➤立即下載U Lifestyle App➤詳情懶人包夏天殺到，喺街行兩步都覺得自己要溶啦！呢個時候點少得歎返杯冰涼嘅雪糕～近年手工Gelato雪糕越嚟越流行，因為佢脂肪含量較低，加上口感綿滑，食落都冇咁大負擔！今次精選出全港8間社群U Creator分享高質Gelato雪糕店，想知邊間最值得買記得要睇落去啦～🍦---------------【Chill賞親子玩樂祭🎉】全港爸媽最強「親子Chill玩攻略」正式上線！每次放假都要諗帶仔女去邊玩真係R爆頭😵💫！U Community社群已經為各位爸媽準備好「Chill賞親子玩樂祭」，無論係全港最新放電位、隱世打卡點，定係親子旅遊攻略同育兒心得，一應俱全！仲有一系列主題樂園門票、酒店Staycation及人氣產品免費試用試玩活動等住您！緊貼「Chill賞親子玩樂祭」最新親子攻略 ---------------1. Ganto Gelato觀塘起家爆紅雪糕店「Ganto Gelato」大家又有冇試過呢！主打自家製手工Gelato，以多款創新雪糕口味而聞名。每月都會推出多種期間限定口味，4月就推出日本主題風味：沖繩海鹽菠蘿、抹茶提拉米蘇、波子汽水雲呢嗱等都係必食！經典口味如西西里開心果、焦糖燉蛋都大受好評，Gelato迷一定要試～地址：觀塘偉業街180號Two Harbour Square地下2號舖> "Chung Yan Pang" 分享Ganto Gelato雪糕食評<點擊圖片放大 ---------------2. Gelato Combo由2位香港女生創立嘅「Gelato Combo」主打全天然、低脂、低卡原材料手工Gelato雪糕，堅持每日新鮮製作而大受歡迎，於啟德、青衣、香港機場都有分店！必試皇牌口味「岩鹽開心果」，社群U Creator另外點咗特濃朱古力配伯爵茶，形容佢個可可味道濃厚，口感細膩順滑，大膽預測係下期爆紅Gelato雪糕！地址：啟德雙子匯B131店> “feijaichoy” 分享本地Gelato品牌必點口味及真實食評<點擊圖片放大 +4 ---------------3. Edenly Gelato呢間西營盤新開嘅本土Gelato雪糕小店絕對係近期超人氣Gelato雪糕之選！主理人曾跟隨Gelato世界亞軍嘅主廚學藝，堅持每日親手製作及研發口味，致力打造出最綿密口感嘅Gelato雪糕。客人可以先試食口味後買，最多人推介必試芝麻口味，價錢HK$58/兩球亦十分公道！地址：西環東邊街42號地舖> “followmetoeatandplay” 詳細分享西營盤新開Gelato小店打卡食評<---------------點擊圖片放大 +5 ---------------4. Snack Baby Gelato中上環人氣Gelato雪糕店「Snack Baby Gelato」主打健康創新嘅純素及無乳糖雪糕，仲係米芝蓮推介雪糕店！店家特別採用傳統Gelato展示Pozzetti櫃，確保可以完美保存Gelato口感及狀態。社群U Creator就推介必食花生醬脆脆口味，另外熱賣款「開心果脆脆」都係網民推介值得一試㗎！地址：中環荷李活道93至95號地舖> “foodierox” 分享中環米芝蓮推介雪糕店心得<點擊圖片放大 +9 ---------------5. 睡飽吃吃意式雪糕店西環超人氣甜品店「睡飽吃吃」新開設Gelato雪糕店，主打每日製作手工Gelato雪糕。人氣口味包括橄欖油味意式雪糕、開心果口味、抹茶味等等，社群U Creator就形容佢嘅雪糕質感係偏黏身及拉絲，而且份量都多。雖然價錢唔算平，不過絕對係良心之選！地址：上環歌賦街44號地舖> “eatjenn” 打卡西環超人氣甜品店副線食後心得<點擊圖片放大 +4 ---------------6. Gelato Messina呢間來自澳洲嘅過江龍Gelato店開業至今討論度不停，主打創新口味Gelato雪糕，除咗多款經典口味之外，更推出香港限定火龍果雪葩、黑芝麻湯圓、豆腐花口味等，正中香港人喜好！不過唔少網民表示雪糕口味偏甜，食過嘅您又覺得點呢～地址：中環砵典乍街37-43號嘉寶商業大廈地舖> “Who_foodies吃喝玩樂” 分享澳洲過江龍Gelato真實食評<點擊圖片放大 +2 ---------------7. NOOK. Eggwaffles & Gelato堅尼地城呢間新開嘅雪糕店唔單止有得食Gelato，仲有得食埋雞蛋仔！小店主打自家製手工Gelato，配上即叫即製雞蛋仔，外脆內軟口感有層次又有蛋香味。餐廳提供多款唔同口味選擇，人氣口味包括日式焙茶、杜拜朱古力脆脆、西西利開心果，難怪社群U Creator咁推薦啦～地址：西環堅尼地城吉席街99號地舖> 即睇 ”Applechong” 打卡堅尼地城全新雞蛋仔Gelato<點擊圖片放大 +4 ---------------8. L’antico Gelato源自意大利米蘭嘅Gelato品牌主打低糖低脂Gelato，亦都有同唔少奢侈品牌合作舉行活動！店內每日提供10多款自家製口味Gelato雪糕，設堂食及外賣，而且仲可以免費試各款口味，保證大家搵到心頭好！必試人氣西西里開心果、威士忌等口味，而且店家會定期推出期間限定口味，食客每次都有新驚喜！地址：中環鴨巴甸街19號地鋪> "Vicky" 分享 L’antico Gelato 雪糕必點口味<點擊圖片放大 +3 *以上介紹之雪糕口味及供應情況部分為期間限定，每日供應數量有限，售完即止。*各款雪糕價錢僅供參考，實際收費請以官方網站或分店當日公佈為準《Chill賞親子玩樂祭👨👩👧》爸媽Creator 大募集📢親子活動搶先試 • 邊玩邊攞獎 ▶ https://ulapp.hk/7jqn5🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。圖片來源：IG帳戶@gelatocombo、@snackbabygelato、@nook.ktown、@lantico_gelato、社群U Creator@Chung Yan Pang、@feijaichoy、@followmetoeatandplay、@foodierox、@eatjenn、@Who_foodies吃喝玩樂、@Applechong、@Vicky
