野縣諏訪湖舉行嘅「諏訪湖祭湖上花火大會」！40,000發煙花以湖面為舞台綻放，連埋倒影個視覺效果真係唔係講笑！另外必睇全長2公里垂簾花火「尼亞加拉瀑布」，想觀景體驗更好，就記得提前預訂付費席啦～日期：2026年8月15日地址：長野縣諏訪市的諏訪湖時間：19:00至20:45 (暫定)交通方式：東京出發搭乘「梓號（Azusa）」特急點擊圖片放大 +7 ---------------9. 大曲全國花火競技大會位於秋田縣嘅「大曲全國花火競技大會」同樣都係「日本三大花火大會」，通常於每年8月最後一個星期六舉行。大會主打聚集全國頂尖煙火師進行競技，約18,000發高質煙火點亮夜空，無論心型、尼加拉瓜瀑布，甚至白天煙火，都可以睇到！被譽為一生必看一次嘅煙火大會！日期：2026年8月29日（星期六） 地址：秋田縣大仙市雄物川河川敷時間：17:10至18:00（日間煙火）；18:50至21:00/21:30（競技夜煙火）交通方式：東京搭乘「Komachi號」約3.5小時直達JR「大曲站」> “Moonjehsnote” 分享大曲花火大會出發前必知攻略<點擊圖片放大 +3 ---------------10. 土浦全國花火競技大會位於茨城縣嘅「土浦全國花火競技大會」作為「日本三大花火大會」，亦都係日本花火大會年度壓軸活動。於每年秋天進行，聚集日本各地頂級花火師展示最新嘅煙火技藝PK。會場入面，您可以輕鬆朝聖每分鐘近百發煙花快速綻放，形成超震撼「光之瀑布」，合計共20,000發花火照亮整個夜空，花火迷一定唔可以錯過！日期：2026年11月7日地址：茨城縣土浦市 桜川畔時間：17:30至20:30 交通方式：JR上野站搭乘JR常磐線特急Hitachi號至「土浦站」點擊圖片放大 +11 *以上花火大會之舉辦日期、時間及活動詳情僅供參考。煙花匯演極受天氣因素影響，如遇上惡劣天氣（如颱風、暴雨或強風），大會有權臨時延期或取消活動。建議大家出發前務必到各大會之官方網站或社交平台確認最新消息。《Chill賞親子玩樂祭👨👩👧》爸媽Creator 大募集📢親子活動搶先試 • 邊玩邊攞獎 ▶ https://ulapp.hk/7jqn5🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：土浦全國花火競技大會官方、X帳戶@sumida_river_fw、@edohana1976、FB帳戶@諏訪湖の花火、IG帳戶@omagari_hanabi、@nagaokahanabi0823、@kashiwazaki_hanabi、@tsuchiura_hanabi_festival、@atami_official、社群U Creator@dopeyhaha
