➤立即下載U Lifestyle App➤詳情懶人包母親節除咗為媽媽準備一份窩心嘅禮物之外，仲要為媽咪創造一場難忘嘅約會計劃！小編今次精選出全港8大母親節活動提案，除咗特色市集、戶外派對、限定展覽之外，更涵蓋多個手作工作坊，可以親手整母親節禮物～🎁想知媽咪邊度啱玩，記得睇落去啦！---------------【請您去】Arcadia豪華海景晚餐連Pickleball體驗！想搵個地方同伴侶/好姊妹打卡慶祝？社群為大家準備好銅鑼灣人氣餐廳Arcadia豪華雙人All Day Set Dinner，歎完豪華晚餐之後，再望住維港海景打Pickleball，食、玩、打卡一站式滿足！簡單登記，就有機會免費歎豪華晚餐連Pickleball體驗，絕對係約會打卡首選！活動日期：即日起至2026年5月26日登記免費歎豪華晚餐連Pickleball體驗 ---------------1. 嘉頓｢Every Bite Tells A Story｣展覽相信嘉頓麵包絕對係每位香港人嘅共同回憶！嘉頓今次聯同本地潮流品牌及新派中菜館，於朗豪坊舉行期間限定｢Every Bite Tells A Story｣活動。除咗推出一系列嘉頓復古簡約T恤、帽子等時尚單品之外，更推出全新限定「彩色朱古力手指餅禮盒」，做手信一流！現場仲有嘉頓經典互動工廠打卡位及扭蛋機，一家大細玩到停唔到～活動日期：即日起至2026年5月31日地址：旺角朗豪坊4樓通天廣場>即睇 “和牛媽媽” 打卡朗豪坊人氣嘉頓跨界企劃<點擊圖片放大 +10 ---------------2. 邂逅蒙娜麗莎．文藝復興的再現如果媽咪平時鍾意睇展覽，咁香港文化博物館呢個免費「蒙娜麗莎展覽」一定唔可以錯過！展覽除咗記錄經典貴婦肖像成為文化象徵嘅進化史之外，更包括4張達文西親筆手稿，仲有多個沉浸式影像與互動裝置，重現經典名作《蒙娜麗莎》，絕對值得帶埋小朋友去欣賞～活動日期：即日起至2026年7月27日地址：香港文化博物館一樓專題展覽館> “Benson LAI” 同大家打卡免費「蒙娜麗莎展覽」<點擊圖片放大 +15 ---------------3. 荃新天地「母親節愛心市集」作為吃貨嘅您一定要帶埋媽媽一齊去荃新天地呢個為期10日嘅「母親節愛心市集」，一齊掃街打卡！市集匯集多個本地創意及美食品牌，由奶茶、紅豆冰等本地茶記小食，到Gelato雪糕、泰國糕點、自家製咖啡等等，仲有花藝、手作商品攤位。母親節當日更設有｢花藝及愛心氣球打卡區｣，勁有節日氣氛～活動日期：2026年5月1日至2026年5月10日地址：荃新天地一期露天廣場> “cc90s.lifeaholic” 拍片打卡母親節愛心市集重點攤位<點擊圖片放大 +15 ---------------4. SOHO MARKET「五月蜜語手作市集」經過尖沙咀唔好錯過SOHO MARKET於The ONE舉行嘅市集！市集圍繞母親節，除咗有鮮花、植物外，仲有花藝布藝、首飾、服飾、花茶、咖啡、香水香薰、寵物用品等攤檔，仲未諗好買咩母親節禮物嘅您，不妨週末去市集睇下有冇心水禮物啦！活動日期：2026年5月1-3日、5月9-10日、5月16-17日、5月23-25日、5月30-31日地址：尖沙咀彌敦道100號The ONE UG2中庭點擊圖片放大 +13 ---------------5. 置富Malls「+WOO Fun Fit 狂賞活『樂』遊」今個夏天，一於去「+WOO嘉湖」揮灑汗水，盡情享受親子運動時光！商場為一家大細們準備「+WOO Fun Fit 狂賞活『樂』遊」天地，推出三大親子運動工作坊，除咗可以挑戰劍擊之外，仲有得同媽咪一齊做瑜珈、同爹地踢波等運動項目，大人小朋友都可以盡情投入運動時光！活動日期：2026年5月10日至2026年6月21日地址：新界天水圍天恩路12-18號+WOO嘉湖點擊圖片放大 +2 ---------------6. 銅鑼灣時代廣場LEGO®花束工作坊臨近母親節一於整支LEGO花送俾媽咪！銅鑼灣時代廣場舉行免費期間限定「LEGO®花束工作坊」，平日鋪滿七彩顏色嘅LEGO花藝展示，超適合打卡～而週末就可以參加workshop打造專屬LEGO花，再寫上心意卡，作為禮物送俾媽咪都超有意義啊！活動日期：2026年5月2-3日, 9-10日地址：銅鑼灣時代廣場2/F Atrium> “Ayu Tang” 分享LEGO花束工作坊體驗<點擊圖片放大 +6 ---------------7. LOG-ON TOGATHER 「香港真實人生鐵路」大家一定對港鐵站嘅七彩馬賽克牆感到唔陌生！除咗係遊客必去打卡位，都係港人生活一部分！又一城LOG-ON推出期間限定「⼈⽣鐵路⾺賽克」工作坊，除咗有齊各種潮語嘅七彩磁磚打卡位之外，仲可以親手製作專屬「鐵路磁石牌」，顏色配搭任您揀，整完仲可以送俾媽媽～活動日期：2026年4月1至2026年5月13日地址：香港九龍塘達之路80號LOG-ON（又一城分店）> “Mmman” 分享LOG-ON⼈⽣鐵路⾺賽克工作坊心得<點擊圖片放大 +4 ---------------8. 新都會「飲」歌 (Metro JamGo)想同媽咪度過一個氣氛高昂嘅母親節，不如帶埋佢一齊去葵芳聽廣東歌開Party！除咗設有 「邊飲邊食市集」，可以試盡街頭小食及微醺或非酒精飲品，入夜後仲有多位人氣DJ輪流登場同大家開展流行歌曲、經典廣東歌大合唱，母親節更設有特別主題DJ派對，同媽媽一齊共享經典廣東歌情懷，盡情感受派對時光！活動日期：2026年5月1日至2026年5月10日地址：新都會廣場L4露天廣場點擊圖片放大 +12 *以上活動資訊（包括日期、地點及內容）僅供參考，部分活動名額有限，一切以相關主辦機構或商戶之最新公佈為準。《Chill賞親子玩樂祭👨👩👧》爸媽Creator 大募集📢親子活動搶先試 • 邊玩邊攞獎 ▶ https://ulapp.hk/7jqn5 🔔 Follow《U Community社群》Instagram 同讚好 Facebook 專頁，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：網上圖片、FB帳戶@SOHO MARKET、IG帳戶@metroplazahk、社群U Creator@Mmman、@Ayu Tang、@cc90s.lifeaholic、@Benson LAI、@和牛媽媽、@Jooo_daily
